| |
| |
Vespers respons
|
O quam dulcis memoria
de sancta fide virgine
que gaudet celi curia
cum angelorum agmine
in paradisi gloria
manet cum sancto numine
|
Vespers verse
|
Beata fides fulgida
virgo et martyr splendida
|
Vespers (gospel) special antiphon
|
Hodie beata fides
virgo et martyr floruit
que martyrii corona
coronari meruit
ideo florens ut rosa
letatur cum gloriosa
matre virgine
in celesti culmine
|
| |
Matins I
|
Christum regem glorie
iesum adoremus
sancte fides hodie
festum celebremus
|
Matins antiphon 1
|
Sancta fides igitur
agennensi civitate
ex nobilibus oritur
proles plena sanctitate
|
Matins antiphon 2
|
Hec induta candida
stolaque virginitatis
fulget fides splendida
odore suavitatis
|
Matins antiphon 3
|
Etate iuvencula
senex summa honestate
fuit sine macula
plena magna sanctitate
|
Matins antiphon 4
|
Candore formosissima
vultusque hilaritate
claruit sanctissima
iesu christi bonitate
|
Matins antiphon 5
|
Hanc apprehendit dacianus
qui ab imperatoribus
missus fuit quasi insanus
plenus multis sceleribus
|
Matins antiphon 6
|
Frontem os pectus armavit
ad dacianum veniens
et ad dominum oravit
signo crucis se muniens
|
Matins respons 1
|
Hodie mundi salvator
nostre salutis amator
sanctam fidem glorificavit
in gloria exaltavit
cum sanctis agminibus
in supernis sedibus
|
Matins verse 1
|
Que propter sacrum martyrium
passa est supplicium
et consecuta est premium
|
Matins respons 2
|
Sancta fides igitur
agennensi civitate
oriunda hic colitur
mira plena sanctitate
nitensque mira claritate
|
Matins verse 2
|
Nobilis ex genere
nobilior ex munere
divine maiestatis
|
Matins respons 3
|
Istam videns dacianus
iubet ad se properare
infidelis et insanus
iubet deos colere
quos ipsa vult respuere
|
Matins verse 3
|
Deum unum colere
deos plures despicere
|
Matins respons 4
|
O quam dulcis et amena
sancta fides et serena
que suam animam
transmisit ad gloriam
|
Matins verse 4
|
Que propter dei filium
passa est supplicium
et post sacrum martyrium
|
Matins antiphon 7
|
Que es inquit dacianus
dic mihi carissima
sum fides christiana
a mea infancia
|
Matins antiphon 8
|
Recede inquit dacianus
ab ista stulticia
ad deos nostros leva manus
dans eis sacrificia
|
Matins antiphon 9
|
O infelix daciane
plene magne invidie
consilium das inane
contra regem glorie
|
Matins antiphon 10
|
Hinc totus mundus resonet
sancte fidis sanctitatem
nosterque chorus celebret
eiusdem festivitatem
|
Matins antiphon 11
|
In festo huius virginis
cantet turba fidelium
chorus beatitudinis
collaudet dei filium
|
Matins antiphon 12
|
Gaude agenne civitas
et tibi sit iucunditas
quoniam fidis sanctitas
floret in te et caritas
|
Matins respons 5
|
Candor virginitatis
decus mire caritatis
est fides virgo inclita
|
Matins verse 5
|
Ut rachel amabilis
ut esther laudabilis
ut ruth admirabilis
|
Matins respons 6
|
Virginis preconium
sancte fidis nobilis
chorus concinencium
cantet letus et humilis
cum celesti curia
|
Matins verse 6
|
Gaudet cum dei filio
cum sanctorum collegio
|
Matins respons 7
|
Magne dies leticie
beate fidis virginis
illuxit nobis hodie
atque beatitudinis
hanc dacianus impius
martyrizavit impie
fidemque nostram nesciens
sed repletus invidia
|
Matins verse 7
|
O infelix daciane
quam tu miser quam insane
|
Matins respons 8
|
Fides post martyrium
quod tulit propter dominum
spiritum exhalavit
qui ad celum volavit
ubi gaudet cottidie
cum rege glorie
|
Matins verse 8
|
Sancta fidis anima
post dura certamina
paradisum intravit
|
Matins (gospel) special antiphon
|
Cantica leticie
decantemus hodie
ad honorem virginis
sancte fidis martyris
que propter martyrium
habet dei premium
|
Matins respons 9
|
O flos vallis virginalis
lilium mundicie
rosa temporis vernalis
fructus paciencie
fides corona regalis
christi regis glorie
|
Matins verse 9
|
Virgo fides martyr christi
gaudium leticie
et celestis patrie
|
Matins respons 10
|
Felix fides sanctissima
o virgo beatissima
que celi gaudes curia
inter sanctorum agmina
|
Matins verse 10
|
Ora pro nobis iugiter
ut salvemur perenniter
|
Matins respons 11
|
O beata sponsa christi
virgo beatissima
que deo grata fuisti
virgo prudentissima
suscipe iam devotorum
tuorum precamina
|
Matins verse 11
|
Virgo dulcis et decora
pro nobis deum exora
|
Matins respons 12
|
Hodie beata fides
migravit ad dominum
ut testatur ista dies
sustinuit martyrium
unde datur sibi quies
et magnum solacium
|
Matins verse 12
|
Propter fidem salvatoris
iesu christi redemptoris
pervenit ad gaudium
|
| |
Lauds antiphon
|
Dominus regnavit
quem fides laudavit
laudando laudemus
deum et amemus
|
Lauds (gospel) special antiphon
|
Hodie beata fides
migravit ad dominum
hodie gaudet in celis
sistens ante dominum
unde deus collaudatur
nunc et in perpetuum
|
| |
Prime antiphon
|
Ad primam fidem laudemus
cantantes officium
cuius festum celebremus
eiusque martyrium
ut cum sanctis exultemus
in choro laudancium
|
Terce antiphon
|
In terciis decantemus
nunc sancte et exultemus
ei qui legem posuit
peccata nostra diluit
|
Sext antiphon
|
In sexta potens laudetur
et beata celebretur
christus qui numquam defecit
beatam fidem elegit
|
Nones antiphon
|
In nona rerum omnium
laudemus christum dominum
qui fecit mirabilia
det nobis celestia
|
| |
2nd Vespers antiphon 1
|
Adest dies leticie
in quo fides sanctissima
conscendit thronum glorie
inter sanctos letissima
|
2nd Vespers antiphon 2
|
Hec est fides que nescivit
virum in deliciis
sed iesu christo fruitur
sanctis pudiciciis
tandem ad celos transiit
fruens summis gaudiis
|
2nd Vespers antiphon 3
|
Hec est fides speciosa
plena sancto flamine
virgo redolens ut rosa
mira pulchritudine
celo gaudet iucundosa
cum sanctorum agmine
|
2nd Vespers antiphon 4
|
Sancta fides veneretur
a cunctis fidelibus
et verus deus laudetur
in supernis sedibus
et nobis venia detur
de cunctis criminibus
|
2nd Vespers (gospel) special antiphon
|
Post sacrum martyrium
et dirum supplicium
fertur ad celestia
virgo fides egregia
que gaudet in celestibus
iuncta celi civibus
|
full office name: