full office name: FERREOLUS (n2)
edition: AH 18 #22
calendar:September 18
structure summary: Vespers: A5RE
Matins: secular
Lauds: A5E
2nd Vespers: E
poetic forms: Vespers: o5{iv}.i
Matins: i.oxi{fp,op,fp}oTo{tp,oe,gf}log{gp,op,o$}
Lauds: o5.v
2nd Vespers: .o [”q]
type of saint: martyr
geographical information:Vienne .t, France
notes:martyr
Persons: Ferreoli Crispinus Ferreolus Ferreolo Ferreole Ferreolum Crispino Iuliani
Places: Vienna Rhodanum Rhodani

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Fidelium turma gaude
cum vienna plena laude
in honore digna coli
gloriosi ferreoli
Vespers antiphon 2
Imbutus vero dogmate
sacro lotus baptismate
sub habitu militari
deo cepit famulari
Vespers antiphon 3
Contigit gentes impias
per singulas provincias
ad suos ritus profanos
compellere christianos
Vespers antiphon 4
Crispinus presul subdolus
comperto quod ferreolus
esset vere christianus
statim misit in hunc manus
Vespers antiphon 5
Blandis minis verberibus
compedibus carceribus
et usque ad mortem pressus
semper christum est confessus
Vespers respons
Beatus ferreolus
virtute fidei armatus
et dono dei securus
rhodanum ingreditur
et fusis precibus
ad dominum
in ulteriorem
ripam transcurrit
Vespers verse
Elementa servo dei
ferreolo famulantur
dum per omnem rhodanum
sine demersione transvehitur
Vespers (gospel) special antiphon
Ferreole
te ferrum limatum
ferro ligatum
ferro litatum
martyrem
ac patronum beatum
petimus nobis obtine
omni pulsa rubigine
celesti frui lumine
 
Matins I
Regem sempiternum pronis
adoremus mentibus
qui martyrem suum digne
pro meritis
coronavit ferreolum
Matins antiphon 1
Beatus vir ferreolus
quem de semita iustorum
non traxit hostis subdolus
per devia peccatorum
Matins antiphon 2
Quare fremuerunt
gentes contra eum
reges astiterunt
incolentes deum
Matins antiphon 3
Domine multiplicacio
ferreolo passionum
est effecta benediccio
ad vocem oracionum
Matins respons 1
Divina providencia
nomina consonancia
rebus imposuit
et sub ferri materia
ferreolo cum gloria
nomen attribuit
Matins verse 1
Nomine eterno hereditavit illum dominus deus noster
Matins respons 2
Inter principes seculi
et frequencias populi
carnem hostem mundum vicit
totum christo se subiicit
Matins verse 2
Memor verbi domini reddebat que erant cesaris cesari et que dei deo
Matins respons 3
Ferrum de terra tollitur
igni purgandum traditur
cuditur malleo
ferreolus eripitur
ab idolis et patitur
tormenta pro deo
Matins verse 3
Beatus vir qui suffert tentacionem quoniam cum probatus fuerit accipiet coronam vite
Matins antiphon 4
Cum invocaret dominum
in quo firmiter speravit
sciant filii hominum
quod sanctum mirificavit
Matins antiphon 5
Verba mea
clamat intellige
viam meam
ad celos dirige
Matins antiphon 6
Domine noster dominus
minuisti paulo minus
ferreolum ab angelis
quem tecum trahis in celis
Matins respons 4
Ferreolum militem inclitum
christianum crispino proditum
presul iubet idolis servire
aut in eum minatur sevire
Matins verse 4
Iustus non conturbatur quia dominus firmat manus eius
Matins respons 5
Ferreolus carceratus
tenetur in compedibus
vinculatus oneratus
ferri magnis ponderibus
nec a divinis laudibus
cessat vir beatus
Matins verse 5
Sciebat enim se socium passionum
futurum esse et consolacionum
Matins respons 6
Somno die tercia
custodes premuntur
sponte patent ostia
vincula solvuntur
rhodani recta via
gressus diriguntur
Matins verse 6
Qui petrum in mari
ne mergeretur erexit
ferreolum per fluvium
secure transvexit
Matins antiphon 7
In domino confidens
a domino respicitur
quem deus iustum videns
ab eo plus diligitur
Matins antiphon 8
Domine sine macula
ferreolum invenisti
quem tua tabernacula
inhabitare fecisti
Matins antiphon 9
Domine in virtute
tua nobis presta
colere cum salute
ferreoli festa
Matins respons 7
Post rhodani transitum
martyr in agone
reddit deo spiritum
percussus mucrone
obtinet per meritum
premium corone
Matins verse 7
Corona aurea super caput eius expressa signo sanctitatis
Matins respons 8
Effusione sanguinis
ferreoli dedicatur
ope divini numinis
locus in quo tumulantur
caput sancti iuliani
cum eodem collocatur
Matins verse 8
Quomodo enim in vita sua dilexerunt se ita et per mortem non sunt separati
Matins respons 9
Iesu bone fide firma
ferreolo nos confirma
per precatum fiant firma
que in nobis sunt infirma
Matins verse 9
Prestet hoc nobis deitas beata
patris ac nati pariterque sancti
spiritus almi
 
Lauds antiphon 1
Ferreolus felix miles
sciens mundi res exiles
preelegit mundiciam
que dat eternam gloriam
Lauds antiphon 2
Ferreoli constancia
per blanda per supplicia
probatur ex passione
in christi confessione
Lauds antiphon 3
Ferreolo multiplicant
multi tormenti cumulum
sed rumpit quidquid applicant
qui benedicit seculum
Lauds antiphon 4
Ferreolum martyrio
post carceris ergastula
coronavit pro premio
gloriosus in secula
Lauds antiphon 5
Ferreole miles christi
qui terrena contempsisti
iam laudas cum martyribus
dominum in celestibus
Lauds (gospel) special antiphon
O mira res sub habitu
mundane milicie
mundano mundus ambitu
soli regi glorie
ferreolus militavit
quem martyrem coronavit
christus huius precibus
letemur in celestibus
 
2nd Vespers (gospel) special antiphon
Ferreole munde mundo
conversatus in immundo
ab immunda mundi fece
nos emunda tua prece