full office name: FACUNDUS & PRIMITIVUS (n1)
edition: AH 17 #31
calendar:November 27
structure summary: Vespers: AE
Matins: secular
Lauds: A5E
2nd Vespers: E
poetic forms: Vespers: l.e
Matins: l.e3{lh,lh,i}e3{e,lv,al}eel{$x,lh,lh}
Lauds: llhlh.l
2nd Vespers: .l [”q]
type of saint: martyrs
notes:martyrs
Persons: Atticus
Places: Erebum Galecas

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Gaudeat ecclesie
nunc concio tota fidelis
concinat hec psalmos
sanctorum nomine christi
Vespers (gospel) special antiphon
Hi duo sunt fratres
quos alvus namque gemellos
ecclesie sponso
parturit alma suo
ambos carnifices
torquent cruciamine diro
mors una christo
iungit et una fides
 
Matins I
Ethera qui fecit
terras pontumque erebum+que
est deus omnipotens
orbis quem totus adoret
Matins antiphon 1
Iussa viri fortes
negligunt consulta tyranni
sed legem domini
semper habere volunt
Matins antiphon 2
Gens fremit in sanctos
populus meditatur inane
sed ridet stultos
christus in astra sedens
Matins antiphon 3
Sevus seva parat
peccator verbera sanctis
quos perfecisti
perdere christe parat
Matins respons 1
Cum christi populum
crescentem perdere vellet
gens ignara dei et
hunc persequeretur ubique
atticus est presul
galecas missus adoras
idola compellens
venerari et fana deorum
Matins verse 1
Cives inde duo
dei in certamine fortes
dixerunt christum
colere et contemnere divos
Matins respons 2
Ambo viri audacter
respondent presidi iniquo
tu miser es cecus
venerans simulacra deorum
Matins verse 2
Hactenus in castris
tulimus si prelia vestris
attamen in nostro
servamus pectore christum
Matins respons 3
Sancti pro christo
non timuerunt
verbera carnificum
vincula penas
tormenta et multos
ferre labores
Matins verse 3
Hi comtemnentes
gaudia mundi
tradunt pro domino
corpora morti
?Comtemnentes [alt: ?]
Matins antiphon 4
Hi sunt veraces
mundi nullique nocentes
gaudent cum christo et
atria celsa colunt
Matins antiphon 5
Conservat dominus
sanctos a morte perenni
illis ostendens
quod sequerentur iter
Matins antiphon 6
Vera dei proles
sunt ambo qui morientes
pro christo sacri in
culmina montis eunt
Matins respons 4
Caumatis in medio
positos non attigit ignis
ardens nec fumus
per triduum nocuit
angelus in flammas
rorem fundebat ab alto
una cum sanctis
carmina dulce canit
Matins verse 4
Candescenti oleo
sparguntur corpora nuda
lampade flammigera
circuiturque latus
Matins respons 5
Iudex sanctorum
furibundus gutture calcem
ardentem immitti
cum felle et iussit acetum
Matins verse 5
Christicole intrepidi
potus libamina gustant
dulcia melle favo
mage sunt dulcedine versa
Matins respons 6
Quam benedicta
quam veneranda
mors preciosa
estque beatis
ante tribunal
cuncta regentis
Matins verse 6
Felices quorum
laudes iam celica narrant
agmina gaudendo
cantant palmasque triumphos
Matins antiphon 7
Vos gaudere decet
dominum benedicere iusti
canticum et in celis
pangere dulce novum
Matins antiphon 8
Angelus est missus
de flamma ut liberet illos
in fornace deo
laus datur ore trium
Matins antiphon 9
Gentibus est fusus
sanctorum sanguis ut unda
intumulata avibus
corpora sancta iacent
Matins respons 7
Dirus evulsit
digitos et ungues
ossium pleccio
premit et medullas
crura sanctorum laniat lacertos
cumque torquentur
mage roborantur
Matins verse 7
Iamque lassatur
cruciando tortor
forcius sancti
dominum fatentur
Matins respons 8
Vidi purpureo
indutos velamine sanctos
qui ex auro et gemmis
gestabant flore corollas
monstrantes agno
pro illo que vulnera passi
Matins verse 8
Angelus exclamat
sunt hi regnantis amici
qui proprias agni
stolas in sanguine mundant
Matins respons 9
Ceduntur sevo
gladio sanctissima colla
vertice sublato
linquuntur corpora nuda
sanguine lacte manant
anime celisque volarunt
Matins verse 9
Has chorus angelicus
secum super era duxit
 
Lauds antiphon 1
Laudibus exclament
populi cunctique fideles
sanctorum in festis
narrando gesta virorum
Lauds antiphon 2
Sunt duo candele
fulgentes lumine claro
lilia sunt ambo
celisque rubencia flore
Lauds antiphon 3
O per cuncta viros
fidei fortesque tirones
tradere qui aptarunt
pro christo corpora morti
Lauds antiphon 4
In medio flamme
benedicunt omnipotenti
laudant illesi
regnantem in secula patrem
Lauds antiphon 5
Nos laudare decet
scimus quos esse beatos
quos numquam cessant
cives laudare superni
Lauds (gospel) special antiphon
Hos potuit nemo A christi disiungere amore
ambos una fides
dileccio fecit amicos
passio germanos
et celorum coheredes
 
2nd Vespers (gospel) special antiphon
O quam felices
portastis ab hoste triumphos
ducite nos petimus
ubi nos requiescitis almi
qui per martyrium
sumpsistis gaudia celi