| |
| |
Vespers antiphon 1
|
Felix presul evurcius
exiens urbem romanam
transtulit se reccius
ad plagam aurelianam
|
Vespers antiphon 2
|
Angelus ei nunciat
cum splendore mire lucis
ut fundamenta iaciat
basilice sancte crucis
|
Vespers antiphon 3
|
Veris tempore ameno
hospes mundi celi civis
novit aere sereno
locum per circulum nivis
|
Vespers antiphon 4
|
Elidit idolatriam
sancta predicacione
deo exhibens latriam
sincera devocione
|
Vespers antiphon 5
|
Obitus sui prescius
cognoscens finem humanum
gloriosus evurcius
pronunciat anianum
|
Vespers respons
|
Dum refertur
sanctus ad propria
fit tempestas
et grandis pluvia
providente
dei clemencia
ut pateret
beati gloria
|
Vespers verse
|
Sed non tangit
pluvia baiulos
nec cum eis
euntes populos
|
Vespers (gospel) special antiphon
|
Magnificat miraculis
evurcium divinitas
coram omnium oculis
monstratur eius sanctitas
grati vultus serenitas
et perfecta humilitas
carnis eius integritas
intellectus sagacitas
tantis gracie titulis
apparet vite veritas
|
| |
Matins I
|
Christum summum regum regem
adoremus propicium
qui aurelianum gregem
gubernat per evurcium
|
Matins antiphon 1
|
In malorum consilio
evurcius non abiit
sed cum dei auxilio
mundum transiens obiit
|
Matins antiphon 2
|
Peccatorum vincula
fortiter rumpamus
ut sancti sine macula
cum presule vivamus
|
Matins antiphon 3
|
Susceptor evurcii
fuit servator iesus
qui nullius vicii
esse legitur lesus
|
Matins respons 1
|
Mundum vocans
ad dei graciam
exit roma
transit ad africam
semet regens
per ignoranciam
plurimorum
pellit tristiciam
|
Matins verse 1
|
Per dei providenciam
sublimatur
ad presidenciam
|
Matins respons 2
|
In columbe specie
sanctum flamen apparuit
coram plurium facie
miraculum hoc claruit
et vox magna leticie
in populo personuit
hic est a deo dilectus
hic presul noster electus
sicut columba docuit
|
Matins verse 2
|
Dum recessit sancta avis
exclamat devota ovis
|
Matins respons 3
|
Datus mundo
pro mundi gloria
dignus laude
dignus memoria
iam de hostis
gaudet victoria
plebi sue
dat adiutoria
|
Matins verse 3
|
Cuius virtus
est tam notoria
demonibus
extat contraria
|
Matins antiphon 4
|
Diligentes vanitatem
et querentes mendacium
cognoverunt veritatem
per beatum evurcium
|
Matins antiphon 5
|
Scuto bone voluntatis
in terra fuit ornatus
et corona sanctitatis
est in celo coronatus
|
Matins antiphon 6
|
Mirabile dei nomen
aurelianis predicavit
et tunc verbi dei semen
multum fructificavit
|
Matins respons 4
|
Verbum vite
dum pontifex profert
gregem suum
ab hostibus aufert
christicolas
idolatris prefert
et egrotis
sanitatem confert
|
Matins verse 4
|
Tribulatis
auxilium offert
desolatis
leticiam infert
|
Matins respons 5
|
Dignitatis
ascendens culmina
columba volitans
circuit agmina
et post plebis
multa precamina
hunc elegit
gracia divina
|
Matins verse 5
|
Cantet chorus
presuli carmina
ut nobis miseris
laxentur crimina
|
Matins respons 6
|
Panis vite et intellectus
sanctum presulem cibavit
per gracie effectus
ecclesiam roboravit
malignorum defectus
viriliter increpavit
et bonorum effectus
caritate inflammavit
|
Matins verse 6
|
Hic iam presul effectus
plebis cumulat profectus
dum urbem sic decoravit
|
Matins antiphon 7
|
Sine macula est ingressus
in dei tabernacula
quia vite sue progressus
patuit per miracula
|
Matins antiphon 8
|
Desiderium anime
ei dominus tribuit
quia de mundo minime
dum vixit curam habuit
|
Matins antiphon 9
|
Manum desuper immissam
deus de nube eduxit
ipsi celebranti missam
evidenter benedixit
|
Matins respons 7
|
Granum expulsum palea
de romanorum horreo
fidei tutus galea
et caritatis clipeo
caruit fece fellea
et peccati aculeo
dum dulcedine mellea
habitans deus in eo
|
Matins verse 7
|
Victo rege tartareo
nunc in celo empyreo
letanter fruitur deo
|
Matins respons 8
|
Felix presul
cuius solacio
angelorum
servivit concio
vita eius
caruit vicio
assueta
dei servicio
|
Matins verse 8
|
Antistiti evurcio
in misse sacrificio
data est benediccio
|
Matins respons 9
|
O rem miram quam fecisti
in processionis via
dum transferri meruisti
longum iter per bivia
baiulos custodisti
ab inundante pluvia
qui urbem protexisti
pellendo mala gravia
|
Matins verse 9
|
Qui tot signis claruisti
per miracula pervia
nobis opem feras christi
gracia eius previa
|
Matins Q
|
1 superne matris gaudia
evurcio sunt grandia
2 cum celica melodia
nostra sonent precordia
3 inter noctis primordia
et diei exordia
decantetur psalmodia
4 querant nostra studia
per huius mundi stadia
pontificis subsidia
5 mortuis vite subsidia
mutis dantur facundia
6 cecis claudis remedia
febris fugat excidia
7 fastus luxus
gula accidia
cupiditas
ira invidia
repelluntur
atque vecordia
per gracie
stillicidia
8 fratres captos
hostis perfidia
carcerali
clausos custodia
eius prece
ad deum media
letos vidit
post tanta tedia
9 iesu bone tu nos irradia
caritatis prebens incendia
tua pia misericordia
10 spreta mentis desidia
per brevia compendia
tolle mentis fastidia
11 qui urbem protexisti
pellendo mala gravia
|
| |
Lauds antiphon 1
|
Evurcii magnalia
et virtutum preconia
faciunt credibilia
dei testimonia
|
Lauds antiphon 2
|
Aureliana patria
deum laudet devocius
quia in dei atria
introivit evurcius
|
Lauds antiphon 3
|
Os magna loquencium
per deum est obstructum
et per sanctum evurcium
est vulgus instructum
|
Lauds antiphon 4
|
Hec terra aureliana
deum verum benedicat
quia in aula superna
presul pro ea supplicat
|
Lauds antiphon 5
|
Iuvenes et senes
dominum laudate
et populi omnes
presuli cantate
|
Lauds (gospel) special antiphon
|
Deus ex alto oriens
mundum visitavit
et in tenebris sedentes
tunc illuminavit
cum pontifici beato
triumphum donavit
quo dono sibi collato
gloriam intravit
|
| |
2nd Vespers (gospel) special antiphon
|
De sede potentes
deus deposuit
horum superbiam
iuste compescuit
pastori evurcio
baculum prebuit
quo lupum inferni
in tantum terruit
quod a fauce eius
gregem eripuit
|
2nd Vespers respons
|
Dum elias curru scandit
pallium substernitur
evurcius numen pandit
gratum cunctis cernitur
sic evectus spem protendit
sursum per quam labitur
|
2nd Vespers verse
|
Confert vigil presul fortis
vitam notas tergens mortis
qua pro semper fruitur
|
2nd Vespers Q
|
1 ore defert noe risum
columba dum placat visum
oliveti ramulo
in presulem prodit fusum
evurcium sic suffusum
virtutum ex cumulo
2 ignis flagrans deprimitur
et thesaurus exprimitur
ad decus ecclesie
mathathias ulciscitur
et per iudam reducitur
opimum amasie
3 fratres preda captivatos
ut tobias liberatos
reddit dei munere
clipeus stat donec tortos
iosue terat sic gratos
manus pandit opere
4 omni die dat salutem
animabus atque dotem
fugans pene sarculos
hic moyses scidit fortem
maris stillam et cohortem
velat eius baiulos
5 ergo rite fibris clangit
plebs evurti dum assurgit
cultu qui prefigitur
tecum duces nunc applaudit
ut protegas manus tendit
affectu quo rapitur
|
full office name: