| |
| |
Vespers (gospel) special antiphon
|
Eutropii festiva
celebremus martyris
pastorisque primo missi
a roma xantonicis
ut pro eo condonemur
infinitis gaudiis
|
| |
Matins I
|
Offeramus christo summa
laudum sacrificia
quo fruens sacerdos eius
regnat eutropius
|
Matins antiphon 1
|
Vera narrans gesta laudis
de membris dominicis
gloriosum caput christum
predicat in subditis
|
Matins antiphon 2
|
Ad hec verbis commonemur
non frustra davidicis
cum sit horum iesus noster
retributor facilis
|
Matins antiphon 3
|
Colentes ergo triumphum
magni eutropii
recitemus vitam eius
mercedis non dubii
|
Matins respons 1
|
Ad se christus predicandum
primos legit nuncios
legerunt primi secundos
ac secundi tercios
|
Matins verse 1
|
De quibus fuisse sanctus
fertur eutropius
|
Matins respons 2
|
Quem successor petri clemens
sacravit pontificem
ac xantonas veritatis
fidum misit indicem
|
Matins verse 2
|
Monuit hunc fore christi
testem invincibilem
|
Matins respons 3
|
Dum ad urbem destinatam
miles sanctus properat
invento simonis ense
hostes christi enecat
|
Matins verse 3
|
Vertit deus auditores
et per ipsum intonat
|
Matins antiphon 4
|
Animas lucratus multas
sanctus venit xantonas
errores verus propurgat
lux tenebras effugat
|
Matins antiphon 5
|
Serere numquam cessabat
semen evangelicum
unde gaudens deo fructum
obtulit vivificum
|
Matins antiphon 6
|
Nam omnis fere conversa
regio xantonica
christo laudes referebat
per fidem et opera
|
Matins respons 4
|
Quod sobrius fuit castus
mitis et humillimus
testatur elector eius
clemens beatissimus
|
Matins verse 4
|
Quadriga virtutum vectus
satan stravit ocius
|
Matins respons 5
|
Signa multa vivens fecit
non est dubitabile
probant hec que egit mira
subsequenti tempore
|
Matins verse 5
|
Publicavit miraculis
se non falsa prodere
|
Matins respons 6
|
Preobtusa quidam mente
lacrimabant idolo
cum luceret valde vita
signis et eloquio
|
Matins verse 6
|
Is securi caput cesus
migravit a seculo
|
Matins antiphon 7
|
Post excessum cuius instat
tanta persecucio
ut pauci deferrent illi
vix qui eius tumulo
|
Matins antiphon 8
|
Ipsum unde confessorem
recolentes posteri
decoratum nesciebant
corona martyrii
|
Matins antiphon 9
|
Quod ostensum est constructa
condigne basilica
translatoque illuc ipso
presule palladio
|
Matins respons 7
|
Cum spectarent corpus sancti
duo ex abbatibus
visa est cicatrix plage
securis in capite
|
Matins verse 7
|
Quibus nocte subsecuta
sic per visum loquitur
ictu quem vidistis sanctum
complevi martyrium
|
Matins respons 8
|
O martyr prevenerande
eutropi xantone
quam celer es miraculis
quam benignus miseris
|
Matins verse 8
|
Senciat te rogans quisquis
pontifex mirabilis
|
Matins respons 9
|
A clemente papa date
patrie xantonice
eutropi presul sancte
nos peccatis eripe
|
Matins verse 9
|
Pro corona tui cursus
laudes christo promimus
|
Matins Q
|
Erepti aque ignee
pene umbrose
valde et putride
ac immense
tua prece petimus
dei vite heredes
simus vere eterne+que
sic pie a tormentis nos
eripe
|
| |
Lauds antiphon 1
|
Evangelizatum missus
presul eutropius
non tacebat christi laudes
diebus ac noctibus
|
Lauds antiphon 2
|
Ostendebat cara deo
laudum sacrificia
orthodoxa fide facta
caritatis opera
|
Lauds antiphon 3
|
Huius vita deo laudes
idolis opprobria
diffamabat circumcirca
mira dei gracia
|
Lauds antiphon 4
|
Laudemus christum in sancto
cuncti eutropio
qui pro vita tulit nostra
corporis dispendia
|
Lauds antiphon 5
|
Auctorem tocius laudis
predicamus dominum
qui certare dat electis
et vincendi premium
|
Lauds (gospel) special antiphon
|
O quam prestas gloriose
eutropi pontifex
duobus modis vincendi
duobus martyrii
eo nam semper audiris
posce danda indigis
|
| |
2nd Vespers (gospel) special antiphon
|
O tocius bonitatis
nesciens fons nimii
qui quod petunt sepe prebes
alienis fidei
vitam nobis sanctam sanctus
oret eutropius
|
| |
Vespers antiphon .a1
|
O eutropi egregie
o pontifex precipue
o fulgens gemma martyrum
o et sidus eximium
in omnibus amabilis
et in cunctis laudabilis
sis nobis clemens ubique quibus es presens xantone
|
| |
Matins respons .a1
|
Intercessor egenorum
pie potens ad dominum
eutropi profutura
queque nobis impetra
|
Matins verse .a1
|
Id te posse mundo multis
clarum fit miraculis
|
| |
2nd Vespers (gospel) special antiphon .a1
|
Prefulgens roseis
eutropi sancte tropeis
lux aquitanorum
rosa propria xantonicorum
tu surdis auris
lux cecis semita claudis
naufragio mersos
vinclis solvens religatos
solve iubente deo
nexus a pectore nostro
namque quod in terris
solvis solvetur in astris
|
full office name: