| |
| |
A verse LR
|
Christus illuminacio
salus atque proteccio
apparuit eustachio
|
A verse LV
|
Hunc cecum idolatria
christus illustrat gracia
sanctorum lux et gloria
|
A verse CA
|
Eustachi regis glorie
miles martyr egregis
qui summe paciencie
ac fidei constancie
prebes exemplum omnibus
fac nos purgatos sordibus
bonis frui celestibus
tuis oracionibus
|
A verse IR
|
Clarus martyr eustachius
virtutum pollens gracia
ad christum duxit plurimos
in multa paciencia
cuius sequamur seduli
beata nos vestigia
|
A verse IV
|
Beatus qui non abiit
in pravorum consilio
neque morari voluit
in peccatorum devio
|
A verse IA1
|
In camino martyrii
probat christus eustachium
ut fornax vasa figuli
per igneum incendium
|
A verse IA2
|
Qui prius luce fidei
eustachium illuminat
post igne paciencie
hunc dominus examinat
|
A (gospel) verse _E
|
Magnificet eustachium
fidelis plebs ecclesie
iustum sequatur martyrem
per semitam iusticie
|
A verse B$
|
Eustachi clemens subveni
tuis devotis famulis
exora dei filium
ut a cunctis periculis
nos liberatos collocet
supernis habitaculis
|
| |
A M _R1
|
Eustachius misericors
subveniens egentibus
hos pascit vestit visitat
quos colligit in domibus
|
A M _V1
|
Quem dominus misericors
ab idolorum sordibus
vocat ad cultum fidei
munificum pauperibus
|
A M _A1
|
In conspectu nos sanctorum
regi summo angelorum
psallamus nunc eustachio
in eius natalicio
|
A M _R2
|
Est alter iob eustachius
in tribulacionibus
quas paciencer patitur
nullis concussus fluctibus
sed semper constans permanens
sanctis adiutus precibus
|
A M _V2
|
Nudatus hic diviciis
honoribus deliciis
et coniuge ac filiis
christo semper eximias
devotus refert gracias
|
A M _A2
|
Est in conspectu domini
preciosa mors sanctorum
eustachii es coniugis
et suorum filiorum
|
A M _R3
|
Olim gentilis placidus
vocatus post eustachius
de impio idolatra
christianus egregius
egencium miseriam
relevavit attencius
|
A M _V3
|
Hic redemptori placuit
propter misericordiam
gentilitatem horruit
per fidei noticiam
cum uxore ac filiis
ascendit celi patriam
|
| |
A Q $A1
|
Pius martyr eustachius
quem adrianus impius
penis afflixit acrius
nunc gloria que reficit
gaudet que numquam deficit
sed sanctis semper sufficit
|
A Q $R
|
Reverendi eustachii
uxor et duo filii
eius facti consocii
sunt per palmam martyrii
|
A Q $V
|
Stolas pro christi nomine
laverunt agni sanguine
cum quo nunc sunt in gloria
propter dira supplicia
|
A Q $A2
|
Preclarum paciencie
cunctis christi fidelibus
eustachius est speculum
afflictis et merentibus
|
A Q $A3
|
Per pietatis opera
christo placidus placuit
qui pro ipso martyrium
durum pati non timuit
|
| |
A L HR
|
In martyris eustachii
festivo natalicio
festivas laudes resonet
christianorum concio
ipsum cum reverencia
honoret et cum gaudio
|
A L HV
|
Dei nimis honorandi
sunt amici et laudandi
quem in sanctis honoramus
honorantes collaudamus
|
A L LR1
|
Eustachio et sociis
honorem exhibentibus
multiplices dat gracias
christus ipsorum precibus
quibus dat abundanciam
bonorum temporalium
defendit a periculis
et hos salvator omnium
|
A L LV1
|
Peccatorum a domino
donatur istis venia
ipsos ipse misericors
locat in celi patria
|
A L LR2
|
Quibus portasti sobolem
felicia sunt viscera
quibus lactasti filios
o quam beata ubera
uxor sancti eustachii
qui gaudent super sidera
|
A L LV2
|
O quam beati coniuges
o quam beati filii
ventre fide martyrio
et gloria consocii
|
A (gospel) L _E
|
Sit benedictus dominus
eustachium qui visitat
et mortuum idolatram
per fidem hunc resuscitat
|
| |
A H _A1
|
Adoremus christi crucem omnes cum reverencia
cuius amara passio
in nostra sit memoria
in qua salvator hominum
pro nobis factus hostia
nos de inferni carcere
duxit ad celi gaudia
in quo sanctus eustachius
est cum eius familia
|
A H _A2
|
Deo cantemus hodie
magne laudes leticie
qui de pravo adriano
imperatore vesano
eustachio victoriam
donat simul et gloriam
|
A H _A3
|
Omnis deum creatura
benedicat mente pura
pro quo sanctus eustachius
est passus ut laurencius
|
A H _A4
|
Deum semper honoremus
et in sanctis collaudemus
veneremur eustachium
qui celi tenet solium
|
A H B$
|
Eustachi cum tripudio
perenni gaude gaudio
qui agminum celestium
multiplicas consorcium
ex filiis martyribus
tuis tecum regnantibus
|
| |
A $_A1
|
Ad festum sancti martyris
concurrant omnes populi
venerentur eustachium
magni maiores parvuli
ut nobis sit propicius
rogemus ipsum seduli
|
A $_A2
|
Devorandus eustachius
sevo leoni traditur
qui per virtutem fidei
mitis ut agnus redditur
a cuius hic sevicia
nullam iacturam patitur
|
A $_A3
|
Sprevit sanctus eustachius
gentilitatis idola
adorans dei filium
factus verus christicola
|
A $_A4
|
Virtute paciencie
ut alter iob emicuit
multiplices eustachius
erumnas qui sustinuit
|
A $_A5
|
Regna vicit eustachius
mundi carnis diaboli
et os leonis per fidem
clausit contemptor idoli
qui per palmam martyrii
letus regnat regno poli
|
A $_A6
|
Que prevenit eustachium
hunc gracia subsequitur
atque in ipso proficit
et gloria perficitur
|
A $_A7
|
Duobus privant filiis
leo lupus eustachium
quos christus sibi reddidit
merenti donans gaudium
|
A $_A8
|
Per igneum incendium
ut alterum laurencium
probat christus eustachium
in quo non est iniquitas
sed est inventa puritas
et ingens ardens caritas
|
A $_A9
|
O gloriosi filii
venerandi eustachii
ventre fide martyrio
fratres corone premio
theopiste agapite
preces ad deum fundite
ut post ve vite beatum
regnum nobis det obtatum
|
A $_A10
|
O martyr pater martyrum
qui tormentum passi dirum
te sequuntur non delirum
sed constantem fide virum
ut virginis set filius
nobis semper propicius
exora hunc attencius
eustachi et frequencius
|
A $_A11
|
Armis munitus fidei
christi miles eustachius
tyrannum sevum superat
propugnator industrius
|
| |
A K _A
|
Eustachii et coniugis
o quam beata copula
ex qua proles exoritur
christi fidelis famula
que pro ipso mortem subit
ut innocens ovicula
|
full office name: