full office name: EUSTACHIUS & comp. (n2)
edition: AH 26 #3
calendar:September 20
November 01
structure summary: Vespers: E
Matins: IA3RR.A3R.A3RR
Lauds: A5
poetic forms: Vespers: .o
Matins: v.o3{ih,op}o3{op}o3{vp,ol}
Lauds: e5 [”q]
type of saint: martyr
notes:martyr
Persons: Eustachii Traiani Placidus Eustachius Cornelium Eustachium

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
Sion plaude mater alma
triumphantis super palma
eustachii beati
quem coniunx et duo nati
gloriosa passione
comitantur in agone
adest inde roma testis
cedat horum prece pestis
quem reatus viciorum
et fraus infert malignorum
 
Matins I
Invitatur plebs fidelis
ad sanctorum gaudia
iubilantes rex in celis
collocet cum gloria
Matins antiphon 1
Altitonantis regia
suscepit cum leticia
beatos qui consiliis
non consenserunt impiis
Matins antiphon 2
Bonitatis non immemor
christus in celis habitans
his sibi servientibus
dedit sui noticiam
Matins antiphon 3
Cultu sub idolatrie
iam vanitati subditos
mirificavit dominus
in eis mira faciens
Matins respons 1
In diebus traiani cesaris
erat rome miles prenobilis
placidus nomine
sub cultu idolatrie
opus agens misericordie
Matins verse 1
Populus quem non cognovi servivit mihi
dicit dominus in auditu auris obedivit mihi
Matins respons 2
Illustris eustachius
imitatus cornelium
priusquam christum nosceret
servire illi studuit
Matins verse 2
Ego diligam eum dicit dominus et manifestabo illi me ipsum
Matins antiphon 4
Dator misericordie
scuto texit iusticie
beatum eustachium
dando corone premium
Matins antiphon 5
Elevatur eximia
dei misericordia
ex angelorum laudibus
pro conversis peccantibus
Matins antiphon 6
Fraudis commenta respuens
insignis eustachius
in dei tabernaculo cum suis manet iugiter
Matins respons 4
Vir dei eustachius
amissis rebus omnibus
uxorem amisit et filios
uxorem tulit barbarus
a feris nati capti sunt
Matins verse 4
Beati qui persecucionem paciuntur propter iusticiam
Matins antiphon 7
Genus electum cuius est
ipse deus hereditas
per pocionem calicis
hereditatem reparat
Matins antiphon 8
Hec pia generacio
quia quesivit dominum
eius videre faciem
miro modo promeruit
Matins antiphon 9
Intellectu prudencie
ditavit auctor glorie
sanctos ad plenum instruens
et ab adversis eruens
Matins respons 7
Redeunte magistro militum
exultat aula regia
urbs et senatus curia
nec non omnis regio
Matins verse 7
Annunciaverunt celi iusticiam illius et benedixerunt omnes populi gloriam eius
Matins respons 8
Iam acceptis honoribus
et dignitate pristina
barbarorum provinciam
debellandam aggreditur
ubi natos cum coniuge
divino nutu reperit
Matins verse 8
Qui percussit gentes
multas et occidit reges fortes
 
Lauds antiphon 1
Mira dei pietas
virtutibus atque decore
multiplici sanctos
induit atque fide
Lauds antiphon 2
Laudibus ac iubilo
deus est venerandus ubique
qui portas vite
pandit et astra suis
Lauds antiphon 3
Mentes sanctorum
lustrans deus hic benedicat
illuminetque pius
nos et ubique deus
Lauds antiphon 4
Nunc bene cum sanctis
chorus hic domino benedixit
luxurie flammas
insuperare cepit
Lauds antiphon 5
Regna superna deum
collaudant et venerantur
quem quoque cum sanctis
cuncta creata canunt