| |
| |
A verse LR
|
Lux vera christe tenebras
omnes nostras illumina
que nos trahunt ad inferos
tu tetra dele crimina
|
A verse LV
|
Iesu lumen de lumine
da meritis eugenie
nobis in celi culmine
beatam lucem glorie
|
A verse CA
|
Erumnis mundi variis
afflictis et merentibus
eugenia subvenias
nobis beatis precibus
fac ut purgati viciis
et peccatorum sordibus
intremus locum glorie
quo fruamur celestibus
|
A verse IR
|
In martyris eugenie
sollemni natalicio
congaudeat ecclesia
mater festivo gaudio
|
A verse IV
|
Exultet chorus virginum
cum martyrum collegio
cum quibus est eugenia
sedens in regni solio
|
A verse IA1
|
Orta virgo eugenia
de philippo et claudia
fuit martyr eximia
in romanorum patria
|
A verse IA2
|
Hec de quinque prudentibus
eugenia in omnibus
perita liberalibus
est excellenter artibus
|
A (gospel) verse _E
|
Christum iesum magnificum
magnificet ecclesia
qui virginem eugeniam
magnificat in patria
|
A verse B$
|
Eugenia testificat
se patri scissis vestibus
esse delectam filiam
patre matre gaudentibus
|
| |
A M _R1
|
Hec carnis luxus subiicit
virginali mundicia
conculcat avariciam
contemnens temporalia
supplantat hec superbiam
humilitatis gracia
|
A M _V1
|
Quam fortis quam mirabilis
eugenie constancia
que carnem mundum demonem
vicit christi potencia
|
A M _A1
|
Elegans mente corpore
virgo decens et amena
cum christo nunc eugenia
gloriosa gaudet cena
|
A M _R2
|
O quam felix virginitas
suprema carnis castitas
o quam felix humilitas
humilium sublimitas
quam dives copiositas
sanctis quibus sunt claritas
sprete mundi et vanitas
|
A M _V2
|
Quam felix es eugenia
que virginum consocia
predives nunc in patria
sublimaris in gloria
|
A M _A2
|
Eugeniam cum servulis
locat in monasterio
beatus presul elenus
quos christi dat obsequio
|
A M _R3
|
Sancta virgo eugenia
de sapientum munero
ingressa regni ianuam
cum sponso carnis infero
|
A M _V3
|
Hec calcat transitoria
relicto mundo misero
penalitatum sentibus
multis et diris aspero
|
A M _A3
|
Multas penas eugenia
passa pro christi nomine
perenni gaudet gloria
cum supernorum agmine
|
| |
A Q $A1
|
In gestis thecle perlegens
pro christoque sustinuit
eugenia mox credere
in iesum christum voluit
protum iacinthum vernulas
ad quem converti studuit
|
A Q $R
|
Descendens ignis celitus
domum false mellancie
consumpsit totam funditus
virtute regis glorie
|
A Q $V
|
Et hanc combussit penitus
propter crimen calumnie
quod falsus falso spiritus
imposuit eugenie
|
A Q $A2
|
Deprecemur eugeniam
aggregatam virginibus
ut apud dei filium
nos iuvet suis precibus
|
A Q KA
|
Beata es eugeniam
que spernens transitoria
recepisti celestia
numquam deficiencia
|
| |
A L HR
|
Laureata martyrio
cum palma virginitatis
ad nupcias eugenia
introivit cum paratis
que sponsi nunc amplexibus
iucundatur peroptatis
|
A L HV
|
Hec regnat celi sedibus
compta serto venustatis
conviva regis glorie
cibis fruens delicatis
|
A L LR1
|
Hec sub virili specie
sexum velans femineum
manum misit ad forcia
fortis cor habens ferreum
honores opes respuens
corpus strinxit virgineum
per iugem abstinenciam
et castitatis balteum
|
A L LV1
|
Virgo martyr eugenia
celum scandit empyreum
excussa carnis palea
ingressa christi horreum
|
A L LR2
|
Recepit hec divinitus
abbatis ministerium
quod peragit humiliter
velut sit servus omnium
|
A L LV2
|
Se promptam et beneficam
dat cunctis per obsequium
que sublimata residet
in choro nunc humilium
|
A (gospel) L _E
|
Seva fugat demonia
sanat egros eugenia
per ipsam quartenaria
sanata est mellancia
|
| |
A H _A1
|
Iesu nostra medicina
qui de mortis nos ruina
morte crucis liberasti
et ad vitam revocasti
eugenie da precibus
fruamur ut celestibus
|
A H _A2
|
Prestancior vigiliis
atque oracionibus
reperitur eugenia
fuisse cunctis fratribus
|
A H _A3
|
A divinis colloquiis
crebris oracionibus
non cessabat eugenia
diebus neque noctibus
|
A H _A4
|
Festivitatem virginis
honoremus eugenie
in cymbalis et organis
laudantes regem glorie
|
A H B$
|
In thermarum fornacibus
deponitur eugenia
quarum virtute domini
extincta sunt incendia
nullam beate virgini
iacturam inferencia
|
| |
A $_A1
|
Occiditur eugenia
die qua christus nascitur
et in perenni gloria
martyr leta suscipitur
|
A $_A2
|
Protum iacinthum vernulas
hortatur sic eugenia
simus nos fratres animo
voto atque concordia
mundi spretis honoribus
et derelicta gloria
|
A $_A3
|
O quante christo virgines
iunguntur per eugeniam
o quante christo vidue
copulantur per claudiam
protus iacinthus iuvenes
multos ducunt ad gloriam
|
A $_A4
|
Ut in ioseph putipharis
uxor sic in eugenia
castitatem extinguere
conata est mellancia
quod facere non potuit
ipsius impudencia
|
A $_A5
|
Ductis ad templum idoli
hoc colere spernentibus
proto iacintho corruit
coram eorum pedibus
qui regni scandunt solium cum precisis capitibus
|
A $_A6
|
In tenebrosi carceris
dira clausa custodia
privatur pane lumine
decennio eugenia
|
A $_A7
|
Avitus atque sergius
sancte fratres eugenie
paganos ducunt plurimos
ad christum regem glorie
|
| |
A K _A
|
Fuit corpus eugenie
sepultum eius predio
quo sancta pio corpora
hec tumularat studio
|
| |
A W _A
|
Sancte festo eugenie
gaudeamus in domino
que gaudens gaudet gaudio
celesti sine termino
aureole ac auree
ornata serto gemino
|
A W _R
|
Sacris christi virginibus
sancta virgo eugenia
construxit monasterium cum decenti ecclesia
que corpus patris martyris
philippi condit filia
|
A W _V
|
Fundavit xenodochium
ipsius mater claudia
de quorum fructu viverent
peregrini dans predia
|
full office name: