| |
| |
Vespers antiphon 1
|
Gaudeat ecclesia
pro palma victorum
quam adornat gallia
splendore sanctorum
|
Vespers antiphon 2
|
Eucharii nacio
sancta comprobatur
iustorum consilio
christum imitatur
|
Vespers antiphon 3
|
Hic dum mundi gloriam
pro christo calcavit
eternam memoriam
iusti comparavit
|
Vespers antiphon 4
|
Laudans nomen domini
vir deo devotus
vacabat regimini
per deum promotus
|
Vespers antiphon 5
|
Huius sancti presulis
mors est preciosa
quem laudant in populis
signa gloriosa
|
Vespers (gospel) special antiphon
|
O pastor egregie
doctorque fidelium
gemma lothoringie
nobile depositum
liberduni castri
fer euchari gracie
nobis patrocinium
ne perdamus anxie
thronum tibi traditum
supernalis astri
|
| |
Matins I
|
Regi celorum gloria
devote concinatur
dum eucharii gracia
digne commemoratur
|
Matins antiphon 1
|
Hic in lege domini
pie meditatus
se sanctorum agmini
iunxit vir beatus
|
Matins antiphon 2
|
Reges intellegite
providum rectorem
hunc sequi satagite
strenuum victorem
|
Matins antiphon 3
|
Christus fuit gloria
huius presidentis
non timuit milia
populi furentis
|
Matins respons 1
|
Laudemus permagnificum
in statu presulari
doctoremque catholicum
affatu salutari
eucharium mirificum
in actu regulari
|
Matins verse 1
|
Ducem sequamur celicum
colentem deum unicum
affectu singulari
|
Matins respons 2
|
Fidei rupto fodere
rex nequam iulianus
ordinis spreto munere
apostata profanus
in christum cepit furere
vir belial et vanus
|
Matins verse 2
|
Sub eius grandi scelere
passus est gravi vulnere
populus christianus
|
Matins respons 3
|
Dum galliam ingreditur
urbem grandem intravit
christicolas insequitur
pluresque carceravit
eucharium aggreditur
et ipsum decollavit
|
Matins verse 3
|
Ab impio perimitur
pastor pius nec vincitur
quem christus coronavit
|
Matins antiphon 4
|
Hunc sanctum mirificat
deus veritatis
per quem tot multiplicat
signa probitatis
|
Matins antiphon 5
|
Mane dei famulus
orans exauditur
preces eius populus
letus experitur
|
Matins antiphon 6
|
Laus perfecta sonuit
ex pastoris ore
cuius vita splenduit
virtutis honore
|
Matins respons 4
|
In pompeio litore
ceso presulis capite
et in loco tumbarum
iam divisum a corpore
ab ipso fertur equite
palmis caput preclarum
|
Matins verse 4
|
Passus modico tempore
conscendit recto tramite
montem deliciarum
|
Matins respons 5
|
Athleta victo turbine
per sancte vallis medium
iter suum direxit
legentes holus femine
mirantur ex hoc nimium
quod caput suum vexit
|
Matins verse 5
|
Plus stupet rubens sanguine
dum eas per sollemnium
operari prospexit
|
Matins respons 6
|
Presul divino munere
consummato martyrio
per omnia directus
recto pergens itinere
liberduni confinio
digne fuit collectus
|
Matins verse 6
|
Super lapidem funere
locato celi gaudio
fruebatur electus
|
Matins antiphon 7
|
Vitam sine macula
presul hic finivit
summa tabernacula
letus introivit
|
Matins antiphon 8
|
O preclare pontifex
in virtute dei
sis salutis opifex
nobis sancte spei
|
Matins antiphon 9
|
Rex eterne glorie
per hunc nos conducas
ad montem leticie
tecum et inducas
|
Matins respons 7
|
Corpus sanctum
defuncti presulis
dum deferret cum reverencia
urbis leuche
clerus cum populis
quadrivallis
non traxit spacia
|
Matins verse 7
|
Liberduno debebatur
sancti quies ut probatur
|
Matins respons 8
|
Subvectum in curriculo
presulis funus inclitum
vacce due trahebant
que pergrandi miraculo
locum sepulchri debitum
directe requirebant
|
Matins verse 8
|
Que cum decenti titulo
liberduni depositum
gressibus innuebant
|
Matins respons 9
|
De celso sancti premio
vera sunt testimonia
patrata dei bracchio
per eum mirabilia
qui suo patrocinio
magna confert remedia
|
Matins verse 9
|
Pro triumphali prelio
pastor regnat in gloria
magno dignus preconio
dum expellit demonia
|
| |
Lauds antiphon 1
|
Sanctus vir eucharius
morum luce splenduit
indutus decorem
sacerdos egregius
melchisedech tenuit
gradum et honorem
|
Lauds antiphon 2
|
Cordis pre leticia
iubilans in gaudio
deum exquisivit
manens in iusticia
iustorum consilio
domino servivit
|
Lauds antiphon 3
|
Deus ad te vigilans
exultando labiis
mente iubilabat
rectis lumen rutilans
gloria diviciis
iustus abundabat
|
Lauds antiphon 4
|
Benedicant opera
cuncta nomen domini
quod est benedictum
dum scandit ad ethera
summo iunctus numini
martyr post conflictum
|
Lauds antiphon 5
|
Tuba chordis organo
laudet omnis spiritus
dominum virtutis
quem in celi libano
cernit bibens primitus
calicem salutis
|
Lauds (gospel) special antiphon
|
Benedictus dominus
plebem suam visitans
per almum pastorem
cuius vite terminus
hunc beatum clamitans
hostisque victorem
nos ad bonum protinus
miraculis excitans
deo dat honorem
|
full office name: