| |
| |
Vespers antiphon 1
|
Adsunt erici
regis sollemnia laude
regem multiplici
collaudans suecia gaude
|
Vespers antiphon 2
|
Gaudeat eximiis
upsalia magnificata
martyris exuviis
et signis glorificata
|
Vespers antiphon 3
|
Hic insignitus
sceptri regalis honore
dulciter ignitus
christi fervebat amore
|
Vespers antiphon 4
|
Dulcis amice dei
per quem rex magnificatus
es clementer ei
pro nobis funde precatus
|
Vespers antiphon 5
|
Da deus ut mitis
regis cuius veneramur
festa piis meritis
sanctis iungi mereamur
|
Vespers (gospel) special antiphon
|
Ave martyr preciose
miles christi gloriose
ave regum gloria
o erice rex sueorum
posce nobis peccatorum
veniam et gaudia
|
| |
Matins I
|
Christum suppliciter
laudemus ei iubilantes
erici pariter
sollemnia concelebrantes
|
Matins antiphon 1
|
Opem christi flagitat
rex ciliciatus
et carnis suppeditat
reprobos conatus
|
Matins antiphon 2
|
Aqua frigens iugulat
vim carnalitatis
virtus regem regulat
moribus beatis
|
Matins antiphon 3
|
Tyrannos audacior
arcet et enervat
mites ipse micior
in pace conservat
|
Matins respons 1
|
Ira rancor odium
cedunt et ardescit
dei desiderium
nec umquam torpescit
per hoc felix studium
scandit et ditescit
|
Matins verse 1
|
Ideo stabilita sunt bona ipsius in domino
|
Matins respons 2
|
Lucris avaricie
pia mens abstracta
lucris studet gracie
celitus pertracta
cuncta sub iusticia
stant pulchre compacta
|
Matins verse 2
|
Nec iura nec predia
plebis sunt subtracta
|
Matins respons 3
|
Vana pompe practica
contempta calcatur
pia lex angelica
regi complantatur
scala celi fabrica
decens sic aptatur
|
Matins verse 3
|
Ascensiones in corde suo disposuit in valle lacrimarum
|
Matins antiphon 4
|
Pugil fortis fidei
dum pro fide zelat
ad baptismum provehi
perfidos anhelat
|
Matins antiphon 5
|
Pacem offert hostibus
et pugnans procedit
hostes cadunt ensibus
regi lucrum cedit
|
Matins antiphon 6
|
Plorat strages hostium
motu pietatis
dans grave suspirium
quod sint cum damnatis
|
Matins respons 4
|
Cultum idolatrie
cultor trinitatis
de terra finlandie
pellit illustratis
turbis dono gracie
fideque purgatis
|
Matins verse 4
|
Dominus dabit benignitatem et terra nostra dabit fructum suum
|
Matins respons 5
|
Precamur per vulnera
tua martyr christi
purga nostra scelera
quod possimus sisti
sursum supra sidera
quo tu conscendisti
|
Matins verse 5
|
Ut sit splendor domini dei nostri super nos
|
Matins respons 6
|
Summum decus patrie
fidei zelator
legum et iusticie
sanctus promulgator
sis divine gracie
mitis impetrator
|
Matins verse 6
|
Ut ad regnum glorie
nos ducat salvator
|
Matins antiphon 7
|
Rex erat ericus
humilis devotus honestus
prudens magnificus
paciens pius atque modestus
|
Matins antiphon 8
|
Correxit suecie
leges servire cegit
christo perfidie
gentes quas ense subegit
|
Matins antiphon 9
|
Digne promeruit
sanctis moriens sociari
qui domino studuit
vivens vere famulari
|
Matins respons 7
|
Pax patrie decus ecclesie
viciis inimicus
rex suecie celos hodie
conscendit ericus
|
Matins verse 7
|
Pro fidei fervore dei
dilectus amicus
|
Matins respons 8
|
Amens omnino
letali vulnere quino
se vir transfixit
quasi mortuus ille revixit
|
Matins verse 8
|
Regis mirifici
meritis sanatus erici
|
Matins respons 9
|
O miles christi
qui martyrio meruisti
sanctis coniungi
iunctus diademate fungi
victor regali
fidei merito speciali
|
Matins verse 9
|
Perveniant qui te
laudant ad gaudia vite
|
| |
Lauds antiphon 1
|
Hostia grata deo
mactata petens paradisum
ecce purpureo
reparavit sanguine visum
|
Lauds antiphon 2
|
Infanti genito
sine vita regis erici
vita datur merito
pariterque salus genetrici
|
Lauds antiphon 3
|
Martyr presbytero
lingue solvendo ligamen
dat cum sincero
vocis modulamine famen
|
Lauds antiphon 4
|
Ferro transecuit
proprium vir guttur ei+que
sanctus promeruit
vitam venerandus ubique
|
Lauds antiphon 5
|
O rex insignis
cui servit nostra caterva
prefulgens signis
nos protege dirige serva
|
Lauds (gospel) special antiphon
|
Corona fulgens aurea
flos dignitatis regie
sanctus ericus ignea
vicit tela malicie
sic victor vernans laurea
rex et patronus suecie
felix de domo lutea
transit ad regnum glorie
|
| |
2nd Vespers (gospel) special antiphon
|
Miles regis glorie
tutor innocencium
malleus perfidie
rex erice bravium
apprehendens in agone
ense cesus hostium
nobis placa martyr bone
iesum dei filium
|
2nd Vespers (gospel) special antiphon .f1
|
Magnificemus dominum
ericum qui magnificat
et in salutem hominum
signis crebris mirificat
|
2nd Vespers (gospel) special antiphon .f2
|
Benedictus es domine
erico qui post prelium
das in sanctorum agmine
celestis regni solium
|
full office name: