| |
| |
Vespers antiphon 1
|
O sion eximia
personando plaude
erasmi sollemnia
digna colens laude
|
Vespers antiphon 2
|
O erasme fidei
pugil per te gentes
meruerunt provehi
ad celos gaudentes
|
Vespers antiphon 3
|
O qui pellis citharam
das penis plagarum
sic evertens sisaram
ducem tenebrarum
|
Vespers antiphon 4
|
O martyr et pontifex
obsta multa prece
ne nos mille artifex
culpe fuscet fece
|
Vespers antiphon 5
|
O decus ecclesie
o norma virtutis
duc nos via gracie
ad fora salutis
|
Vespers respons
|
Gaudet anastasius
a morte cum filius
suus suscitatur
risus frequentatur
deum plebs dignificat
erasmum magnificat
credit et letatur
|
Vespers verse
|
Baptismi tunc gracia
restituti
sunt saluti
quadraginta milia
|
Vespers (gospel) special antiphon
|
O mater ecclesia
omni digna gloria
gaude iubilando
erasmi preconium
presulis eximium
canens exorando
soluti reatu
sanctis cum christicolis
iungamur celicolis
eius ut precatu
|
| |
Matins I
|
Adoremus dominum
deum patrem luminum
salvemur ut meritis
erasmi antistitis
|
Matins antiphon 1
|
Fructum suo tempore
erasmus donavit
talentum cum fenore
quia reportavit
|
Matins antiphon 2
|
Quare cum insania
fremuerunt gentes
verba per inania
in sanctum rigentes
|
Matins antiphon 3
|
Dominus mirificat
suum sanctum hodie
quem polo letificat
laureatum glorie
|
Matins antiphon 4
|
Domine non habitat
iuxta te malignus
sed qui se nobilitat
ut erasmus dignus
|
Matins antiphon 5
|
Omnia sub pedibus
eius subiecisti
iesu celi civibus
eum cum iunxisti
|
Matins antiphon 6
|
Sicut passer volitat
erasmus ad montem
virtute se excitat
vite gustans fontem
|
Matins respons 1
|
Cum a diocleciano
imperatore profano
damnatur ecclesia
in christi fide constantes
idolis non immolantes
sufferunt supplicia
|
Matins verse 1
|
Deo grates referunt
christiani
mente sani
tura cordis offerunt
|
Matins respons 2
|
Eremi silencia
a deo vocatus
expetit industria
erasmus beatus
|
Matins verse 2
|
Spretis mundi noxiis
angelorum
beatorum
fungitur alloquiis
|
Matins respons 3
|
Tribunali sistitur
iurgiis discutitur
minis fatigatur
offerat ut idolis
tura verbis subdolis
presul invitatur
|
Matins verse 3
|
Cum sprevisset idola
multo fuste
sed non iuste
pravis fit parabola
|
Matins respons 4
|
Erasmus vir lepidus
effatur intrepidus
omnis expers mali
fideles edificat
christum iesum predicat
astans tribunali
|
Matins verse 4
|
Vera fide rutilat
hic athleta
mente leta
deo laudes iubilat
|
Matins antiphon 7
|
Operans iusticiam
mali fugat pestem
erasmus in patriam
graditur celestem
|
Matins antiphon 8
|
Erasmi in capite
deus glorioso
coronam de lapide
ponis precioso
|
Matins antiphon 9
|
Portas vestras tollite
principes superni
militem suscipite
iam regis eterni
|
Matins antiphon 10
|
Nunciavit opera
miserentis dei
ideo ad ethera
fit dux deus ei
|
Matins antiphon 11
|
Laus decet et gloria
te deus deorum
erasmo qui gaudia
confers gaudiorum
|
Matins antiphon 12
|
Erasmum qui floruit
et floret ut palma
et tenet et tenuit
alma dei palma
|
Matins respons 5
|
Offero non sculptili
neque deo futili
verum christo soli
auras maculancia
spargere eloquia
tu rex ergo noli
|
Matins verse 5
|
Colere sculptilia
non est aptus
nisu captus
cece mentis furia
|
Matins respons 6
|
Carcere includitur
multo ferro premitur
rege ordinante
a ferro et carcere
solvebatur propere
angelo prestante
|
Matins verse 6
|
Dei transit gracia
mox pusillam
in favillam
ferrea materia
|
Matins respons 7
|
Satane versucias
carnales nequicias
erasmus evertit
et signis et dogmate
quam plures baptismate
ad christum convertit
|
Matins verse 7
|
Admirando studio
se severe
sternunt fere
ipsius vestigio
|
Matins respons 8
|
Suspexit ad ethera
sua quando latera
truduntur plumbatis
inter tot angustias
deo refert gracias
preco veritatis
|
Matins verse 8
|
Cum pro christi gloria
tormentatur
cumulatur
in ipso leticia
|
Matins (gospel) special antiphon
|
Transgredi cum potuit
numquam est transgressus
erasmus ut voluit
celos est ingressus
|
Matins respons 9
|
Erasmus cum rege iovis
templum intrat bellis novis
gemitu et precibus
idolum mox fractum ruit
et incineratum fuit
gentibus stupentibus
|
Matins verse 9
|
Ex quo statim proruit
draco dirus
spargens virus
viros multos necuit
|
Matins respons 10
|
Infiguntur digitis
erasmi antistitis
subule letales
quem circumdant ferrea
tunica et ignea
viri bestiales
|
Matins verse 10
|
Tot inter martyria
velut agnus
presul magnus
stat gaudens victoria
|
Matins respons 11
|
Confregere subdola
mox gentiles idola
miris visis tantis
et baptismi gracia
currunt ad presidia
summi dominantis
|
Matins verse 11
|
Exultet ecclesia
cum dementes
volant gentes
ad dei obsequia
|
Matins respons 12
|
Tyranni imperio
cum erasmus gladio
triumphans finitur
omni dignus gloria
in celesti curia
gaudio potitur
|
Matins verse 12
|
Victrix ridet veritas
dum confusa
et delusa
regis stridet feritas
|
| |
Lauds antiphon 1
|
Regnans deus induit
erasmum decore
nam in mundo claruit
presulis honore
|
Lauds antiphon 2
|
Cum erasmo domino
una iubilemus
celi sine termino
regnum ut intremus
|
Lauds antiphon 3
|
Sprevit transitoriam
erasmus salutem
videret ut gloriam
dei et virtutem
|
Lauds antiphon 4
|
Hic cum sacerdotibus
sanctis benedicit
deum in celestibus
quia mundum vicit
|
Lauds antiphon 5
|
Erasmum divinitus
foventem tutelis
omnis laudet spiritus
dominum de celis
|
Lauds (gospel) special antiphon
|
Cordis nostri lora spasmi
iesu dulcis domine
sacri dissolve erasmi
devoto oramine
ne ut noctue erremus
mortis in caligine
sed ut aquile ovemus
in te vero lumine
|
| |
Prime antiphon
|
Morti se impendit iste
pro amore tuo christe
plus quam ad convivia
volans ad supplicia
|
Terce antiphon
|
Erasmus vi rapuit
celum dignus deo
penarum hoc meruit
insigni tropeo
|
Sext antiphon
|
De virtute iugiter
ibat ad virtutem
erasmus feliciter
lucrando salutem
|
Nones antiphon
|
Erasmi presencia
fructu meritorum
cumulantur gaudia
incolis polorum
|
| |
2nd Vespers antiphon 1
|
Erasmo coniubilant
astra matutina
cuius gesta rutilant
hora vespertina
|
2nd Vespers antiphon 2
|
Erasmo sagacitas
data serpentina
a deo simplicitas
est et columbina
|
2nd Vespers antiphon 3
|
Blandimenta spuria
erasmus spernendo
superna palacia
subit paciendo
|
2nd Vespers antiphon 4
|
Excedens aromata
odore virtutis
migrat ad agalmata
eterne salutis
|
2nd Vespers respons
|
Ecce granum moritur
terre clausum palea
erasmus occiditur
regis quando framea
agalma ingreditur
mira fulgens trabea
|
2nd Vespers verse
|
Vite fretus galea
mortis trucem
fugans ducem
fidei de vinea
|
2nd Vespers (gospel) special antiphon
|
Magnificent dominum
amatorem hominum
omnes mundo corde
erasmi supplicibus
diluamur precibus
ut ab omni sorde
|
full office name: