| |
| |
Vespers antiphon 1
|
Laudibus magnificis
celebret ecclesia
erasmi pontificis
votiva sollemnia
|
Vespers antiphon 2
|
A primevo tempore
casto vigens corpore
gratis micans moribus
virtutumque floribus
|
Vespers antiphon 3
|
Vir preclare sanctitatis
pulcher erat facie
gemineque venustatis
templum decens gracie
|
Vespers antiphon 4
|
Ornat floridam etatem
decus innocencie
omnem fugat vanitatem
spiritus prudencie
|
Vespers antiphon 5
|
Linguam habuit disertam
faciem amabilem
et scienciam expertam
vitam venerabilem
|
Vespers respons
|
Erasmus deo dilectus
christi plebi placuit
et in presulem electus
talem se exhibuit
quod gratuitis perfectus
velut sol emicuit
|
Vespers verse
|
Verbo fulsit et exemplo
coruscans ut lucifer
et columna dei templo
crucis signi signifer
|
Vespers (gospel) special antiphon
|
Christe iesu pastor bone
legis lator et patrone
patris sapiencia
a quo strenuum pastorem
et idoneum doctorem
accepit ecclesia
erasmum qui profligatus
pro commissis ovibus
nostros excuset reatus
suis sacris precibus
|
| |
Matins I
|
Corde voce iubilantes
christo demus gloriam
et erasmi venerantes
martyris victoriam
|
Matins antiphon 1
|
Erasmi pontificis
agentes memoriam
agonis multiplicis
laudemus victoriam
|
Matins antiphon 2
|
Iussu diocleciani
ferbuit malicia
puniuntur christiani
crudeli sevicia
|
Matins antiphon 3
|
Hanc erasmus ut audivit
pressuram fidelium
solitudinem adivit
germinans ut lilium
|
Matins respons 1
|
Dum intrat solitudinem
omnem sollicitudinem
in dominum iactavit
vacans deo purius
quem ob hoc uberius
christus visitavit
|
Matins verse 1
|
Visitant hunc angeli
colloquentes presuli
ibi bene sibi
|
Matins respons 2
|
Septem annis latuit
in arbustis libani
presul venerandus
sed latens innotuit
in virtute domini
signis admirandus
|
Matins verse 2
|
Sed nec fame deficit
cui christus sufficit
quem per corvum pascit
|
Matins respons 3
|
O virum venerabilem
magnum et mirabilem
pedum cuius vestigia
ferarum collegia
sequuntur et obediunt
cellamque custodiunt
|
Matins verse 3
|
Iumentisque hominibus
in necessitatibus
subvenit precatibus
|
Matins antiphon 4
|
Vox de celo sonuit
et erasmum monuit
ad urbem redire
certamen subire
|
Matins antiphon 5
|
Intrans urbem demones
pellit ab obsessis
egros curat homines
subvenit oppressis
|
Matins antiphon 6
|
Viro dei predicante
et virtutes operante
multa turba domino
accrevit brevi termino
|
Matins respons 4
|
Dum cesar hec percepit
sanctum vinci precepit
a quo querens incepit
dic nobis quis es quid credis
vana docens legi nocens
fallax incedis
|
Matins verse 4
|
Erasmus in publico
ait christum predico
cui plebem dedico
|
Matins respons 5
|
Rex sacrilegus fidelem
iussit cedi presulem
plumbatis post hec fustibus
pro graciosis actibus
|
Matins verse 5
|
Plebs miratur quod illesus
martyr mansit dire cesus
|
Matins respons 6
|
Cere picis et sulfuris
olei liquore
ferventi corpus martyris
perfusum velut rore
vigebat cum decore
|
Matins verse 6
|
Laudat nomen domini
plebs devota fide mota
sancto credens homini
|
Matins antiphon 7
|
Terre motu concutitur
urbis universitas
sed tot signis abutitur
tyranni perversitas
|
Matins antiphon 8
|
Ascribens arti magice
non arti deifice
que fiunt mirifice
in sancto pontifice
|
Matins antiphon 9
|
Quem vinctum in carcere
magno ferri pondere
eduxit per angelum
christus dilectum famulum
|
Matins respons 7
|
Mox ad urbem lucridam
celitus delatus
plebis ad spem lucidam
puer suscitatus
gentes stupent et mirantur
quater dena milia
credunt baptizantur
|
Matins verse 7
|
Probat signis et doctrinis
christi fidem presul idem
|
Matins respons 8
|
Cum audisset turbidus
hoc maximianus
in erasmum rabidus
hostis misit manus
diversis suppliciis
torquet hunc vesanus
|
Matins verse 8
|
Occidens de familia
christi ter dena milia
|
Matins respons 9
|
O pastor egregie
doctor legis agmen regis
miles et milicie
christi signifer fidelis
celestibus nos civibus
iungi fac in celis
|
Matins verse 9
|
Memor esto pauperum
paterna clemencia
ut tuorum operum
probant beneficia
|
| |
Lauds antiphon 1
|
Dum iovis simulacrum
erasmus evertit
ad baptismi lavacrum
plurimos convertit
|
Lauds antiphon 2
|
Novis hunc suppliciis
tyrannus invasit
martyr maleficiis
invictus evasit
|
Lauds antiphon 3
|
Hunc ignita tunica
erea vestivit
sed virtute celica
flamma vim nescivit
|
Lauds antiphon 4
|
Pix resina cera stagnum
ignito cum oleo
refrigerium dant magnum
non estum in dolio
|
Lauds antiphon 5
|
Clauditur ergastulo
tandem vir fidelis
solvitur a vinculo
virtute de celis
|
Lauds (gospel) special antiphon
|
Hoc dignum in miraculis
quod bis ereptus vinculis
cursum non explevit
sed ductus in campaniam
urbem adiit formianam
evocatus celitus
eius gaudens spiritus
in pace quievit
|
| |
2nd Vespers (gospel) special antiphon
|
O beatum pontificem
virtutum opificem
quo demones fugantur
infirmi curantur
idola cassantur
mors fugit tot milia
ad celi sedilia
triumphali gloria
premissa letantur
|
| |
Q antiphon 1.a
|
O gloria pontificum
o sidus mirificum
o fidei lucerna
nos fide paterna
domino commenda
et consueta gracia
post vite solacia
transfer ad palacia
semper possidenda
|
full office name: