full office name: EMANUS (n1)
edition: AH 13 #46
calendar:May 16
structure summary: Vespers: E
Matins: secular
Lauds: E
poetic forms: Vespers: .v
Matins: v.v3{v3}v3{v3}v3{v3}
Lauds: .v
type of saint: martyr
geographical information:Chartres, France
notes:martyr
Persons: Emani Emanum Emanus Leo Orfacium Emane
Places: Cappadocie Cappadocia Carnotum Romane

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
Sancti festa nunc emani
veneremur annua
qui factoris sequens iussa
celebs liquit terrea
pro quibus est aggregatus
choreis celestibus
dei iussu et laureis
proclivis vernantibus
 
Matins I
Salvatoris mundi omnes
veneremur graciam
qui emanum sibi servum
ascivit mirabilem
Matins antiphon 1
Beatissimus emanus
natalibus optimis
cappadocie telluris
oriundus extitit
Matins antiphon 2
Puericie sub annis
adhuc ipse positus
bonis cepit regi regum
complacere moribus
Matins antiphon 3
Nam pro posse vestem nudis
cibum fame morbidis
potum sepe sicienti
verbum pravis contulit
Matins respons 1
Hic emanus servus christi
ortus cappadocia
sibi morum honestatem
sumpsit ab infancia
Matins verse 1
Nam imprimis litterarum
traditur ad studia
Matins respons 2
Cum doctorum sibi sentit
copiam deficere
romam pergit iam decursis
annis puericie
Matins verse 2
Illic fontem potaturus
spiritalis gracie
Matins respons 3
Hinc carnotum cum abiret
ipse in itinere
claudum quendam sopitati
reddidit celerrime
Matins verse 3
Salvatoris mundi dei
invocato nomine
Matins antiphon 4
Cumque flores iam subiret
hic adulescencie
romam iussu christi petit
causa sapiencie
Matins antiphon 5
Quem romane leo qui tunc
preerat ecclesie
susceptum insinuavit
atque fovit tenere
Matins antiphon 6
Ille christi in doctrina
studuit tantopere
ut a cunctis probaretur
strenuus in dogmate
Matins respons 4
Dum carnotum moraretur
ille dei famulus
verbum eius predicando
fideliter civibus
Matins verse 4
Plurimos ad christi fidem
convertit divinitus
Matins respons 5
Audiens quorumdam necem
ille sanctus hominum
cupiensque horum vitam
currit ad periculum
Matins verse 5
Quos a fraude liberavit
circumveniencium
Matins respons 6
Visu carens et auditu
filius predivitis
dum predicti supplex viri
presenciam adiit
Matins verse 6
Mox utroque morbo dempto
decorari meruit
Matins antiphon 7
Ergo nocte quadam ille
iussus est ab ethere
ut carnotum verba dei
iret innotescere
Matins antiphon 8
Cum videret claudum quendam
ipso in itinere
facto crucis signo illum
levavit de stercore
Matins antiphon 9
Non longe post urbis dicte
menia ingreditur
et benigne verba dei
predicavit civibus
Matins respons 7
Quendam captum morte eius
et matrem a demone
atque reum eius mortis
detrusum in carcere
uno sanctus dei martyr
liberavit tempore
Matins verse 7
Nam extinctum vite dedit
et reum a crimine
atque matrem interfecti
servavit a demone
Matins respons 8
Virum quendam sanctus dei
orfacium nomine
graviter cum aspexisset
correptum a demone
Matins verse 8
Facto signo crucis illum
liberavit strenue
Matins respons 9
O invicte testis christi
emane sanctissime
regem regum interpella
pro nobis assidue
Matins verse 9
Ut quo vivis et nos tecum
valeamus vivere
 
Lauds (gospel) special antiphon
Ave martyr gloriose
emane sanctissime
ave consors angelorum
atque decus martyrum
ut pro nobis depreceris
dominum assidue
te precamur venerantes
venerando supplices