| |
| |
Vespers antiphon 1
|
Elisabeth de rege
hungarorum stirpe nata
vultu decora
fert iam vidua deo grata
|
Vespers antiphon 2
|
Iuventutis florem
timore domini texit
viduitatis laude
gracie vixit sine fraude
|
Vespers antiphon 3
|
Regis hec in aula
licet pie foret nutrita
vias sui domini
tenens vera israelita
|
Vespers antiphon 4
|
Sericis induta
vixit sub magistre rigore
pia documenta
amans pro christi laude
|
Vespers antiphon 5
|
Hungarorum stirpis
progenie hic generata
fac post exilium
nostra ut sis advocata
|
Vespers respons
|
De paupertatis palea
hec grana collegit
membra dum carnis propria
spiritu subegit
ut nil puerile
in opere gerendo
sedem nil inopis
prebuit et opem dando
|
Vespers verse
|
Debilis debilior erat
que pauperes sanat
|
Vespers (gospel) special antiphon
|
Plaude filia sion
christo regi domino
qui elisabeth sic dilexit
odor quam attraxit
et dei sapor et puritas
ut verum sidus preclarum
a sole quod differt parum
et luna lucidius
predicatur
christus dum sponsus
in regno adoratur
cui cum coniungitur
ut nostri memor sit
rogemus in perpetuum
|
| |
Matins I
|
Adoremus dominum
regemque viduarum
qui ex hungaria protulit
preciosum thesaurum
|
Matins antiphon 1
|
Ex infancium ore
lactenciumque amore
laudem perfecisti
hanc dum celis invexisti
|
Matins antiphon 2
|
Gloriam celi
enarrant et opera dei
dum in firmamento
sponsa coniungitur christo
|
Matins antiphon 3
|
Plenitudo terre
maris et omnium rerum
domini dicitur
hec vidua dum vocatur
|
Matins respons 1
|
Elisabeth regina
hungarorum stirpe suprema
pauperes amando
pauperum lues lavando
caput et pedes
cum christo ut esset heres
|
Matins verse 1
|
Beata que texit
pauperum membra dilexit
|
Matins respons 2
|
Elisabeth sancta
miserorum via recta
leprosos mundas
precamur ut oleum fundas
de pectore sacro
christo ut iungas sponso
quos et leviathan
depressit cum malo dathan
|
Matins verse 2
|
Et vinxit luto
mundo texit scuto
|
Matins respons 3
|
Elisabeth pia
ut filium planxit maria
maritum carum
plorat ad regem regum
obsequio suorum
clericorum ac laicorum
exequias parat
virum ut carum deploret
|
Matins verse 3
|
Milite facto
signoque crucis signato
|
Matins antiphon 4
|
Vestitu deaurato
stetit christo a dextris
virtutum flore
adornata cum iustis
|
Matins antiphon 5
|
Suum tabernaculum
deus sanctificabat
elisabeth reginam
ex hungaris dum vocabat
|
Matins antiphon 6
|
Fundamentum pauperum
cecorum et miserorum
hec bene erexit montem
sion cum dilexit fundamenta
|
Matins respons 4
|
Elisabeth tu rosa
inter spinas formosa
cecorum lumen
mortuorumque solamen
leprosos mundas
et labe tactos ut undas
puros facis
oscularis quos osculo pacis
et saniem radis
ulcera dum pauperis lavas
|
Matins verse 4
|
Ad te cuncti clamant
christum qui pure amant
|
Matins respons 5
|
Elisabeth signis
miraculis fide dignis
reginas precellit
cunctorum morbos pellit
pauperem christum
opere bono secuta
debiles sanando
debilia membra curando
|
Matins verse 5
|
Lumen tu ceco
membra reddis misere nato
|
Matins respons 6
|
Elisabeth vernalis
flos tu dicere talis
pauperum catervas
christo iungis ut lucernas
a scabie mundatos
ut rosas illuminatos
|
Matins verse 6
|
Ad sponsi hortum
christique ducis ad portum
|
Matins antiphon 7
|
Hostia hec tulit
atria regis intrando
dominum adorat
sponsum suum vocando
|
Matins antiphon 8
|
Insule terre
maris in hisque degentes
de caligine nubis
trahit et umbra mortis
|
Matins antiphon 9
|
Dominus recordatur
misericordie et veritatis
domui israel
pauperum misere natis
|
Matins respons 7
|
Elisabeth speciosa
inter spinas rubens rosa
humillima stella
pauperis misera cella
nos a procella
mundi salva et hostis tela
ut iubilemus
tecum dominum collaudemus
|
Matins verse 7
|
Cithara et choro
cordis et organi sono
|
Matins respons 8
|
Elisabeth preclara
regem salomonem ut saba
queris in decore
viduarum iuncta honore
fructu cumulata
regi supremo sociata
cum filiis plaudis
tecum quos sedere gaudes
|
Matins verse 8
|
Ut altera sara
letaris progenie cara
|
Matins respons 9
|
Elisabeth aman
in patibulo suspendit
caput holoferni
de collo leta extendit
sic liberavit
israel et pauperes pavit
in patris regno
suos secum collocando
|
Matins verse 9
|
De carcere mortis
duc tuos et male cohortis
|
| |
Lauds antiphon 1
|
Induit decore
deus elisabeth honore
cum christo regnat
qui regna celica donat
|
Lauds antiphon 2
|
Voces aquarum
fluctus et unde viduarum
hec sic sanavit
christum dum sponsum vocavit
|
Lauds antiphon 3
|
Adipis pinguedo
favus et mellis dulcedo
animas replevit
dolores pauperum delevit
|
Lauds antiphon 4
|
Terra hungarorum
fontes et flumina morum
deum benedicebant
in celis qui cuncta gubernat
|
Lauds antiphon 5
|
Dominum de celis
collaudet omnis fidelis
in tube sono
tympano chordis et organo
|
Lauds (gospel) special antiphon
|
Elisabeth fidelis
ora pro nobis in celis
christum regem regum
sponsum vultuque decorum
qui te hic elegit
ex milibus dum coegit
carnis domans iura
tui magistri sub virga
pro nobis ora
elisabeth noctis aurora
ut solem iusticie
videamus et tuam prolem
|
| |
Prime antiphon
|
Elisabeth rigando
hortum pulchrum plantavit
pupillos pascendo
quos crudelis hostis stravit
|
Terce antiphon
|
Dormientes excitat
elisabeth illuminando
fide errantes
ad deum ore clamantes
|
Sext antiphon
|
Consilio manuum
lanam et linum querendo
sic ivit pauperes
de stercore vocando
|
Nones antiphon
|
Agrum (-)/ emit pro pauperum cura
miseris et leprosis
vera sepultura
|
| |
2nd Vespers antiphon 1
|
Edificat fidem
elisabeth cum dominus beavit
manuum labore
et hanc reperit sine sorde
|
2nd Vespers antiphon 2
|
Hec vitis abundans
in latere domus sue
filios informans
olivarum ut essent novelli
|
2nd Vespers antiphon 3
|
Sepe expugnabat
iuventus eam quam domabat
ne peccatores
fabricarent dorsum eius
|
2nd Vespers antiphon 4
|
De fundo clamabant
pauperes qui eam vocabant
pie exaudiendo
ad sponsum secum ducendo
|
2nd Vespers antiphon 5
|
Non exaltatum
cor eius nec elevatum
humiliter senciebat
christumque pie colebat
|
2nd Vespers (gospel) special antiphon
|
Elisabeth decora
fulges in celis aurora
vestem pauperum
consuisti et miserorum
pietatis signis
prodigiis et portentis
ad te clamant
christum qui pie amant
quos de profundo
maris elevasti fundo
nunc tecum loca
christum sponsum tuum voca
|
full office name: