full office name: ELISABETH (n2)
edition: AH 25 #91
eccles:OFM
calendar:November 19
structure summary: Vespers: E
Matins: secular
Lauds: A5E
2nd Vespers: E +
Matins: A3
poetic forms: Vespers: .v
Matins: o.o3{o,o,ev}o3{o3}o3{o3}
Lauds: io4.v
2nd Vespers: .o
Matins: o3 [”]
died:1231
canonized:1235
type of saint: widow
geographical information:Hungary
notes:widow
Persons: Elisabeth Lia Rachelis Martha
Places: Hungarie

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
Ave mater pietatis
forma paciencie
exemplar humilitatis
roga regem glorie
ut nos solvat a peccatis
te colentes hodie
in hac valle castitatis
lumen mittens gracie
 
Matins I
Adoretur rex glorie
sponsus matris ecclesie
qui elisabeth gaudia
dat hodie celestia
Matins antiphon 1
Ex regali stirpe nata
mulier hec tam beata
velut sol inter nebulas
sic fulsit inter alias
Matins antiphon 2
Mundo namque senescente
et ad finem iam tendente
tamquam stella clarissima
hora lucet matutina
Matins antiphon 3
Hec sancta ab infancia
manus misit ad forcia
inter mundi divicias
continens ac delicias
Matins respons 1
Elisabeth que dicitur
dei sui saturitas
nomen opere complebat
dum pauperes saciabat
Matins verse 1
Christum enim tantopere
saciabat in paupere
Matins respons 2
Elisabeth ieiuniis
se mactans et vigiliis
offerrebat cottidie
hostiam regi glorie
Matins verse 2
Non ex pectore alieno
sed ex corpore proprio
Matins respons 3
Hec matrona nobilis
post decessum coniugis
totum quidquid habuit
egenis distribuit
Matins verse 3
Nam de dote propria
dispersit pauperibus
marcarum duo milia
diversis temporibus
Matins antiphon 4
Christum valde siciebat
inter portas infancie
dum basia porrigebat
liminibus ecclesie
Matins antiphon 5
Sicut apis mellificans
ex floribus mel colligens
congregabat cottidie
celestis fructum patrie
Matins antiphon 6
Caritate vulnerata
malis virtutum stipata
mactabat carnem propriam
christo placentem hostiam
Matins respons 4
Tandem mitis et paciens
et contemptu sui gaudens
eicitur de propriis
afficitur opprobriis
Matins verse 4
De suis nil requirebat
quam caritas possidebat
Matins respons 5
Postremo regis filia
assumpta vili tunica
caris abiectis vestibus
servit pauper pauperibus
Matins verse 5
Sequi christum sic voluit
christo namque sic placuit
Matins respons 6
Elisabeth dum oraret
et oculis fixis staret
in altaris sacra mensa
resplenduit lux immensa
Matins verse 6
Ibi ostensa sunt ei
miranda secreta dei
Matins antiphon 7
Hec mariti post obitum
castitatis tenens votum
viri sprevit consorcia
ac magnatum conubia
Matins antiphon 8
Hec est lia plena prole
que iam sine carnis mole
vero iacob coniungitur
et ab eo diligitur
Matins antiphon 9
Hec ad modum iam rachelis
deum videt nunc in celis
qui eius est solacium
sempiternumque gaudium
Matins respons 7
Elisabeth contemplatur
iesum a quo visitatur
flet et ridet pre gaudio
fruens eius consorcio
ac predulci colloquio
Matins verse 7
Sicut inquit esse mecum
volo ego esse tecum
Matins respons 8
Orat matrona nobilis
totus ignescit iuvenis
pro quo rogat incenditur
ac repente convertitur
Matins verse 8
Pro quo fundit preces pias
dolet eius lascivias
Matins respons 9
Vere matronam felicem
vere dei dilectricem
que meruit prece pia
dulcis iesu presencia
in hac vita visitari
ac frequenter consolari
Matins verse 9
O quanta dei gracia
refulget hec mater pia
 
Lauds antiphon 1
Christo regnanti
laus detur honorque potenti
per quem regnat in gloria
elisabeth mater pia
Lauds antiphon 2
Deo leti iubilemus
matrem sanctam collaudemus
que iesu christi gracia
celi gaudet in curia
Lauds antiphon 3
Deus ad te vigilavit
elisabeth te cupiens
ac preter te nil amavit
te christe semper siciens
Lauds antiphon 4
Benedicant creature
creatorem suum iure
qui elisabeth gaudia
in celi confert curia
Lauds antiphon 5
Laudes deo persolvamus
matrem sanctam venerantes
corda voces attollamus
nos ad laudem concitantes
Lauds (gospel) special antiphon
Salve rosa pietatis
salve flos hungarie
salve fulgens margarita
in celesti sede sita
roga regem maiestatis
ut nos salvet hodie
lumen mittens caritatis
ac celestis gracie
 
2nd Vespers (gospel) special antiphon
Audi mater o beata
audi preces audi vota
huius parvi collegii
in hac valle exilii
offer ea sponso tuo
cuius gaudes consorcio
in celesti iam gaudio
 
Matins antiphon .a1
Ibi martha non queritur
ubi maria fruitur
dulci iesu colloquio
in sanctorum consorcio
Matins antiphon .a2
Elisabeth sponsa christi
que per deum meruisti
in celesti claritate
eius frui bonitate
Matins antiphon .a3
Ora cum sanctis omnibus
ut nos a pravis actibus
emundet deus gracia
qui tibi dedit gaudia