| |
| |
Vespers antiphon
|
Ave sidus celestis curie
flos et decus ebba britannie
tuos tuis astantes laudibus
celi tecum adiunge civibus
|
Vespers (gospel) special antiphon
|
Christe salvator
et amator hominum
qui es sponsus
et corona virginum
tua quesumus
letetur ecclesia
tue ebbe
tibi solvens preconia
ut quicumque
eius gaudent officio
tuo semper
subleventur auxilio
|
| |
Matins I
|
Adoretur
christus rex gloria
qui glorificat
ebbam in ethere
|
Matins antiphon 1
|
Sicut florem vitis munera
sic ebbam in stirpe regia
felix produxit britannia
|
Matins antiphon 2
|
Ethelfridi regis filia
oswiu soror eximia
et egfridi erat amita
|
Matins antiphon 3
|
Claris exorta natalibus
mundum fide formam moribus
et sexum vicit virtutibus
|
Matins antiphon 4
|
In urbe triumphans coludi
carne munda et corde simplici
caput diri contrivit colubri
|
Matins antiphon 5
|
Divino conducti federe
et viri simul et femine
sub ea gaudebant vivere
|
Matins antiphon 6
|
Puellis matrem instancia
et viris patrem constancia
quam mira se dedit gracia
|
Matins respons 1
|
Ethelfridam instruxit sedula
que nupta et sine macula
relicta regali copula
ebbe facta est discipula
|
Matins verse 1
|
Labori commutans ocia
claustro regnum et duris mollia
|
Matins respons 2
|
Dum quidam nolentem nubere
raptu molitur opprimere
latenti maris confinium
triduo dedit presidium
|
Matins verse 2
|
Contra tyrannum superbiens
et montem undis premuniens
|
Matins respons 3
|
Sanctorum ebba frequenciam
optabat ob verbi graciam
que exemplis atque monitis
formam dabat sibi subditis
|
Matins verse 3
|
Preclaris per orbem titulis
ex multis effulsit meritis
|
Matins respons 4
|
Cuthbertus ebbam precipuo
amore complectens assiduo
subiectos sibi instruere
et hanc gaudebat invisere
|
Matins verse 4
|
Licet ut virus consorcia
devitaret muliebria
|
Matins antiphon 7
|
Contemnens mundi gloriam
per carnis continenciam
christo se dedit hostiam
|
Matins antiphon 8
|
Ut paradisus effloruit
sic ille locus enituit
dum vita sanctorum claruit
|
Matins antiphon 9
|
Invidit serpens successibus
et primis nocendi artibus
venenum infudit mentibus
|
Matins antiphon 10
|
Sicut eva virum exuit
sic forma viros destituit
et stellas in luctum eruit
|
Matins antiphon 11
|
Dum ita luderet furia
hec hostis inter illudia
ebbam latebat iniuria
|
Matins antiphon 12
|
O felix mater et domina
funde pro nobis precamina
et nostra terge peccamina
|
Matins respons 5
|
Adamnanus noctu fletibus
in stratu vacans et precibus
celesti accepit nuncio
de loci huius excidio
|
Matins verse 5
|
Ostensa est ei visio
crudeli nota presagio
|
Matins respons 6
|
Revelabat ebbe postea
peritura flammis omnia
sed id habebat solacii
ipsa vivente non fieri
|
Matins verse 6
|
Tanti quippe erat meriti
quod possent casus tam miseri
ipsa vivente non fieri
|
Matins respons 7
|
His virgo verbis admonita
corda pavora perterrita
ad primos actus erigere
salubri instabat opere
|
Matins verse 7
|
Celestem iram repellere
et vires hostis reprimere
|
Matins respons 8
|
Salvatoris christi famula
post huius vite curricula
felix perceptura bravium
ad regni venit palacium
|
Matins verse 8
|
Relinquens terre corpusculum
et inferens celo spiritum
|
Matins (gospel) special antiphon
|
Sicut rosa super
aquarum rivulos
virtutum ebba
profudit flosculos
et sicut sponsus
sponsatam monilibus
sic ebbam dominus
ornat virtutibus
|
Matins respons 9
|
Post mortem matris ad pristina
reversi sunt flagicia
quos truci statim incendio
divina consumpsit ulcio
|
Matins verse 9
|
Olim lot egresso sodomam
sic post ebbam plebem pessimam
divina consumpsit ulcio
|
Matins respons 10
|
Quam mira quam mirabilia
sunt tua christe magnalia
qui tue ebbe preconia
ditas multiformi gracia
|
Matins verse 10
|
Fugantur enim demonia
et regis dantur subsidia
|
Matins respons 11
|
O virgo prudens et inclita
quam tanta decorant merita
veniam nobis pro crimine
apud christum supplex obtine
|
Matins verse 11
|
Ut mereamur in ethere
cum sanctis tecum convivere
|
Matins respons 12
|
De nocte seculi
carnis e carcere
prudens et vigilans
et pulchra facie
accensa lampade
conscendit libere
ad sponsi thalamum
ad thronum gracie
|
Matins verse 12
|
Que pro peccatis hominum
intercedat ad dominum
|
| |
Lauds antiphon 1
|
Gratuletur pia
mater ecclesia
superni regis
collaudans magnalia
in sue virginis
sacra memoria
|
Lauds antiphon 2
|
Egrotis exhibens
salutis opera
que dum viveret
in hac carne tenera
super afflictos
pia gessit viscera
|
Lauds antiphon 3
|
Contractos erigit
os mutis aperit
cecos illuminat
larvas exterminat
et lesos reparat
et clausos reserat
|
Lauds antiphon 4
|
Benedicat ebba dominum
ebbam exaltet os hominum
que lucet in choro virginum
nec lucis habebit terminum
|
Lauds antiphon 5
|
Quam laudabilia
virginis premia
cuius memoria
dat beneficia
mestis est leticia
salus cunctis et gloria
|
Lauds (gospel) special antiphon
|
Benedictus deus
israel dominus
ex altis oriens
quem nescit terminus
qui ebbe vitam lucifluam
et lucem dedit perpetuam
|
full office name: