| |
| |
Vespers antiphon 1
|
Splendor stelle clare lucis
rutilat serenitas
cum donati nostri ducis
agitur sollemnitas
|
Vespers antiphon 2
|
Fulgens vite sanctitate
claret et natalibus
lucens vera castitate
nitet mirabilibus
|
Vespers antiphon 3
|
Hunc baptismi chrismate
consecrat pigmenius
legis quoque dogmate
docet ipsum plenius
|
Vespers antiphon 4
|
Querens iustum iulianus
compulit arecium
tenens hunc hilarianus
suscipit martyrium
|
Vespers antiphon 5
|
Martyr inclite donate
miseris refugium
nobis dona tibi date
gracie solacia
|
Vespers (gospel) special antiphon
|
Fonte aque tabidum
labe mortis sordidum
sanaturus vadit
draco mox egreditur
et asellus nectitur
eum et invadit
crucis tamen opere
et flagelli verbere
cesus morte cadit
|
| |
Matins I
|
Christum regem adoremus
psalmis iubilantes
et donatum honoremus
laudibus letantes
|
Matins antiphon 1
|
Peccatorum cathedra
sanctus hic non sedit
tollitur ad ethera
mundo dum recedit
|
Matins antiphon 2
|
Fremuerunt populi
convenerunt gentes
convertuntur emuli
collustrantur mentes
|
Matins antiphon 3
|
Cum precatur exaudisti
servum tuum domine
a timore protexisti
cesum tuo nomine
|
Matins respons 1
|
Nobili prosapia
dei dono gratus
urbe nicomedia
oritur donatus
moritur in tuscia
celo coronatus
|
Matins verse 1
|
Pellitur parentibus
herens christi legibus
deo consecratus
|
Matins respons 2
|
Luce carens corporali
sed et lumine mentali
idolis intendens
dum seranno credidit
idola mox prodidit
monitis attendens
&?Seranno [alt: ?]
&?Syrrana [alt: v in DO51]
|
Matins verse 2
|
Sacro fonte baptizatur
luce claro perlustratur
christo regi credens
|
Matins respons 3
|
Iuvenis asterius
dum vexatur acrius
demone maligno
cogit christi nomine
alme crucis lumine
coruscante signo
|
Matins verse 3
|
Statim demon pellitur
eger dum contingitur
digito benigno
|
Matins antiphon 4
|
Invocantem exaudivit
sanctum et mirificavit
furens populus adivit
christo dum sacrificavit
|
Matins antiphon 5
|
Verba sancti percipe
christe supplicantis
integrari precipe
fractum os orantis
|
Matins antiphon 6
|
Nomen tuum domine
cunctis est mirabile
fertur bene cardine
calicis notabile
|
Matins respons 4
|
Ignis ardor cruciat
qui de cruce radiat
demonem furentem
dum puellam liberat
sanctus unde venerat
cogit renitentem
|
Matins verse 4
|
Interventum protulit
dum exire compulit
transitum petentem
|
Matins respons 5
|
Crucis christi clarum signum
per donatum laude dignum
ornat urbis menia
ime plebis et primatum
sacri fontis candidatum
sumunt plura milia
|
Matins verse 5
|
Imperator imperatrix
horum plebes imitatrix
stupent mirabilia
|
Matins respons 6
|
Adorare numina
ponere libamina
sanctus dedignatur
tunditur lapidibus
impiorum manibus
carcere locatur
|
Matins verse 6
|
Sacro ceso vertice
coram christo iudice
celo collocatur
|
Matins antiphon 7
|
Hic in domino confidit
gentes dum insaniunt
doli fraudes dum elidit
deo se subiciunt
|
Matins antiphon 8
|
Habitabit domine
in monte sancto tuo
puritatis lumine
nitens deo suo
|
Matins antiphon 9
|
In virtute tua christe
sanctum coronasti
dum glorificat te iste
ipsum sublimasti
|
Matins respons 7
|
Clara turba testium
pro christo certancium
cum donato sternitur
quidam ceso capite
fixi plures stipite
hic truncatus ceditur
|
Matins verse 7
|
Sancti oratorium
horum cemeterium
fossa petra cernitur
|
Matins respons 8
|
Odor fragrat incensorum
fit concursus populorum
sanctus dum transfertur
promuntur oracula
sequuntur miracula
canticis defertur
|
Matins verse 8
|
Gloriose virginis
matris dei germinis
atriis infertur
|
Matins respons 9
|
Divinum mysterium
conficit donatus
vite participium
didicit beatus
calicis excidium
cernit anxiatus
|
Matins verse 9
|
Precis sumens instrumenta
iungit calicis fragmenta
cunctis honoratus
|
Matins respons .o1
|
Turbata provincia
assumpta pecunia
consocia moritur
dum viro supplicia
parantur immania
donatus consulitur
|
Matins verse .o1
|
Procedit ad tumulum
per vocis oraculum
thesaurus ostenditur
|
Matins respons .o2
|
Sequitur antidia
pii regis filia
sanctum christi famulum
aulam spernens regiam
sequens pudiciciam
vite servat speculum
|
Matins verse .o2
|
Sanctis facta socia
ornant mirabilia
eius clarum tumulum
|
Matins respons .o3
|
Quasi stelle lucide
gemme quoque fulgide
martyris sacrati
ad honoris cumulum
ornant sancti tumulum
undique locati
|
Matins verse .o3
|
Tenent caput splendidum
super pectus nitidum
bracchia beati
|
Matins respons .o4
|
Ante sancti tumulum
clarum lucis vasculum
solo dum colliditur
lampas luce fulgida
oleoque turgida
integra colligitur
|
Matins verse .o4
|
Lumen dei celicum
vas collustrans sphericum
sepius aspicitur
|
| |
Lauds antiphon 1
|
Christus dominus regnavit
nitens fortitudine
et donatum coronavit
roborans certamine
|
Lauds antiphon 2
|
Fide vacuos parentes
quos donatus instruit
christi laude persistentes
iulianus obruit
|
Lauds antiphon 3
|
Pars dum quedam calicis
demone furatur
nulla tamen laticis
fusio probatur
|
Lauds antiphon 4
|
Pactum gentes faciunt
pluvie dilate
copiam mox fugiunt
aque postulate
|
Lauds antiphon 5
|
Fontis poculum sanati
dum formidant sumere
novi potum petra nati
precipit accipere
|
Lauds (gospel) special antiphon
|
Reprobatur instrumentum
dum vetatur monumentum
homini extincto
sorte mortis revocatus
damnat falsum vera fatus
sermone distincto
mandat sanctus obdormire
et ad requiem transire
ire iam precincto
|
| |
2nd Vespers antiphon 1
|
De quartana dire tactus
tumba dum prosternitur
stat sacerdos sanus factus
festum dum peragitur
|
2nd Vespers antiphon 2
|
Dum matrona nobilis
genu cruciatur
tumbe venerabilis
tactu mox sanatur
|
2nd Vespers antiphon 3
|
Mulier dum labitur
creditur defuncta
sana mox erigitur
grata vice functa
|
2nd Vespers antiphon 4
|
Membra fert arencia
tumbam dum complectitur
mulier florencia
liberata cernitur
|
2nd Vespers antiphon 5
|
O donate pastor gregis
da vite solacium
et videre vultum regis
beatorum premium
|
2nd Vespers (gospel) special antiphon
|
Christi martyr tu donatus
plebis doctor et beatus
castitatis lilio
sanctitatis implens statum
trinum meruit ornatum
in celesti premio
lacte fluxit pietatis
donet ergo claritatis
nos frui palacio
|
full office name: