full office name: DOMNOLUS (n1)
edition: AH 13 #39
calendar:August 07
structure summary: Vespers: E
Matins: secular
Lauds: A5E
2nd Vespers: E
poetic forms: Vespers: .v
Matins: v.v3{v3}vvo{v3}v3{v,v,vl}
Lauds: v5.o
2nd Vespers: .v [”q]
type of saint: bishop confessor
geographical information:Lemans, France
notes:bishop
confessor
Persons: Domnoli Domnolum Domnolus Domnole

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
Gloriosi confessoris
domnoli sollemnia
cetus noster celebranda
devote suscipiat
quo superna mereamur
perfrui leticia
 
Matins I
Salvatorem mundi omnes
adoremus dominum
qui ereptum terris sanctum
sacerdotem domnolum
sublimavit laureatum
ad celi palacia
Matins antiphon 1
Iste sanctus a primevo
iussa sequens domini
omni morum probitate
insignis enituit
Matins antiphon 2
In quo quanta lux celestis
gracie succreverat
eius sacri depromebant
actus et eloquia
Matins antiphon 3
Qui fervore inflammatus
fidei catholice
prepollebat in doctrina
lucis evangelice
Matins respons 1
Venerabilis confessor
christi sanctus domnolus
generosis oriundus
predicatur fratribus
Matins verse 1
Generosior futurus
generosis actibus
Matins respons 2
Ille nondum evolutis
annis puerilibus
rudimentis mancipavit
sese liberalibus
Matins verse 2
Ut superna instituta
hauriret felicius
Matins respons 3
Hinc abunde exornatus
gemina sciencia
in pontificali digne
sublimatur cathedra
Matins verse 3
Utriusque testamenti
suffultus pericie
Matins antiphon 4
Et quod predicabat ore
exhibebat opere
ut audire mereretur
boni servi euge
Matins antiphon 5
Cumque nimis rutilaret
caritatis lampade
iure sibi arridebant
et virtutes cetere
Matins antiphon 6
Dabat enim potum siti
cibum fame tabidis
vestem nudis tectum vagis
supplementum languidis
Matins respons 4
Qui lucerna constitutus
iam super candelabris
copiose attendebat
gregem sibi creditum
Matins verse 4
Hortans eum ad supernum
festinare bravium
Matins respons 5
Ceco visum reparavit
eius sparsa oculis
lympha stillans ex ablutis
manibus pontificis
Matins verse 5
Quem perfectum probatum+que
collyriis extitit
Matins respons 6
Alter cecus postulavit
ab eo presidium
cui presul restauravit
luminis officium
Matins verse 6
Pronus miser acclamabat
fer pater auxilium
Matins antiphon 7
Rutilabat exornatus
flore parsimonie
unde mire redolebant
fructus abstinencie
Matins antiphon 8
Nam labores et erumnas
sitim et inedias
algoresque computabat
pro christo delicias
Matins antiphon 9
Talibus tantisque signis
virtutum conspicuus
infulatur cleri plebis
ordinis+que laudibus
Matins respons 7
Dum offertur viro dei
quidam paralyticus
confestim expulso morbo
sanitati redditus
Matins verse 7
Sacerdote pro misello
orante devocius
Matins respons 8
Virum quendam agitatum
furore demonico
dei servus sanitati
pulso reddit zabulo
Matins verse 8
Oleo linitum sacro
crucis cum signaculo
Matins respons 9
O superni senatorum
gemma capitolii
atque sidus iam celeste
victoris eximii
domnole nobis eterni
iram placa iudicis
Matins verse 9
Qui coniunctus gloriaris
cetibus ethereis
 
Lauds antiphon 1
Ad superni regis laudem
decus atque gloriam
transitus beati viri
digeramus ordinem
Lauds antiphon 2
Dissolucionis sue
imminente tempore
diem eius atque horam
predixit certissime
Lauds antiphon 3
Quo audito confluebant
ad eum quam plurimi
medicinam expectantes
anime et corporis
Lauds antiphon 4
Qui exinde redeuntes
letabantur maxime
quod nequaquam spei sue
frustrabantur munere
Lauds antiphon 5
Iam condigne tumulatus
sacerdos post triduum
demone fugato sanum
reddit energumenum
Lauds (gospel) special antiphon
Quicumque morbo tabidi
cuiusvis valetudinis
petebant eius tumulum
salutis ob auxilium
reportabant ad propria
incommodi remedia
 
2nd Vespers (gospel) special antiphon
Recolentes frequentemus
tanti festa presulis
qui hac luce fruens multis
claruit miraculis
ad postremum sociatus
civibus ethereis
in ierusalem superna
collocari meruit
ubi eius mereamur
ascribi suffragiis