| |
| |
Vespers antiphon 1
|
Belliger iste sagax
pro lege dei sua membra
contulit ad mortem
moriendoque perculit hostem
nam petra christus erat
qua solidus steterat
|
Vespers antiphon 2
|
Martyr hic est verus
pro christi nomine corpus
qui dedit tortorum
spernendo tela minarum
milicie palma
quem celum sustulit alma
|
Vespers antiphon 3
|
Respuit hic mundum
ludos floremque iucundum
cuncta caduca soli
librans et gaudia celi
divicias illic
atque velut ore locavit
|
Vespers antiphon 4
|
Dum quis temptatur
si non cadit inde beatur
coronavit eum
qui iudicat omne probatum
ex merito rutilam
dabit isti laude coronam
|
Vespers antiphon 5
|
Hunc deus ornavit
qui pro meritis adamavit
glorificaque stola
vestivit splendida colla
ad paradisiacas
ducendo per ethera portas
|
Vespers (gospel) special antiphon
|
O quam sancta dies
o quam festiva refulget
viribus o totis
castis celebrandaque votis
qua bonitate bonus
noster meat astra patronus
domnius ad vite
gaudia perpetue
|
| |
Matins antiphon 1
|
Morte triumphali
superatis morsibus anguis
christus ad celsi
remeavit culmina celi
|
Matins antiphon 2
|
Cetus apostolicus
divino lacte potatus
dividitur multis
diversis partibus orbis
|
Matins antiphon 3
|
At petrus ecclesie
prelatus in anciochena
multas virtutes
fecit ac dando salutes
pluribus egrotis
tenebris a corde remotis
|
Matins respons 1
|
Cum plebs innumera
simul ut miracula vera
viseret afflueret
seu quod magis inde vigeret
contigit accessit
theodosius accola civis
|
Matins verse 1
|
Nobilitate cluens
operum virtute refulgens
|
Matins respons 2
|
Hic dane geniti
generose prolis habenti
natum se iunxit
quam more suo sibi iunxit
qua subolem genuit
(-cia)/ domnius inquit
|
Matins verse 2
|
Prestanti forma
sed christi postea norma
|
Matins respons 3
|
Quippe suus genitor
velut almis cultibus auctor
munere nature
vite spirando future
ad dominum saltus
dabat et gentiliter altus
|
Matins verse 3
|
Qui fons est vite
cunctis sine fine petende
|
Matins antiphon 4
|
Predicat ut plebi
verbum petrus ore tonanti
audiit attentus
neque mundi compede tentus
discipulum christi
peciit sub tempore noctis
|
Matins antiphon 5
|
Cuius doctrina
rutilans pietate superna
credidit in christo
devota mente sequendo
|
Matins antiphon 6
|
Ut fidei lavacrum
tangens sprevit simulacrum
domnius et mater
fiunt pariterque fideles
|
Matins respons 4
|
Aurea gemma solo
sidus radiabilis celo
domni qui resides
quem tulit alma fides
auxiliare tuis
solita pietate ministris
|
Matins verse 4
|
Magnificare tua
valeant ut festa per ethra
|
Matins respons 5
|
Qui puer etate
sed mentis nobilitate
celsus apostolicis
copulavit se documentis
|
Matins verse 5
|
Potans a puero
vomuit que postea mundo
|
Matins respons 6
|
Iam fidei plenus
studio petrus anciochenus
visus est adire romam
gestorum laude sonoram
|
Matins verse 6
|
Luceat ut princeps
a prima luce deinceps
|
Matins antiphon 7
|
Domnius a seniore petro
suadente magistro
venit dalmaciam
domino ducente salonam
|
Matins antiphon 8
|
Semina divina
spargens ubi voce benigna
purificat mundat
plures baptismatis unda
|
Matins antiphon 9
|
Mox quibus ablutis
capiendo verba salutis
corda maligna tamen
conclamant pseudovatem
|
Matins respons 7
|
Dum trahit a morbis
dominam que dicitur orbis
discipulos mittit
lati per climata mundi
|
Matins verse 7
|
Ecclesie natos
pariant quo multiplicatos
|
Matins respons 8
|
Pirgus ad hec tumidus
dialectico turbine fixus
obstitit atque fidem
sibi draco colorat eandem
|
Matins verse 8
|
Cesset ut athleta
iesu ne vinea crescat
|
Matins respons 9
|
Sed ne categoricus
palma letetur iniquus
doctorum doctor
vires parat ille ministro
|
Matins verse 9
|
Cui dicit os aperi
per me quod scito repleri
|
| |
Lauds antiphon 1
|
Cum pius athleta
mundi fugit omnia leta
martyrii palmam
deus hunc invitat ad almam
|
Lauds antiphon 2
|
Namque sacerdotes
christum venerantibus hostes
maurilium quendam
precio que et munere parant
|
Lauds antiphon 3
|
Rome prefectus
qui demonis arte refertus
aurum spernentem
neque sacrificare volentem
discipulum christi
permultat verbere tristi
|
Lauds antiphon 4
|
Christicole plures
clamant pie campacientes
cur pereat seve
qui predicat omnia vere
|
Lauds antiphon 5
|
Preses ad hec motus
nullo moderamine fotus
hos novies quinque
super ethera detulit ense
|
Lauds (gospel) special antiphon
|
Pontificum norma
splendor preciosaque gemma
serta venustatis
retinens cum martyrizatis
scandere celsorum
da nobis regna polorum
qui barathri claustro
puerum precibus revocasti
|
| |
2nd Vespers (gospel) special antiphon
|
Corpora sanctorum
tumulantur honore piorum
vertice sub montis
vocitatur qui macarontis
|
full office name: