| |
| |
Vespers antiphon
|
Ad sanctorum sollemnia
currat plebs devota
deo regenti omnia
solvens pia vota
|
Vespers respons
|
Adsunt festa iam cunctis grata
sancti desiderii
eius fidique consortis
reginfridi viri fortis
quorum mors est preciosa
in conspectu domini
|
Vespers verse
|
Quorum pio interventu
exoramus et obtentu
vota nostra presentari
et devote commendari
|
Vespers (gospel) special antiphon
|
Christe presta desiderata
sacramenta mysterii
non diffidi hora mortis
nec succidi vite portis
ne mors nostra odiosa
fiat tuo nomini
|
| |
Matins I
|
Surgite sollicite
cupientes gaudia vite
martyribus solite
psalmum iubilando venite
|
Matins antiphon 1
|
Beatus desiderius
intus et exterius
armis cinctus fidei
caritatis et spei
|
Matins antiphon 2
|
Ex illustri et famoso
sanguine descendit
mundi cultum cum pomposo
fastu vilipendit
|
Matins antiphon 3
|
Mentem fixit ad optatum
ad virtutum principatum
|
Matins antiphon 4
|
Generis nobilitatem
morum venustate
vicit mundi vilitatem
vite puritate
|
Matins antiphon 5
|
Puer desiderius
vere desiderabilis
intus et exterius
deo peramabilis
|
Matins antiphon 6
|
Decursis annis pubertatis
vernantis puericie
ad decorem castitatis
scandit et mundicie
|
Matins respons 1
|
In etate iuvenili
hausit corde sitibundo
quod post tempore senili
fudit ore mundo
|
Matins verse 1
|
Quidquid boni legerat
simul et audierat
cordis de profundo
|
Matins respons 2
|
Incremento discipline
est magnificatus
quod mox legis est divine
didascalus vocatus
|
Matins verse 2
|
Litterarum studio
mentis cum tripudio
sic est sublimatus
|
Matins respons 3
|
Per virtutum ornamenta
qui sic fuit ornatus
est per gradus incrementa
electus et vocatus
|
Matins verse 3
|
Ad gradum episcopatus
in quo fulsit deo gratus
et a cunctis peramatus
|
Matins respons 4
|
O quam mitis et benignus
fulsit presul deo dignus
cura pastorali
circa plebem quam regebat
et benigne refovebat
affectu spiritali
|
Matins verse 4
|
Curam gerens infirmorum
viduarum pupillorum
et desolatorum
|
Matins antiphon 7
|
Assumpto secum reginfrido
dulci ac prudenti viro
cepit terras peragrare
et verbum vite seminare
|
Matins antiphon 8
|
Postquam rome intraverunt
terris multis peragratis
sacra loca lustraverunt
fervore caritatis
|
Matins antiphon 9
|
Ubi diu dum mansissent
atque vota excoluissent
dominum benedicebant
atque grates referebant
|
Matins antiphon 10
|
Postquam romam sunt egressi
viri fortes indefessi
faciem verterunt
ad viam qua venerunt
|
Matins antiphon 11
|
Statim quidam infirmari
inter eos ceperunt
et tantum debilitari
quod mortui fuerunt
|
Matins antiphon 12
|
Quos vir dei sepultura
digna tumulabat
animasque deo pura
prece commendabat
|
Matins respons 5
|
Hic perfusi caritate
et sincera bonitate
corpora vigiliis
mactabant et ieiuniis
|
Matins verse 5
|
Noctes ducentes insomnes
in divinis laudibus
sanctos imitabant omnes
cum oracionibus
|
Matins respons 6
|
Dum itineris consortes
quosdam sepelisset
atque quosdam adhuc fortes
mente persensisset
christo reddit pia vota
quod sinceritate tota
dies elegisset
|
Matins verse 6
|
Luctu plene mitigato
et dolore commutato
|
Matins respons 7
|
Hic vir sanctus ut audivit
schisma predicari
mox ad locum tunc adivit
volens sciscitari
huius rei veritatem
et erroris falsitatem
totam extirpare
|
Matins verse 7
|
Veritatem astruebat
et morose satagebat
plebem informare
|
Matins respons 8
|
De fide dum ambigitur
equa lex dum prefigitur
ignis ut paretur
et quisquis suum baculum
cunctis ad spectaculum
inicere conetur
mira res peragitur
ignis mox incenditur
baculi iactantur
|
Matins verse 8
|
Fidei sinceritatem
atque rei veritatem
cuncti prestolantur
|
Matins (gospel) special antiphon
|
Laudat omnis plebs matura
sanctam trinitatem
quod ex tali coniectura
noscit veritatem
|
Matins respons 9
|
Astant ad spectaculum
cuncti prestolantes
horum cuius baculum
flamme sint vorantes
mox dei iudicio
unus incineratur
alter sine vicio
illesus asportatur
|
Matins verse 9
|
Stat pontifex schismaticus
confusus et elinguis
hoc baculus probaticus
eius fecit et ignis
|
Matins respons 10
|
Dum devota femina
verbi dei semina
devote suscepisset
divinaque mysteria
per sancta desideria
vir dei complevisset
potum petit sibi dari
quo volens refocillari
illa cum dedisset
|
Matins verse 10
|
Vas non sentit detrimentum
in liquore nec contentum
ille cum bibisset
|
Matins respons 11
|
Presulatu sublimatus
vir sanctus desiderius
deo multum peramatus
plebem suam uberius
predicando confortavit
et in fide roboravit
intus et exterius
|
Matins verse 11
|
Verbo mentem recreando
corpus cibo reformando
|
| |
Lauds antiphon 1
|
Cum ad locum passionis
sancti pervenerunt
in modum oracionis
sese prostraverunt
|
Lauds antiphon 2
|
Vir devotus sibi dura
sciens eventura
suos monuit orare
nec a fide deviare
|
Lauds antiphon 3
|
Prior morti est addictus
sanctus reginfridus
semivivus est relictus
post hec servus fidus
|
Lauds antiphon 4
|
Dum iacerent sic prostrati
deum exorantes
adsunt viri scelerati
predam affectantes
|
Lauds antiphon 5
|
Dum iaceret sic prostratus
sanctus desiderius
hostis ense perforatus
extitit celerius
|
Lauds (gospel) special antiphon
|
Vir devotus dum perspexit
servus caput quod erexit
senciens hunc vivere
rogat illum regyrare
et factum renunciare
ac mortuos reducere
|
| |
Prime antiphon
|
Statim caput dispertitum
vepre colligavit
et per cursum semicitum
factum nunciavit
|
Terce antiphon
|
Laudat omnis plebs matura
sanctam trinitatem
quod ex tali coniectura
noscit veritatem
|
Sext antiphon
|
Statim mulier devota
cum turba vicinorum
sublimavit in birota
corpora sanctorum
et ad sua deportavit
et devote tumulavit
more defunctorum
|
Nones antiphon
|
Dum cum preda sic per rura
hostes oberrarent
atque se per verba dura
nimis saciarent
accidit dei vindicta
ut se preda derelicta
mutuo necarent
|
| |
2nd Vespers (gospel) special antiphon
|
O devota beatorum
martyrum victoria
quorum vota meritorum
comprobat memoria
dum in terris finiuntur
christum vere consequuntur
in celesti gloria
|
full office name: