| |
| |
Vespers antiphon 1
|
Omnes una congregati
ad tanti laudem presulis
sollemnia deodati
decantemus cum modulis
|
Vespers antiphon 2
|
Gracia dei preditus
ut cui plus committitur
antistes legit inclitus
plus ab eo exigitur
|
Vespers antiphon 3
|
Nivernensem presulatum
mox reliquit ammonita
timens prebuit se gratum
deo factus eremita
|
Vespers antiphon 4
|
Spem salutis predicabat
virtutibus sublimatus
et egenos sustentabat
dei munere ditatus
|
Vespers antiphon 5
|
Iste vir israelita
promeruit decorari
qui stat in utraque vita
cum supremo angulari
|
Vespers (gospel) special antiphon
|
Clari festi presencia
omnis fidelis anima
cordis exultet iubilo
in christo iesu domino
de quo gaudet sollemnio
deodatus continuo
ubi securus lapsuum
memor sis tui memorum
|
| |
Matins I
|
Casta mente deo
surgamus psallere nostro
regna deodato
qui celica contulit almo
|
Matins antiphon 1
|
Beatus vir deodatus
in lege dei sedulus
die ac nocte gemina
replebatur sciencia
|
Matins antiphon 2
|
Super montem ecclesie
constitutus catholice
nec regibus nec populis
precepta dei tacuit
|
Matins antiphon 3
|
Voce cordis ad dominum
cuius est salus omnium
clamavit et in gloria
susceptus est angelica
|
Matins respons 1
|
Beati patris annua
deodati sollemnia
lux hodierna revocat
et pia corda renovat
|
Matins verse 1
|
Magistri quippe gloria
discipulos condecorat
|
Matins respons 2
|
Claro francorum stemmate
natus hic felicissime
veri dei noticia
fulsit a puericia
|
Matins verse 2
|
Ingenio laudabili
perscrutans dogma fidei
|
Matins respons 3
|
Cumque per dies singulos
fieret se ipso melior
populis nivernensibus
surrogatur episcopus
|
Matins verse 3
|
Factis et dictis cognitus
per omnia catholicus
|
Matins antiphon 4
|
In diebus angustie
deus eius iusticie
sanctum suum solacio
dilatavit mirifico
|
Matins antiphon 5
|
Deus in multitudine
sue misericordie
deducens suum famulum
direxit ad hunc vosagum
|
Matins antiphon 6
|
Homo celestis habitus
hinc et terrestris angelus
gloriosus emicuit
sanctus et honorabilis
|
Matins respons 4
|
Suscepto devotissime
episcopatus apice
instanter gessit opera
honori tanto congrua
|
Matins verse 4
|
Sollercia pervigili
querendo que sunt domini
|
Matins respons 5
|
Semper devotus pontifex
deo vacare appetens
mundi relictis omnibus
vult esse solitarius
|
Matins verse 5
|
Nam totus deo deditus
nomine et operibus
|
Matins respons 6
|
Cum discipulis vir dei
secreta lustrans vosagi
perstitit in galilea
valle satis accommoda
|
Matins verse 6
|
Prius perpessus plurima
ab invidis incommoda
|
Matins antiphon 7
|
Propter se factum pauperem
deodatum respiciens
ex sede sua dominus
vite ditavit opibus
|
Matins antiphon 8
|
Hic operans iusticiam
querendo vite patriam
in fronte verum pretulit
nec linguam dolo polluit
|
Matins antiphon 9
|
Mundo corde et manibus
deodatus innocuus
scandere montem domini
alacriter promeruit
|
Matins respons 7
|
Ex locorum vicinia
et antiqua noticia
deodato carissimus
hidulphus erat inclitus
|
Matins verse 7
|
Qui prumas trevirensium
nuper intrarat eremum
|
Matins respons 8
|
Videns beatus undique
multos ad se confluere
apud iuncturas gemina
construxit monasteria
|
Matins verse 8
|
Ibi degens amabilis
suis atque extraneis
|
Matins respons 9
|
Venerabilis pontifex
iam senio deficiens
morte ad vitam transiit
corporis liber vinculis
in qua sentitur vivere
miraculorum munere
|
Matins verse 9
|
Peregrinus et humilis
seminavit in lacrimis
sed gaudens vitam messuit
|
| |
Lauds antiphon 1
|
O quam sunt credibilia
tua deus eloquia
parasti tuo famulo
aptam sedem in eremo
|
Lauds antiphon 2
|
Intremus portas domini
confessione supplici
et hymnis eius atria
per deodati merita
|
Lauds antiphon 3
|
Deum siciens anima
huius sancti dignissima
per deserta et invia
querebat vite gaudia
|
Lauds antiphon 4
|
Benedicite dominum
omnes filii hominum
hunc sanctum corde humilem
qui benedixit presulem
|
Lauds antiphon 5
|
Domini nomen solius
senex cum iunioribus
laudent cuius est gracia
deodatus in gloria
|
Lauds (gospel) special antiphon
|
Fortis atque macrothymus
deodatus calogerus
post prolixa et plurima
huius vite certamina
domini sui gaudio
donatus est perpetuo
!Macrothymus [alt: ?]
|
| |
2nd Vespers (gospel) special antiphon
|
O presul hagiastice
deodate nos refove
meritis et precamine
apud dominum glorie
ut expurgatis omnibus
mentis et carnis sordibus
te previo perpetua
adipiscamur gaudia
|
full office name: