| |
| |
Vespers antiphon
|
Gaudet plebs christianorum
de tanto sollemnio
dum cyrillus celi chorum
intrat cum methodio
sociantur beatorum
agmini cum gaudio
|
Vespers (gospel) special antiphon
|
Letetur plebs moravorum
genus simul bohemorum
devotis nunc vocibus
regem laudemus angelorum
dedit qui sanctum decorum
sanctis pontificibus
in superna hierarchia
in qua gaudent sedulo
cyrillus cum methodio
magnificat oracio
|
| |
Matins I
|
Qui vexit ad celestia
cyrillum et methodium
dulci vocis symphonia
christum laudemus dominum
|
Matins antiphon 1
|
Secus decursus aquarum
plantata mens pontificum
in laudem regis glorie
se levabat cottidie
|
Matins antiphon 2
|
Diruptis sic tenebrarum
vinculis a moravis
celestium graciarum
vim donavit redimitis
|
Matins antiphon 3
|
Invocabant deum verum
moravi tunc pro salute
cyrillum et methodium
sequentes omni virtute
|
Matins respons 1
|
Adest sacra lux diei
respiremus omnes rei
et cantemus laudes ei
qui regnat in secula
|
Matins verse 1
|
Pro cyrillo nobis dato
et methodio sacrato
|
Matins respons 2
|
In hoc festo presulari
decet christo modulari
in quo simul extollendi
sunt patroni moravorum
et devote precolendi
destructores idolorum
|
Matins verse 2
|
Hi a gentili errore
gentes nostras abstraxerunt
|
Matins respons 3
|
Preciosas margaritas
virtutibus expolitas
rex eterne maiestatis
vera fide decorando
genti misit moravorum
idolaque refutando
christum colit deum verum
|
Matins verse 3
|
Bohemorum gens exultet
per hunc christum credens deum
|
Matins antiphon 4
|
A quibus percipitur
via veritatis
et simul abicitur
secta pravitatis
per sanctos pontifices
a gente moravie
quam clari opifices
ornarunt multifarie
Abiicitur [alt: v AH]
|
Matins antiphon 5
|
Omnipotens mirabilis
divinitatis opere
in sanctis laudabiliter
sectas cepit dispergere
simulacrorum varias
fidei christi gracia
virtutes multifarias
dilatans in ecclesia
|
Matins antiphon 6
|
Inhabitant celestia
hi sancti tabernacula
quorum verbis moravia
felix simul bohemia
in christum credunt dominum
regem regum altissimum
|
Matins respons 4
|
Venerandus cyrillus
cum fratre methodio
donati divinitus
moravorum populo
virtutibus atque signis
florebant magnificis
exhortantes hos benignis
verbis et salvificis
|
Matins verse 4
|
Et bohemorum patriam
ad fidem preclarissimam
hi trahebant pontifices
|
Matins respons 5
|
Felix presul cyrillus
cum fratre methodio
destinatus celitus
moravorum populo
dignitate presulari
se ipsum non extulit
sed virtute singulari
sue plebi prefuit
|
Matins verse 5
|
Amando christum
mundum refutando istum
|
Matins respons 6
|
Mira dei potencia
sacravit continencia
cyrillum cum methodio
presenti in corpusculo
qui terminato corpore
celi letantur munere
|
Matins verse 6
|
Virtutum per insignia
fulgentes in moravia
|
Matins antiphon 7
|
Conserva pie salvator
gregem tibi acquisitum
pontifices per preclares
cyrillum et methodium
|
Matins antiphon 8
|
In te christe glorientur
fide tua decorati
per cyrillum et methodium
ab errore renovati
|
Matins antiphon 9
|
Confer benediccionem
christe genti bohemorum
per dignam oracionem
pontificum nunc tantorum
|
Matins respons 7
|
Hos fertiles agros multum
qui ampliaverunt cultum
christi in moravia
dignum est ut extollamus
et in dulces prorumpamus
voces cum melodia
|
Matins verse 7
|
Benedictus omnis erit
qui hec festa digne gerit
nam in ipsis christus serit
fructum centenarium
|
Matins respons 8
|
Hymnis sanctis exultemus
voce dulci personemus
eorum nunc gloriam
qui nos fidem docuerunt
et virtute ornaverunt
per divinam graciam
|
Matins verse 8
|
Magno digni sunt honore
qui a gentili errore
nos retraxerunt penitus
|
Matins respons 9
|
Apostoli moravorum
et patroni bohemorum
qui nos fidem imbuistis
et baptismo abluistis
christo reconciliate
nos et sursum elevate
|
Matins verse 9
|
Ut salute perfruamur
qua frui gloriamur
|
| |
Lauds antiphon 1
|
Apostoli moravorum
cyrillus et methodius
iuncti regi angelorum
letantur felicius
|
Lauds antiphon 2
|
Iubilet suavius
alma nunc ecclesia
cyrillus et methodius
quod intrant celestia
|
Lauds antiphon 3
|
Hec germana fraternitas
virtutum in frequencia
spernit mundi delicias
huius divina gracia
|
Lauds antiphon 4
|
Benedic moravia
regem angelorum
qui beatos gloria
decorat sanctorum
|
Lauds antiphon 5
|
Laudes solvat ecclesia
multiplici cum iubilo
christo quod ornat gloria
cyrillum cum methodio
|
Lauds (gospel) special antiphon
|
Quam benigna quam suavis
fraterna connexio
quam beata presularis
hec fuit eleccio
que placere deo claris
studendo virtutibus
fruitur nunc eternalis
domini aspectibus
|
| |
2nd Vespers (gospel) special antiphon
|
Summe deus clemencie
rector universorum
origo sapiencie
per merita sanctorum
conserves nos pontificum
cyrilli et methodii
duc nos ad regnum celorum
ferens opem remedii
|
full office name: