| |
| |
Vespers antiphon 1
mode: 8g |
Ave presul gloriose
ave sidus iam celeste
decorans cuthberte celum
nos guberna visens humum
quo letemur triumpantes
te patronum venerantes
|
Vespers antiphon 2
mode: 4e |
Sancte cuthberte intercede pro nobis ut consortes glorie sanctorum tecum effici mereamur
|
Vespers antiphon 3
mode: 4e |
Presul domini sancte cuthberte intercede pro nobis ad dominum deum nostrum
|
Vespers antiphon 4
mode: 1d |
Sanctus antistes [- MA9]/ |
Vespers antiphon 5
mode: 2d |
Almi cuthberti presulis
munitos nos suffragiis
celorum rex perpetua
christus ducat ad gaudia
|
Vespers (gospel) special antiphon
mode: 4e |
Oriens sol iusticie
dignatus est illustrare
per ministros lucis sue
cunctos fines orbis terre
ipsi laus qui dedit anglis
lucernam sue salutis
cuthbertum bonum doctorem
ac pro his intercessorem
|
| |
Matins I
mode: 4e |
Domino sanctorum presulum regi
iubilemus in hac sacra sollemnitate pontificis nostri cuthberti
|
Matins antiphon 1
mode: 1d |
Auctor donorum spiritus
inspirans vera vatibus
per trinum fatur infantem
cuthbertum fore presulem
|
Matins antiphon 2
mode: 2d |
Qui raphaelem archangelum
tobie dedit medicum
cuthberti genu languidum
suum sanat per angelum
|
Matins antiphon 3
mode: 3e |
Dum iactantur puppes salo
sanctus orans heret solo
mox ventorum vis mutata
naves vertit ad litora
|
Matins antiphon 4
mode: 4e |
Edomans corpus iuvenis
in undis pernoctat maris
ibi deo vota laudis
ex affectu reddit cordis
|
Matins antiphon 5
mode: 5e |
Mirum dictu hinc egresso
et oranti genu flexo
membra refovent rigida
equoris animalia
|
Matins antiphon 6
mode: 6c |
Adest frater curiosus
explorans quid agat iustus
quem languore et pavore
mox correptum sanat prece
|
Matins respons 1
mode: 1d |
Cuthbertus puer bone indolis
pervigil nocturnis
insistens hymnis
Aidani episcopi animam in celum ferri vidit ab angelis
|
Matins verse 1
mode: 1d |
Cum pastoribus
ovium positus
pastor animarum a deo preelectus
mente et vultu supernis intentus
|
Matins respons 2
mode: 2d |
In sanctis crescens virtutibus
almus vir cuthbertus
despectis huius caduci seculi rebus venerabilis
ac per cuncta digne laudabilis
Factus est monachus
|
Matins verse 2
mode: 2d |
Corpore mente habitu
factisque probabilibus
castris dominicis associatus
|
Matins respons 3
mode: 3e |
Patriarche nostri abrahe exemplo
beatus pater cuthbertus
hospitalitatis deditus obsequio
supernum civem gaudens excepit hospicio
Cui dum terrenum querit ministrare panem recipere meruit celestem
|
Matins verse 3
mode: 3e |
Digreditur namque vir dei panem cupiens deferre calentem sed rediens nequaquam invenit conviviam
|
Matins respons 4
mode: 4e |
Vir domini cuthbertus
maris tempestate cum sociis preclusus
futuri diem sereni certum predixit
Cum quibus eciam cibo sua sibi prece divinitus dato pasci promeruit
|
Matins verse 4
mode: 4e |
Positis namque genibus oracionem fudit
nautasque in domino fidere iussit
|
Matins antiphon 7
mode: 7g |
Quandam vexatam demone
pergit sanctus invisere
sed mox dirus fugit hostis
fit mulier incolumis
|
Matins antiphon 8
mode: 8g |
Multos hic sanavit egros
languores depellens sevos
multas effugavit larvas
virtute crucis territas
|
Matins antiphon 9
mode: 1d |
Sanctus antistes cuthbertus
vir perfectus in omnibus
in turbis erat monachus
digne cunctis reverendus
|
Matins antiphon 10
mode: ? |
Aves sancto obaudiunt
corvi correcti redeunt
lignumque celle fabrice
neglectum nautis fert mare
|
Matins antiphon 11
mode: 3e |
Patris benignam graciam
linquentes per septimanam
maris ligat undositas
dum petit fit tranquillitas
|
Matins antiphon 12
mode: ? |
Ut eliseus mortuus
resuscitavit mortuum
ita cuthbertus egrotus
sanat dissenteriacum
|
Matins respons 5
mode: 5f |
Merito sanctitatis
et gradu dignitatis
accepto vir dei sacerdocio
nomen equabat officio
Prebens cunctis
monita salutis
et exempla bone accionis
|
Matins verse 5
mode: 5f |
Quod enim verbis docebat
operibus adimplebat
|
Matins respons 6
mode: 6c |
Igne fervoris divini succensus
sanctus sacerdos cuthbertus
ignes noxios sepe repressit
Suis sacris precibus
|
Matins verse 6
mode: 6c |
Fantasticum quidem ignem cum auctore suo effugavit
materialem vero ab edibus quas vorabat extinxit
|
Matins respons 7
mode: 7g |
Verilocus vates cuthbertus
ecclesie iussis precibus
lacrimisque coactus
ut ipse ante predixerat
Episcopali cathedra sublimatur populis+que regendis preficitur
|
Matins verse 7
mode: 7g |
E secretis extrahitur latebris
et perfusus genas lacrimis
|
Matins respons 8
mode: 8g |
Celestium minister donorum cuthbertus antistes uxorem cuiusdam comitis aqua benedicta virginem chrismate perunctam pater familias pane a se benedicto
Pristine reddidit sanitati
|
Matins verse 8
mode: 8g |
Iuvenem quoque iam pene moriturum sola oracione puerumque seminicem osculo tantum dato
|
Matins (gospel) special antiphon
mode: ? |
Huius vitali funere
demoniacus eger+que
paralyticus tumens+que
deformis vultu visu+que
diverseque miserie
sanantur membris mente+que
|
Matins respons 9
mode: ? |
Qui de petra aquam produxit
et aquam in vinum mutavit
cuthbertum Utraque eciam gracia dignum gratificavit
|
Matins verse 9
mode: ? |
Aquam illi de arida terra effudit
et aquam bibenti in vinum convertit
|
Matins respons 10
mode: ? |
Prenunciante cuthberto
transitum suum sanctus anachorita herebertus
celesti desiderio
lacrimosus implorat eum
Ut pariter secum migraret ad dominum
|
Matins verse 10
mode: ? |
Incumbens precibus cuthbertus mox letabundus retulit poscenti se exauditum
|
Matins respons 11
mode: ? |
O beatum presulem cuthbertum qui gracia divini muneris vigens multiplicium morborum valitudines depulit
Prophecie spiritu pollens plurimorum ac sui ipsius obitum et prescivit et prenunciavit
|
Matins verse 11
mode: ? |
Admirandus cunctis operibus et verbis divina sapiencia vitam composuit
|
Matins respons 12
mode: ? |
Athleta domini cuthbertus
victor innumerabilium certaminum demoniaci impetus
decoctus ut aurum in fornace languoris
adeptus est coronam angelice civilitatis
Cuius vitam intemeratam commendat incorrupcio corporis
|
Matins verse 12
mode: ? |
Post annos undecim ita inventus est ut sepultus fuerat vestibus nitidissimis
integerrimo corpore et flexibilibus articulis
ut dormiens somno pacis
|
| |
Lauds antiphon 1
mode: 2d |
Christi fortis hic athleta
ac verus anachoreta
mundi tempsit hec infima
quo celi caperet summa
|
Lauds antiphon 2
mode: 3e |
Qui de rupe prompsit aquam
post in vinum vertens eam
hoc utrumque donum suo
caro contulit cuthberto
|
Lauds antiphon 3
mode: 4e |
In episcopatu suo
iam exacto biennio
ut soli vacaret deo
dilecto se reddit antro
|
Lauds antiphon 4
mode: 5f |
Hinc tanguntur artus sacri
corporis morbo letali
sciens vero se resolvi
confortat ovile christi
|
Lauds antiphon 5
mode: 6f |
Mox pater suos affatur
quisque vestrum temnat mundum
amet christum colat bonum
sic supernum sumet regnum
|
Lauds respons b
mode: ? |
Vir israelita gaude coheres christi Ora pro nobis
|
Lauds verse b
mode: ? |
Ut precibus tuis a deo veniam speremus devoti ad te confugimus
|
Lauds (gospel) special antiphon
mode: 7g |
Languor accrescens in dies
artus vexabat fragiles
ipse sacras fundens preces
celicas pregustat laudes
dum terrenus redit dies
eternus cuthberto quies
salutares sumit dapes
sic supernas scandit sedes
|
| |
2nd Vespers (gospel) special antiphon
mode: 8g |
O magne presul cuthberte
cui christus fuit vivere
cui mori lucrum perenne
dum post mortem vivis vere
signis divinis inclite
languidos sanans a labe
hinc rogamus pia prece
tu pro nobis intercede
|
| |
Matins respons .t
mode: ? |
Pura cordis acie supernis semper intentus contemplatus est inter epulas animam cuiusdam ex arbore lapsi
Ab angelis congratulantibus in celum deferri
|
Matins verse .t
mode: ? |
In argumentum quoque veri predicebat
quid crastino sibi nunciaretur super eo quem viderat
|
| |
Lauds (gospel) special antiphon .t
mode: ? |
Alme confessor domini
presul regis eterni
cuthberte consors sanctorum
concivis celestium
exaudi preces tuorum
sume vota supplicum
et pro nobis regem regum
ipsum posce dominum
|
| |
Matins antiphon 10
mode: 1d |
Sancte pater cuthberte
ora pro omnium salute
et pace et prosperitate tuorum
|
Matins antiphon 11
mode: 4e |
Sancte cuthberte confessor domini gloriose adesto nostris precibus pius ac propicius
|
Matins antiphon 12
mode: 8G |
Iste est qui ante deum
magnas virtutes operatus est
et omnis certa doctrina
eius repleta est
ipse intercedat pro peccatis omnium populorum
|
Matins respons 9
mode: ? |
Gloriosus vir sanctus [-n]/ relinquens terrena
Mercatus est celestia
|
Matins verse 9
mode: ? |
O verum et magnum sacerdotem qui contemnens terrena
|
Matins respons 10
mode: ? |
Agmina sacra angelorum letamini pro concive vestro [-n]/ De quo gaudet christi ecclesia feliciter et exultat gaudenter
|
Matins verse 10
mode: ? |
Omnes virtutes et omnis milicia celorum merito gloriamini cum beato [-n]/ |
Matins antiphon 10
mode: ? |
Lumen sensificum
tocius palma salutis
huius nos precibus
protege pontificis
et qui consortes
nos possumus esse decoris
effice nos domine
participes venie
|
Matins respons
mode: ? |
O quam beatus es pie confessor hodie namque chorus angelorum revertentem te ad patriam suscepit
Intercede pro nobis
|
Matins verse
mode: ? |
Securus habitacionem istam reliquisti
et usque ad solium visionis eterne penetrasti
|
Matins respons
mode: ? |
Sancte [-n] confessor christi
audi rogantes servulos
|
Matins verse
mode: ? |
Et impetratam celitus
tu defer indulgenciam
|
full office name: