| |
| |
Vespers antiphon 1
|
Leta salutaris
impetret turba medelas
que te cosma refert
te damiane sonat
|
Vespers antiphon 2
|
Sola sonans reliquos
nunc lingua redimat artus
et populus fratres
noscat adesse pios
|
Vespers antiphon 3
|
Blanda triumphali
citharizent guttura laude
debitus his sanctis
nec sileatur honor
|
Vespers antiphon 4
|
O medici nostris
infundite pharmaca plagis
et manui cedant
vulnera nostra sacre
|
Vespers antiphon 5
|
Cosma pater nostris
clemens clamoribus assis
teque doce terris
non habuisse parem
|
Vespers (gospel) special antiphon
|
Multis sanctorum
speciales vincere morbos
dat deus at nobis
vincere quidquid obest
particulas alii
vos totum corpus habetis
pellere trans morbos
seu rapuisse neci
|
| |
Compline (gospel) special antiphon
|
Sublimes facti
vos carnis morte cadendo
clara triumphali
premitis qui sidera gressu
sacros in terras
oculos deflectite vestra
ut qui festa colunt
iam laudis lucra reportent
|
| |
Matins I
|
Nunc adoremus
quo cosmas quo damianus
egris salvificas
imposuere manus
|
Matins antiphon 1
|
Nunc pia sanctorum
resonent sollemnia fratrum
quorum corporeus
vincitur angor ope
|
Matins antiphon 2
|
Ne sua sacrilego
frustrarent pectora nummo
dant gratis gratis
quod genus artis habent
|
Matins antiphon 3
|
Iam sua divitibus
nil prosunt munera pauper
languidus absque stipis
munere sanus abit
|
Matins respons 1
|
Theodora felix
et splendida pariter mater
hymnos ad altisonos
adsis cum prole beata
|
Matins verse 1
|
Tu tibi cum natis
communes suscipe laudes
|
Matins respons 2
|
Per te corporeo
surgit medicina dolori
vincit arabs cosmas
egrum damianus et orbem
|
Matins verse 2
|
Vanescunt pulchro
victi certamine morbi
|
Matins respons 3
|
Hi doctore deo
fulgescunt arte medendi
cur et philosophos
et terrea dogmata vincunt
|
Matins verse 3
|
Pravos ingenti
mores virtute retrudunt
|
Matins antiphon 4
|
Hos natura colit
querulo subiecta dolore
humanumque sonet
anxia vota genus
|
Matins antiphon 5
|
Quisquis eris morbos
qui suffers organa laxans
sacris harmonicum
fratribus ede melos
|
Matins antiphon 6
|
Fessa malis curant
non tantum corpora verum
labentes animas
cana sub ima stygis
|
Matins respons 4
|
Palladiam curans
morbi gravitate iacentem
fers prece devictus
munus damiane pusillum
|
Matins verse 4
|
Tunc renuit cosmas
tecum dormire sepulchro
|
Matins respons 5
|
Impaciens lysias
sanctorum excrescere famam
vult referant aris
falsorum tura deorum
|
Matins verse 5
|
Idola contemnunt
furit acrior angue tyrannus
|
Matins respons 6
|
Cumque pii fratres
diro in certamine fortes
artati vinclis
cum carcere vincula rident
|
Matins verse 6
|
Iniecti in pelagus
pervincunt equoris ima
|
Matins antiphon 7
|
Qui de ventre viri
trahis amplum cosma colubrum
fac ne nos stygius
toxicet ore draco
|
Matins antiphon 8
|
Qui vitas dederant
gladio cecidere cruento
sic male respondent
facta scelesta piis
|
Matins antiphon 9
|
Supplicis o fratres
animas et corpora plebis
desuper in vestra
semper habete manu
|
Matins respons 7
|
Divini lysiam
blasphemi nominis ultro
in faciem cedunt
satane mortisque ministri
|
Matins verse 7
|
Orat opem preses
quam tu non cosma negasti
|
Matins respons 8
|
O quicumque simul
ferro cecidistis eodem
ardua iam summo
venistis ad astra triumpho
|
Matins verse 8
|
Victores eadem
vos mors et gloria iungit
|
Matins respons 9
|
Qui mare vicistis
vastum vicistis et ignem
nec non dira crucis
vobis tormenta parata
|
Matins verse 9
|
Ingentes penas
superat paciencia fratrum
|
| |
Lauds antiphon 1
|
Ad nova tu nostrum
ledencia vulnera pectus
cum cosma antidotum
des damiane novum
|
Lauds antiphon 2
|
Tu duplicem servis
impetres cosma salutem
corporis atque anime
sic miserere pater
|
Lauds antiphon 3
|
Iam pereant plage
pereant et vulnera languor
a facie fratrum
cunctus in orbe ruat
|
Lauds antiphon 4
|
Non satis est linguis
fratres laudare beatos
auxiliis quorum
cetera membra valent
|
Lauds antiphon 5
|
Pessima per facies
sanetur lesio fratres
pectoris introrsus
scilicet atque foris
|
Lauds (gospel) special antiphon
|
Celica terrenis
infundite pharmaca plagis
nunc celi medici et
terris donate relictis
quam nunc orat opem
sceleris gens saucia telo
ut sibi speratas
valeant cognoscere vires
|
| |
2nd Vespers antiphon 1
|
Tartarei teli
qui vulnera seva mederis
huc ades et plebis
suscipe cosma preces
|
2nd Vespers antiphon 2
|
O spes languentum
cosma et damiane virorum
mittite de sursum
quam rogitamus opem
|
2nd Vespers antiphon 3
|
Cito potens medica
de fratribus unus et alter
sordida sperantum
tergere membra potest
|
2nd Vespers antiphon 4
|
Premia tam dignis
non possumus equa referre
hospitibus celi
spem quibus orbis habet
|
2nd Vespers antiphon 5
|
Innumeris iustum est
medicos iam flectere fratres
laudibus ex quorum
munere turba valet
|
2nd Vespers (gospel) special antiphon
|
Impositi celo
fratres iam morte decori
pro terre populis
accumuletis opes
per quas morborum
longe vanescat et absit
impetus et mentis
turbida noxa ruat
|
| |
Compline (gospel) special antiphon .a
|
Humanas audire preces
clemencia vestra
artis opisque simul
iam relevare velit
|
full office name: