full office name: COSMAS & DAMIANUS (n2)
edition: AH 17 #23
calendar:September 27
structure summary: Vespers: A5E
Matins: secular
Lauds: A5E
2nd Vespers: E
poetic forms: Vespers: vovvo.v
Matins: v.v3{v,v,lh}viv{i$,oi,lh}v3{lh,i,il}
Lauds: lli3.v
2nd Vespers: .i [”q]
type of saint: martyrs doctors
notes:doctor
martyrs
Persons: Cosmam Damianum Lysia Lysias Damianus Cosmas Anthimus Euprepius Leoncius

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Salutifer languencium
genus salvans humanum
saluti misit gencium
cosmam et damianum
Vespers antiphon 2
Iota legis summi regis
ne transirent minimum
hi gemelli quoad belli
finem certabant ultimum
Vespers antiphon 3
Medentes egris duplici
restaurata ruina
sanate sacri medici
sacra nos medicina
Vespers antiphon 4
O mire sanctitudinis
viros de quibus exiit
virtus sanandi morbos
cuiusque egritudinis
que demonia vinciit
illuminans et orbos
Vespers antiphon 5
Novas o sacri gemini
laudes libamus vobis
vos in conspectu domini
interpellate pro nobis
Vespers (gospel) special antiphon
Sublimi laudum celicos
voce pulsate choros
cantus velut angelicos
erumpite sonoros
in martyrum christicole
festo sollemnitatis
in quo gaudent celicole
gemellis his beatis
 
Matins I
Sanctorum regem martyrum
venite adoremus
plorantes ante dominum
interne iubilemus
Matins antiphon 1
Secus aquarum rivulos
stat vinea iustorum
producens fructus varios
post incrementa florum
Matins antiphon 2
Sanctorum via recta est
et iter preparatum
quos via divinorum
delectat mandatorum
Matins antiphon 3
Sub lysia proconsule
passi pro christi nomine
tormenta pertulerunt
suas in agni sanguine
digni stolas intingere
coronas meruerunt
Matins respons 1
Sancti tui te domine
secuti sunt itinere
prorsus in admirabili
dum irent fine stabili
ut mari mergerentur
in undis meant pedibus
ut nautis mergescentibus
succursum largirentur
Matins verse 1
Nam in viis deificis
plus gemini beati
quam in mundi diviciis
fuerunt delectati
Matins respons 2
Sanctorum secularia
fides vicit imperia
nam dum tormenta forcia
contempto ferunt lysia
deposcunt forciora
Matins verse 2
O virtus fide fulgida
que superas supplicia
adsis in mortis hora
Matins respons 3
Stabant gaudenter
hi iudicis ante tribunal
unanimes mentes
et consona verba gerentes
nil metuere minas
qui volunt vincere penas
immundis mundant
a spiritibus inimicum
Matins verse 3
Si pena lysias
ereptus reddere penas
o sacri vobis
studuit succurrite nobis
&!Lysias [alt: ?]
Matins antiphon 4
Sancti pro christo languidis
egrotisque medentes
ambiunt in provinciis
nil precii sumentes
Matins antiphon 5
Sed damianus adiuratus
munusculum dum recipit
fit cosmas valde contristatus
illudque reddi precipit
vetans amborum funeri
ne foret unus tumulus
Matins antiphon 6
Stolas suas in rubeis
tersere torcularibus
hi martyres sacrati
nunc regnis in empyreis
lacti iunguntur gressibus
agni immaculati
Matins respons 4
Suum fundentes sanguinem
preciosum gloriosum
secuti sunt
martyrem martyres
christum christicole
unum gemini
predicantes
inque magistri nomine
discipuli miracula
mira sunt operantes
Matins verse 4
Horum precatu
reos a reatu
resolve christe
nos quos dies iste
reperit te glorificantes
Matins respons 5
Suffulti dei lumine
laudes psallunt in carcere
reducti coram preside
hunc arguunt perfidie
mare flammas terribiles
hi sancti dei pugiles
illesi transierunt
Matins verse 5
Stupet tyrannus seviens
in martyres
qui quidem invicti
permanserunt
Matins respons 6
Sunt execrantes
sancti simulacra deorum
idola damnantes
habitacula demoniorum
famine non tantum
verum sed sanguine christum
qui creat et recreat
ac mundum liberat istum
esse profitentur
Matins verse 6
Impudens preses
eos dis cur absque pudore
sacrificare iubes
quorum stat demon in ore
quique velut pulvis
confringentur
Matins antiphon 7
Si coram hominibus
tormenta pertulerunt
illorum in celestibus
spe salvi permanserunt
Matins antiphon 8
Sunt ab eterno lumine
lumen recipientes
qui stabant in certamine
nil prorsus metuentes
Matins antiphon 9
Sub agni sine macula
tentorio qui concinunt
beati cithariste
iam sua tabernacula
deo iubente construunt
hi fortes agoniste
Matins respons 7
Saxa ruunt iacta
sanctis fugiencia sanctos
fitque quod intacta
sacra membra manent ubi tantos
presserant tela viros
astantes et mulieres
Matins verse 7
O sancti rogitate
a nostris iacula votis
hostilia averti
sicut directa vobis sunt
tela reversa
in iactatores
Matins respons 8
Sancti martyres dixerunt
tormenta tua non timemus
sed ut schemata contemnimus
fac ergo quod vis parati sumus
subire cuncta pro nomine iesu
Matins verse 8
Nos enim non novimus
idola vana et ceca ex lapidibus
quia verum deum colimus
pro quo tuas minas spernimus
Matins respons 9
Simul hi sancti martyres
superni regis pugiles
cosmas et damianus
anthimus et euprepius
sanctus atque leoncius
occidi quos tyrannus
ferro procurat gladio
iam sunt in summo gaudio
concives beatorum
celestes psalteriste
ludunt et organiste
inter agni convivia
Matins verse 9
Fertur chorea rubea
sponsalem ante torum
 
Lauds antiphon 1
Sanctorum letus
sis hodie inclite cetus
nam certaverunt
vicerunt et meruerunt
fratres unanimes
celestes scandere sedes
Lauds antiphon 2
Amplior eterne
deitatis gloria crescit
in sanctis hodie
quos mors dividere nescit
Lauds antiphon 3
Maluit hec sacrata societas
omnino subire mortem
quam fidei sacrate
linquere sortem
Lauds antiphon 4
Grande peregerunt
sancti certamen ierunt
per mare per flammam
per vim per tela per hostes
per lapides enses+que
merentes sanguine palmam
Lauds antiphon 5
Semper in ore sonabat
eorum laus pia christi
nam psalmos leti
psallebant dum cruciati
torquerentur et ingredientes
et egredientes
cantica de excelsis
cecinere deo pia cordis
Lauds (gospel) special antiphon
Semitam per mirabilem
secuti christum martyrem
hi martyres gemelli
illesi sunt in pelago
in fumo ludunt igneo
stantes in fine belli
 
2nd Vespers (gospel) special antiphon
Sub fidei constancia
beatus cosmas triumphavit
pari sanctus astancia
se damianus ordinavit
spem immortalem leoncius
anthimus et euprepius
per fidem armaverunt
et palmas meruerunt