| |
| |
Vespers antiphon
|
Gracia larga dei
presentis festa diei
quo supplendo chorum
constancius angelicorum
spirituum vita
fruitur te dante cupita
quesumus intende
laudisque tibi referende
a nobis iure
devocio sit tibi cure
|
Vespers (gospel) special antiphon
|
Constanti constantissime
o martyr invictissime
districtum apud iudicem
precem effunde supplicem
ut ultimam sentenciam
convertat ad clemenciam
reddens nobis post obitum
felix vite depositum
|
| |
Matins I
|
Surgite nunc alacres
dominoque venite fideles
solvere devoti
vestra preconia voti
|
Matins antiphon 1
|
Beatus vir constancius
divine legis strenuus
predicator et sectator
constitutus gaudet tutus
non formidans milia
|
Matins respons 1
|
Vir tocius honestatis
iam triginta tres etatis
annos agens constancius
summe cultor trinitatis
perusine civitatis
effectus est episcopus
|
Matins verse 1
|
Magnus in aspectu
clarus probitatis in actu
|
Matins respons 2
|
Presul ergo deo digne
conversatus ob insigne
felicis vite meritum
a deo refert premium
|
Matins verse 2
|
Dignus corporei
donatus laude tropei
|
Matins respons 3
|
Cum decretis antonini
feritate beluini
plebs pagana servos christi
usquequaque morte tristi
afficeret atrociter
preclarus christi signifer
constancius hilariter
percurrens penas corporis
tripudiat cum ceteris
|
Matins verse 3
|
Premia nanciscens
nec pressure reminiscens
carnis pro letis
parte sine fine quietis
|
Matins antiphon 4
|
Hunc sanctum tui domine
signitum vultus lumine
domum tuam introductum
degustare vite fructum
prestas ei per graciam
honorem dans et gloriam
|
Matins respons 4
|
Plagis multis cruentatus
a paganis vir beatus
non tristatur sed exultat
eorundem et insultat
flebili vesanie
|
Matins verse 4
|
Celitus hortatus
constans fit et insuperatus
|
Matins respons 5
|
Post ab ipsis sisinnatem
introductus civitatem
ob despectum cultum vanum
vinctum illic poncianum
videns et concordium
|
Matins verse 5
|
Pro virtute pari
se gaudet eis sociari
|
Matins respons 6
|
Inde vinctus dum spoletum
duceretur ferre letum
ipsa longe non ab urbe
improviso motu turbe
furentum cesus gladio
relinquitur in trivio
|
Matins verse 6
|
Ob vite merita
fruiturus perpete vita
tali mactatur
nece presul et tumulatur
|
Matins antiphon 7
|
In domino fidens
illataque verbera ridens
atque ferens sponte
sacro requiescere monte
nactus perpetuam
meruit sacer iste coronam
|
Matins respons 7
|
Nec est passus insepultum
christus esse propter cultum
cuius erat neci datus
hoc disponens ut relatus
presul idem ad propriam
sepeliretur cathedram
|
Matins verse 7
|
Gracia divina
concessit ut urbs perusina
presule gauderet
proprio nec patre careret
|
Matins respons 8
|
Ut admovit levianus
ad ferendum sanctum manus
deportans eum umeris
nil fere sensit ponderis
|
Matins verse 8
|
Nam virtus christi
merito fidei dedit isti
pondus ut hoc oneri
non esset ei sed honori
|
Matins respons 9
|
Inclite constanti
prece concilando tonanti
nos patrocinio
contueare pio
effice quo gratus
sit noster ei famulatus
ut merito venie
det reditum patrie
|
Matins verse 9
|
Exulibus miseris
interveniendo preceris
nobis propicium iugiter esse deum
|
| |
Lauds antiphon 1
|
Levianus sancti gestans
corpus id odorem prestans
sensit aromaticum
|
Lauds antiphon 2
|
Quo refectus est in tantum
ut non onus sibi sanctum
sed levamen estimet
|
Lauds antiphon 3
|
Hinc occurrentes
gemini sibi luce carentes
forte viri tactu
sancti virtuteque visu
corporis et fidei
subito sunt exhilarati
|
Lauds antiphon 4
|
Unde deo grates
sanctoque dei referentes
uno cum dicto
gestant eum leviano
|
Lauds antiphon 5
|
A tribus his igitur
deportatus sepelitur
ipsius cathedram
vir sanctus apud perusinam
|
Lauds (gospel) special antiphon
|
Preciose martyr christi
qui te ipsum contulisti
vivam deo hostiam
nos peccati purgans fece
tua nobis placa prece
divinam clemenciam
petens indulgenciam
|
| |
2nd Vespers antiphon
|
Letentur cuncti
divino munere functi
choro psallentes
festumque diem recolentes
quo meruit celi
constancius arce beari
|
full office name: