full office name: CONSTANCIUS (n1)
edition: AH 25 #76
calendar:January 29
structure summary: Vespers: E
Matins: secular
Lauds: A5E
Hours (little hours): A4
2nd Vespers: E
poetic forms: Vespers: .l
Matins: l.l3{pl3}l3{pl3}l3{pl3}
Lauds: l5.l
Hours (little hours): l4
2nd Vespers: .l [q]
type of saint: bishop martyr
geographical information:Perugia, Italy
notes:martyr
suffrage
patron of city or town
bishop
Persons: Constanti Constancius Constancii

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
Martyr constanti
populo te concelebranti
presenti festo
suffragator pius esto
christum placando
nobis veniamque rogando
ut quam speramus
post hanc vitam capiamus
 
Matins I
Ut colletemur
sanctis laudes modulemur
auctori vite
psalmum cantando venite
Matins antiphon 1
Actu subtili
constancius a puerili
flore deo gratus
dignoscitur esse beatus
Matins antiphon 2
Indolis iste bone
munda sub religione
mansuetus crevit
et carnis ludicra sprevit
Matins antiphon 3
Presul enim factus
divina lege coactus
quam bene delegit
sibi noxia cautus abegit
Matins respons 1
Egregii martyris constancii transitum recolentes tuam domine laudamus potenciam
Matins verse 1
Celos implentem
pelagus terramque regentem
Matins respons 2
Sacris hic itaque scripturis intentus utiliter ipsas tenaci commendabat memorie
Matins verse 2
Que fecere viam
sibi firmius ad theoriam
Matins respons 3
Agonista dei constancius voluptuosis repugnavit affectibus crucemque suam tollens dominum est secutus
Matins verse 3
Postposito patre
cum fratre sororeque matre
Matins antiphon 4
Illicitos motus
fragendo per omnia totus
christo servire
studuit mundoque perire
Matins antiphon 5
Hunc deus orantem
votivaque munia dantem
lacius audivit
merito nam iusta petivit
Matins antiphon 6
Se penitus christe
sanctus tibi subdidit iste
regna petens lucis
quo dilectos tibi ducis
Matins respons 4
Iste sanctus vite merito laudabilis orans quod credidit in vinea domini cultor fidelis extitit
Matins verse 4
Uvam conservans
igni fruticem coacervans
Matins respons 5
Carnales in se luxus reprimendo lumbos precinxit et manibus suis lucernas ardentes tenuit
Matins verse 5
Respergens late
plures morum probitate
Matins respons 6
Beatus constancius dum gereret officium mandrite solliciti corda plurimorum inbuit sacramentis fidei
Matins verse 6
Nempe revertenti
domino dans lucra talenti
Matins antiphon 7
Dogmata pravorum
detestans facta bonorum
traxit in exemplum
domino cupiens fore templum
Matins antiphon 8
Ambigue sortis
victor miles quasi fortis
qui maculam nescit
in monte sion requiescit
Matins antiphon 9
Ornatu magno
fulget comes additus agno
crimina qui lavit
orbi mortemque fugavit
Matins respons 7
De presultatus dignitate collata celitus vero sacerdoti obligacior humilem se ministrum exhibuit
Matins verse 7
Grande sciens donum
summamque timens racionum
Matins respons 8
Legitimum electus deo certamen executus lota in agni sanguine stola sua palmam obtinet perennis glorie
Matins verse 8
Astans divine
maiestati sine fine
Matins respons 9
Gloriosus dei athleta constancius fervens amore sancti spiritus minas et terrores iudicum non timuit secularium
Matins verse 9
Arripiens scutum
fidei tegimen sibi tutum
 
Lauds antiphon 1
Curia celestis
sollemnibus inclita festis
balsamico more
predulci fragrat odore
!Fragrat [alt: ?]
Lauds antiphon 2
Intermixta rosis
rubet et gemmis preciosis
candens in gyro
collucet lumine miro
Lauds antiphon 3
Nactus constanti
splendoris gaudia tanti
securus degis
christi sacer accola regis
Lauds antiphon 4
Hoc est insigne
tibi sanctorum quia digne
ad sua te cetus
misit consorcia letus
Lauds antiphon 5
Eia coronatus
in celis perpetuatus
ipsum collaudes
cui te convivere gaudes
Lauds (gospel) special antiphon
Nocturnis horis
concentu cordis et oris
plebs tibi devota
que debet agens pia vota
martyris huius passio cuius
sancta notatur
da prece prospera
pelle sed aspera
christe precatur
 
Prime antiphon
Mente colens pura
dominum risit ruitura
felix conflictus
cuius finis benedictus
Terce antiphon
Quem calcare facis
sunt deus atria pacis
admirandus erit
sibi qui loca talia querit
Sext antiphon
Palmis equatus
ut cedrus multiplicatus
semper florebit
adversa que nulla timebit
Nones antiphon
Institit humori
vir sanctus ut uberiori
polleret questu
nullo perterritus estu
 
2nd Vespers (gospel) special antiphon
Post maris alta rubri
constancius arte salubri
litore consedit
cui queque molestia cedit
tendens vela citus
placitis ventisque potitus