full office name: COLUMBA of Iona (n2)
edition: Stevenson 1874, pp.16-24
calendar:June 09
structure summary: Vespers: A5E
Matins: secular
Lauds: A5E
2nd Vespers: E
poetic forms: Vespers: p5{lh}.l
Matins: t.hit{ps,ip,i¶}pep{i,el,pl}ino{p,p¶,li}
Lauds: p4t.p
2nd Vespers: .i [”q]
type of saint: abbot
geographical information:Scotland, N.Ireland
notes:abbot or abbess
Persons: Columba Columbe

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Pater columba sui agonis noscens miliciam demonum christiana fretus virtute expugnavit turmas
Vespers antiphon 2
Dumque pro populo preces emitteret globus igneus in sacrificio apparuit super caput eius
Vespers antiphon 3
Vir angelice vite angelorum crebro consolabitur consorcia
Vespers antiphon 4
Beatus vir celestia contemplans anime sanctorum vidit celi secreta penetrare
Vespers antiphon 5
Prescius finis sui certamina coronandus laboris merito tristati fratres letatus spe victorie perfruende
Vespers respons
Sancte columba tuos
prece dirige servos
ut christo digne
recolant tua festa benigne
Vespers verse
Poscendo veniam
famulantum dirige vitam
Vespers (gospel) special antiphon
O felix columba celi nos crimine lesos
curaque compressos
mordacibus exue culpis
supplex egenis
et sis fortissima turris
 
Matins I
Venite exultemus domino
cui columba iubilat in celo
Matins antiphon 1
Infantis columbe nondum nati merita prophetantur
Matins antiphon 2
Regiis parentibus ortus
columba vocatur celitus
Matins antiphon 3
Docilis puer sciencie doctrinam qua claruit
in eius fructum cito perduxit
Matins respons 1
Militantis minister ecclesie
ante sui ortus principia prophetavit et Doctor future glorie
Matins verse 1
Claususque in utero
matris insinuatur ab angelo
Matins respons 2
Sanctus puer adhuc in cunis recumbens
Celestis globi splendore eius facies resplenduit
Matins verse 2
Ut futuri celi militis gracia celesti signo monstraretur
Matins respons 3
Patris columbe merita
monstrantur per indicia
namque ventura previdit
miraculorum virtute idololatras convertit
Et demonum spurcicias predicacione sancta delevit
Matins verse 3
Fundator et doctor monachorum fuit
Matins antiphon 4
Benediccionis sue virtute fructus amaros arboris in dulces convertit
Matins antiphon 5
Compaciens egeno semen sibi tribuit
quod multo prevento tempore in messem crevit
Matins antiphon 6
Aqua benedicta virgo quedam a sancto viro aspersa integre sanitati restituta est
Matins respons 4
O colendum columbe meritum
qui orans dominum
Aquam de petra convertit in vinum
Matins verse 4
Ad immolandum
altaris agnum
Matins respons 5
Mortiferam previdit cladem quam delevit
Misso pane benedicto ad populum
Matins verse 5
A morte pestifera
liberat homines et iumenta
Matins respons 6
A beato viro pauper petens alimoniam sudem aptat manu sancta qua Pauperi preparantur omnia
Matins verse 6
Palo per se posito
necdum igne combusto
Matins antiphon 7
Facto signo sancte crucis
ultro ianue mansionis
beato viro aperte sunt
Matins antiphon 8
Latens diu sub aquis
scriptum beati patris
incorruptum invenitur
Matins antiphon 9
Benediccione patris
columbe ignis
nature vim derelinquit
Matins respons 7
Plebei quem sanctus cum universa familia baptizavit filius moritur
Quem parentibus reddidit vivum
Matins verse 7
Sacro fonte renatus a paganis puer mortuus irridetur
Matins respons 8
Defensor fidei christiane non minus verbis quam miraculis hostes superat
ventos et procellas maris sedat
Tenebras serenat
Matins verse 8
In christi nomine omnibus imperat
Matins respons 9
In mundo columba
triplex tua pollet gracia
prophecia miraculis consorte uranica
Horum levemur ad ethera
Matins verse 9
Angelorum potencia
fidei sancte
prophecia et tue sanctitatis gracia
 
Lauds antiphon 1
Sancti spiritus inspiracione obitum suum cognoscens columba ad ecclesiam sarcinam carnis relicturus confugit
Lauds antiphon 2
Quem minister secutus orantem flexis genibus vidit totamque ecclesiam celesti lumine plenam
Lauds antiphon 3
In terra demisso capite naturali deficiente virtute angelorum hilaratus consorcio facies eius miro splendore celesti reluxit
Lauds antiphon 4
Tunc ipsius erecta manu et ut potera elevans oculos populum suum benedixit
Lauds antiphon 5
Valeque dato relinquens lucum
concito plus vehitur ad celum
Lauds (gospel) special antiphon
O columba qui terrenus adhuc extans te poscentibus semper opem ferebas opportunam iam celestis omnium potitus triumpho nobis sidera dona
 
2nd Vespers (gospel) special antiphon
Ave sanctorum columba piissime
gente regis insulans inclite
ave fidelis domini christicola
pestem propelle inimicos dimica
aures accommoda laudis ad libamina
trahens nos a viciis duc ad vite gaudia