| |
| |
Vespers antiphon 1
|
Hodie ecclesia
colomanni festa
colit cum leticia
cuncta cedant mesta
|
Vespers antiphon 2
|
Colomannus exulat
de terra scotorum
morte fera strangulat
quem gens noricorum
|
Vespers antiphon 3
|
Infamat suspicio
falsa hunc beatum
decernens suspendio
reum deo gratum
|
Vespers antiphon 4
|
En succumbit veritas
cedens falsitati
vim furens iniquitas
facit equitati
|
Vespers respons
|
Virtus theologicis
tribus circulatur
quattuor politicis
circulus quadratur
ab his septem parvulus
iste dei famulus
numquam flectebatur
|
Vespers verse
|
Septem sancti spiritus
donis sic ditatus
ut septem virtutibus
fulget laureatus
|
Vespers (gospel) special antiphon
|
Gaude florens austria
de scotorum germine
decenter ornata
beata per omnia
colomanno sanguine
martyris ditata
digne plane gratularis
que de tam egregiis
et sacris reliquiis
felix predicaris
|
| |
Matins I
|
Adoremus latria
dominum celorum
colomanno gaudia
dantem gaudiorum
|
Matins antiphon 1
|
Novus david impiis
se non conformavit
nec se pestilenciis
ullis deformavit
|
Matins antiphon 2
|
Quare fremunt impie
contra iustum gentes
in eum malicie
dentes acuentes
|
Matins antiphon 3
|
Dominus mirificum
sanctum suum fecit
per quem quod tabificum
fuerat refecit
|
Matins antiphon 4
|
Scuto tuo domine
bone voluntatis
hunc in celi culmine
gemmis ornas gratis
|
Matins antiphon 5
|
Omnia sub pedibus
eius subiecisti
graciis quem dulcibus
iesu prevenisti
|
Matins antiphon 6
|
Iustus qui iusticiam
dominus dilexit
iustum iuste patriam
ad iustorum vexit
|
Matins respons 1
|
Ardens quasi facula
colomannus fabula
tactus noricorum
explorator proditur
tormentis afficitur
verberum multorum
|
Matins verse 1
|
O iesu cur sol fulgidus
livore fit tam lividus
|
Matins respons 2
|
Ad tribunal iudicis
stans verbis veridicis
sese tuebatur
verba suffert aspera
pene plura genera
nec sic movebatur
|
Matins verse 2
|
In flammis edacibus
aurum depuratur
multis passionibus
martyr hic probatur
|
Matins respons 3
|
Flagris duris ceditur
et saxis concutitur
dulcis martyr iste
serram addunt cruribus
cum tormentis pluribus
brutales laniste
|
Matins verse 3
|
Quem post tot martyria
dulci cum leticia
ducunt ad celestia
celi cithariste
|
Matins respons 4
|
Pravitatis milites
satane satellites
clientes averni
appendunt ad stipitem
colomannum militem
principis eterni
|
Matins verse 4
|
Victimandus tacuit
martyr iste magnus
et os non aperuit
mutus velut agnus
|
Matins antiphon 7
|
Colomannus proximo
malum nullum fecit
sed leto se animo
omnibus subiecit
|
Matins antiphon 8
|
Domine letabitur
in tua virtute
iustus et ditabitur
eterna salute
|
Matins antiphon 9
|
Ipse est rex glorie
dominus virtutum
dans in celis hodie
isti locum tutum
|
Matins antiphon 10
|
In deo laudabitur
iustus sine sorde
simul et laudabitur
omnis rectus corde
|
Matins antiphon 11
|
Laus decet et gloria
te deus deorum
colomanno gaudia
dantem gaudiorum
|
Matins antiphon 12
|
Iustus iste floruit
et floret ut palma
quem tenet et tenuit
alma dei palma
|
Matins respons 5
|
Aspernans opprobria
manum dat ad forcia
martyr gloriosus
coherens constancie
nec cedit iniurie
corde generosus
|
Matins verse 5
|
Pede currit prepeti
vivat ut in perpeti
vita gaudiosus
|
Matins respons 6
|
Virum evangelicum
istum sicut triticum
satanas cribravit
quem cum binis impiis
apertis pro viciis
cruci mancipavit
|
Matins verse 6
|
Ecce iustum quomodo
et quali incommodo
cum iniquis stravit
|
Matins respons 7
|
Solem mundi supprimere
fallaces et opprimere
conantur insontem
mundus nequit abscondere
iustum quem vult extollere
deus super montem
|
Matins verse 7
|
Ad vitalem iste fontem
venit currens iugiter
per virtutum pontem
|
Matins respons 8
|
A vesanis resteo
suffocatur laqueo
vir in fide fortis
finitur suspendio
nullo nocens vicio
causa carens mortis
|
Matins verse 8
|
Qua suspensus fuerat
floreret ut restis
meritis acceperat
dignus deo testis
|
Matins (gospel) special antiphon
|
Colomannus gracia
felix et insignis
fulget in ecclesia
meritis et signis
|
Matins respons 9
|
Mens rimetur stupida
de carne quod arida
cruor calens manat
membra paralytica
virtute salvifica
qui recenter sanat
|
Matins verse 9
|
Tanta mirabilia
domini magnalia
omnis lingua canat
|
Matins respons 10
|
Corpus in hungariam
sanctum in angariam
regni ferebatur
quod paulo post norici
ut resumant supplici
prece rex precatur
|
Matins verse 10
|
Sequebatur siccitas
et terre sterilitas
fames et mortalitas
dira grassabatur
|
Matins respons 11
|
Fenestram fur ecclesie
intrans ob rapinam
sua mutata facie
recepit ferinam
omnis concurrit populus
omnis stupescit oculus
faciem caninam
|
Matins verse 11
|
Ad tumbam sancti ducitur
populo orante
vultus humanus redditur
deo miserante
|
Matins respons 12
|
Abscondi non potuit
virtutum lucerna
quam lucere voluit
iesus lux eterna
filiis ecclesie
lumen ut det gracie
de luce superna
|
Matins verse 12
|
Colomannus roseo
hunc mundum cruore
illustrat et niveo
resplendet candore
|
| |
Lauds antiphon
|
Per te post sinistre grata
colomanne munera
amplexetur nos beata
dei vivi dextera
|
Lauds (gospel) special antiphon
|
Colomanne porrige
manum et nos erige
ad opus virtutis
vitam nostram corrige
et in viam dirige
pacis et salutis
|
| |
Prime antiphon
|
Ceci claudi surdi muti
colomanni gracia
sospitati restituti
sunt deo sit gloria
|
Terce antiphon
|
Pollex pedis latus sura
iusti huius hominis
copiam sine mensura
profudere sanguinis
|
Sext antiphon
|
Huius caro forcipe
finditur vorante
nec turbatur principe
celesti donante
|
Nones antiphon
|
Virtutum charismata
spargens pociorum
gaudenter ad sabbata
migrat sabbatorum
|
| |
2nd Vespers antiphon 1
|
Colomannus in agone
stetit indeficiens
spe mercedis et corone
ad mortem obediens
|
2nd Vespers antiphon 2
|
Vere dulcis hic athleta
christi fore meruit
qui subire letum leta
mente non abhorruit
|
2nd Vespers antiphon 3
|
Nullus sic famelicus
festinat ad epulum
ut hic homo celicus
currit ad patibulum
|
2nd Vespers antiphon 4
|
Inter manus hostium
deo factus hostia
celi subit ostium
restea per ostia
|
2nd Vespers (gospel) special antiphon
|
Iesu relaxa debita
per colomanni merita
nostre corruptele
pietate inolita
bona reforma perdita
fons omnis medele
|
full office name: