| |
| |
A verse LR
|
Clementem luce fidei
christus iesus illuminat
quem velut vasa figuli
sic dominus examinat
|
A verse LV
|
Clemens in dei populo
ut lux vera radiavit
quem verbis et operibus
ipse sanctus illustravit
|
A verse CA
|
Festum clementis martyris
devote colant populi
exorent hunc mediocres
magni maiores parvuli
ut redemptorem hominum
pro nobis roget dominum
|
A verse IR
|
Fons vite agnus previus
fontem qui est ut fluvius
damnatis necessarius
pede pandit exilio
precum sancti suffragio
clementis et indicio
|
A verse IV
|
Sustinentes exilia
mestos aque penuria
letificavit copia
aquarum dei gracia
|
A verse IA1
|
Clemente gaude martyre
matidiana filio
sancto summo pontifice
regni fruente solio
|
A verse IA2
|
Faustiane felix gaude
canta deo laudes plaude
qui clementem genuisti
martyrem beatum christi
|
A (gospel) verse _E
|
Christum iesum magnificum
magnificet ecclesia
qui clementem magnifica
magnificabit patria
|
A verse B$
|
Pia clemens clemencia
pater nobis remedia
implora necessaria
quibus exuti noxiis
celestibus deliciis
fruamur atque gaudiis
|
| |
A M _R1
|
Assidua indagine
studens clemens inquirebat
utrum humana anima
immortalis remanebat
quo invento quam plurimum
exultando congaudebat
|
A M _V1
|
Christi fidem apostolus
petrus clementem docuit
qui immortalem animam
esse sibi aperuit
|
A M _A1
|
Ex nobili prosapia
ortus romana patria
clemens passus martyrium
celeste scandit solium
|
A M _R2
|
Clemens doctrina claruit
sancta vita resplenduit
philosophia floruit
miraculis emicuit
|
A M _V2
|
Sanctus clemens pontifex
et virtutum artifex
ceco visum restituit
audito surdum prebuit
|
A M _A2
|
Qui damnatis exilio
clemens fontem prebuerat
leonicinis eciam
fontem reclusum reserat
|
A M _R3
|
Sanavit clemens languidos
sue salutis avidos
afflictos pre tristicia
remisit cum leticia
cunctis prodesse studuit
nulli nocere voluit
|
A M _V3
|
Illi cura de proximo
corde fuit et animo
qui creatori placuit
pro quo mortem sustinuit
|
| |
A Q $A1
|
Sic excellenter moribus
sanctus clemens prepollebat
quod iudeis et gentibus
christianis complacebat
|
A Q $A2
|
Omnes laudemus dominum
cum laudibus magnificis
qui clementem mirificat
virtutibus mirificis
|
A Q KA
|
Martyr clemens gloriosus
amat sperat vere credens
opus bonum operatur
a maliciis recedens
studet cunctis hic prodesse
presul pius nullum ledens
qui gaudet in celestibus
beatorum sede sedens
|
| |
A L HR
|
Christe regnum rex domine
clemens pro tuo nomine
maris mersus voragine
cum sancto gaudet agmine
locatus celi culmine
|
A L HV
|
Quam beatus qui residet
in supernorum curia
cunctis fruens deliciis
diviciis et gloria
|
A L LR1
|
Clemens pro christi nomine
perit morte preciosa
qui gaudet nunc aureola
coronatus gloriosa
|
A L LV1
|
Summerso maris fluctibus
sepultura preparatur
que populis orantibus
sicco mari demonstratur
|
A L LR2
|
Omnes vocibus sonoris
isti servo conditoris
melos laudis et honoris
concinamus cunctis oris
|
A L LV2
|
Celebremus sollemniter
cuncti fideles populi
clementis natalicium
sancti petri discipuli
|
A (gospel) L _E
|
Sit benedictus dominus
cuius benediccio
sanctum clementem martyrem
donat alto premio
|
| |
A H _A1
|
Crucifixem collaudemus
collaudantes honoremus
cuius clemens vertigium
secutus per martyrium
venit ad celi gaudia
omni plenus leticia
|
A H _A2
|
Iesus christus dominus
sanctos suos exaltavit
qui clementem pontificem
gloriose honoravit
|
A H _A3
|
Fideles benedicite
hymnum deo dicite
qui per viam martyrii
duxit ad locum gaudii
clementem sanctum presulem
pro fide christi exulem
|
A H _A4
|
Laude dignum et gloria
sanctum laudet ecclesia
clementem qui virtutibus
corruscat in celestibus
|
A H B$
|
Clementer sancte subveni
clemens devoto populo
defende tuis precibus
ab omni nos periculo
et collocari facias
celesti habitaculo
|
| |
A $_A1
|
Per barnabam apostolam
clemens ad fidem ducitur
civis romanus nobilis
qui papa martyr moritur
|
A $_A2
|
Deo in quo nulle fraudes
personemus dignas laudes
in clementis sui festo
ut sit nobis semper presto
nos defendens a funesto
|
A $_A3
|
Sequens petri vestigia
discipulus egregius
hic clemens summus pontifex
fuit post petrum tercius
|
A $_A4
|
Sanat petrus apostolus
matris clementis hospitam
languore paralytico
membris iacentem perditam
|
A $_A5
|
Venit per iuge studium
ad culmen sapiencie
clemens factus philosophus
divine dono gracie
|
A $_A6
|
In tuo festivo die
clemens regem clemencie
roga ut nobis graciam
ipse donet et gloriam
|
A $_A7
|
O felix matidiana
que spernentem cuncta vana
natum paris in membrana
vite scriptum pastum manna
|
A $_A8
|
Dei consecrat ancillam
sanctus clemens domitillam
sanctam prudentem virginem
horrentem sponsum hominem
que deum sponsum eligit
quem pre cunctis hec diligit
|
| |
A K _A
|
Quem mortuum crediderat
mater in maris fluctibus
natum clementis recipit
vivum oracionibus
|
full office name: