| |
| |
Vespers antiphon
|
Gloriosi gloriosa
clementis sollemnia
quam produxit olim mundo
dives christi gracia
veneretur sancta sancte
concio ecclesie
|
Vespers (gospel) special antiphon
|
Vir beatus clemens sanctus
presul apostolicus
cuius festum prevenimus
et triumphum colimus
prestet nobis prece sua
sempiterna gaudia
|
| |
Matins I
|
Exultanter adoretur
regum clementissimus
qui clementem summum papam
induxit in requiem
|
Matins antiphon 1
|
Sanctum post petrum tercius
superfuit clemens pius
ecclesie romulee
magistrum sequens opere
|
Matins antiphon 2
|
Hic a cunctis fidelibus
iudeis et gentilibus
amabatur fideliter
christi plebis pius pater
|
Matins antiphon 3
|
Papa clemens gloriosus
domini gracia fultus
non timebat sisinnium
nerve principis amicum
|
Matins antiphon 4
|
Beati viri doctrina
theodora erudita
vero regi serviebat
quem devote diligebat
|
Matins antiphon 5
|
Incredulus sisinnius
ecclesiam introgressus
insidiatur coniugi
christo deo famulanti
|
Matins antiphon 6
|
Beato papa clemente
preces domino fundente
subito cecus et surdus
efficitur sisinnius
|
Matins respons 1
|
Post petrum beatissimum
christi iesu discipulum
clemens extitit tercius
romanus apostolicus
|
Matins verse 1
|
Repletus sacro flamine
spiritalique munere
|
Matins Q 1
|
Martyr domini celica
plenus gracia
clemens protegat per secla
canentes talia
ac benedicat apostolicus
|
Matins respons 2
|
Regis nerve non timebat
amicum sisinnium
gloriosus papa clemens
fultus dei gracia
|
Matins verse 2
|
Hic a cunctis amabatur
iudeis et gentibus
|
Matins respons 3
|
Per beatum clementem
christi militem
luce perfusa
theodora
deo sedulum
exhibebat obsequium
|
Matins verse 3
|
Sisinnio quidem eius viro
nimia cede percusso
|
Matins respons 4
|
Vernans purpurea
celitus in toga
nos clemens iugiter
ut pater adiuva
|
Matins verse 4
|
Martyr martyrii
maxima gloria
|
Matins antiphon 7
|
Prostravit se theodora
beato pape clementi
poscens ut suo coniugi
auditum daret et visum
|
Matins antiphon 8
|
Confidens in iesu christo
clemens sanctus piissimo
prece pia deprecatur
ut viro misereatur
|
Matins antiphon 9
|
Sanus factus sisinnius
statim redditur insanus
iubetque sanctum presulem
teneri atque vinciri
|
Matins antiphon 10
|
Imperatoris precepto
deducitur exilio
cum sanctis confessoribus
papa romanus inclitus
|
Matins antiphon 11
|
Cum vidissent sancti dei
digni iam martyres facti
beatissimum clementem
collaudant omnipotentem
|
Matins antiphon 12
|
Cum orasset sanctus clemens
agnum christum vidit stantem
quem poscat nobis clementem
lucis ac fluminis fontem
|
Matins respons 5
|
Videntes autem idolorum
cultores omnem fere populum
ad deum converti contra clementem
excitaverunt sedicionem
|
Matins verse 5
|
Nempe scientes eum inde esse administratorem
|
Matins respons 6
|
Fratribus ab exulatis
clemens pius didicit
quod non aqua foret illis
ad potandum habilis
|
Matins verse 6
|
Orans agnum stantem vidit
quo fons vivus patuit
|
Matins respons 7
|
Martyr clemens venerande
tibi devotos protege
facque tecum gratulari
ut postulamus cernui
|
Matins verse 7
|
Impetra gaudia regni
salvans ab hoste crudeli
|
Matins respons 8
|
O felix pueri
gurgite custos
clemens nos pueros
effice magnos
|
Matins verse 8
|
Exaudi proprios
altor alumnos
|
Matins Q 2
|
Maxime deus
quem laudant angeli
venerantur tremunt
potestates celi
culpe veniam
annue nobis
quia solus potens
es parce famulis
nosque parvos
effice magnos
|
Matins (gospel) special antiphon
|
Intercessor egenorum
prepotens ad dominum
clemens martyr profutura
queque nobis impetra
|
Matins respons 9
|
Duo dicunt ex clementis
populo discipulis
oremus nos ut ostendat
christus corpus martyris
|
Matins verse 9
|
Cum ad litus fleret maris
multitudo populi
ita eos alloquuntur
phebus et cornelius
|
Matins respons 10
|
Invenerunt in modum templi
marmorei habitaculum a deo
paratum
|
Matins verse 10
|
Orans christum fideliter
cernit plebs mirabiliter
|
Matins respons 11
|
O clemens domini
martyr venerabilis olim
servator vivi
sub pelago pueri
fontis et irrigui
lymphe reparator adempte
sit nobis placidus
te rogitante deus
|
Matins verse 11
|
Nevis non purgans
pius et virtutibus ornans
|
Matins respons 12
|
Clementis christi gracia
invenitur a populis
clementis corpus martyris
romulei antistitis
|
Matins verse 12
|
Discipulis revelatur
ne a loco auferatur
|
| |
Lauds antiphon 1
|
Cum rogaret turba plebis
sibi corpus martyris
ostentari ducens iter
per undosa patuit
|
Lauds antiphon 2
|
Indagantes marmoreum
quodam habitaculum
invenerunt preparatum
angelicis manibus
|
Lauds antiphon 3
|
Ibi vero generosi
corpus situm martyris
quiescebat secus illud
anchora periculi
|
Lauds antiphon 4
|
Quam beata christe tua
benedicte opera
qui et morte sanctos tuos
tanta comis gloria
|
Lauds antiphon 5
|
Laus et honor tibi christe
virtus et eternitas
sit cum patre spiritu+que
per immensa secula
|
Lauds (gospel) special antiphon
|
Dedisti domine habitaculum martyri tuo clementi in mari in modum templi marmorei angelicis manibus preparatum iter prebens populo terre et enarrent mirabilia tua
|
| |
Q antiphon
|
Clemens clementis
de pleno munere christi
tecum nos aliqua
donari posce corona
|
full office name: