| |
| |
Vespers antiphon 1
|
Gaude sion ornata tympano
decor tuus coniunctus galbano
lauda illum chordis et organo
sponsa cuius venit de libano
|
Vespers antiphon 2
|
Gaude sedes bisuntina
iure frequentans gaudia
in te fuit episcopus
claudius vir sanctissimus
|
Vespers antiphon 3
|
Hic est ille presul verus
cuius corde plebs et clerus
debet festum celebrare
et iuvamen implorare
|
Vespers antiphon 4
|
Gloriose presul christi
o claudi sanctissime
duc nos tecum quo ivisti
post christum piissime
intercessor ne labamur
a te semper protegamur
|
Vespers antiphon 5
|
O claudi presul christi
tua prece fac nos sisti
summi regis ante thronum
ex quo prodit omne bonum
|
Vespers respons
|
Vallem mundi tam profundi
munda transit orbita
pes claudii ne confundi
possit virtus inclita
nil immundi cordis mundi
reperitur semita
|
Vespers verse
|
Cum olive ramo redit
ad arcam in vespere
non invenit unde venit
quo possit quiescere
|
Vespers (gospel) special antiphon
|
Magnificat
anima dominum
quam sigillo
signavit luminum
quam propriam
cruore proprio
sibi fecit
crucis ludibrio
quam viventem
ornavit gloria
que post mortem
vivit in patria
|
| |
Matins I
|
Adoremus regem regum
implorantes graciam
qui transvexit supra mundum
claudium in gloriam
|
Matins antiphon 1
|
Beatus vir impiis
se non sociavit
quem quia cum stantibus
stare recusavit
pestis pestilencie
non incathedravit
|
Matins antiphon 2
|
Quare fremunt
hostes in ostium
a quo pendent
tot arma forcium
quod non timet
impulsus hostium
|
Matins antiphon 3
|
Exaudi nos domine
protector eorum
qui te colunt predicant
cor et corpus quorum
confitentur opere
te deum deorum
|
Matins respons 1
|
Primus iaspis lapidum
in claudii fabrica
fabrice supponitur
ut fides catholica
per augmentum operis
regna tangat celica
|
Matins verse 1
|
Designatur
fides in iaspide
prior omni ponendus lapide
|
Matins respons 2
|
Secundus in fabrica
sapphirus erigitur
coloris aerei
per quem spes innuitur
per quam a terrigeno
celum adipiscitur
|
Matins verse 2
|
Claudii spes elevatur
ad habendum quod speratur
|
Matins respons 3
|
Opus sancti fabricatum
consummat carbunculus
qui est virtus caritatis
qua sic christi famulus
ardens lucet quod hanc lucem
omnis stupet oculus
|
Matins verse 3
|
In ardore caritatis
ut iubar ethereum
pluit verbum veritatis
populo vas aureum
|
Matins antiphon 4
|
Cum invocat exauditur
claudius a domino
cuius voces exaudire
non differt in crastino
qui fideli deo fidem
servat sine termino
|
Matins antiphon 5
|
Verba supplicancium
auribus percipias
qui linguas infancium
ad laudandum expias
ora te laudancium
ad laudes aperias
|
Matins antiphon 6
|
Domine rex
quam admirabilis
cuncta moves
manens immobilis
in nos labens
in te non labilis
|
Matins respons 4
|
In tribus catholicis
virtus circulatur
quattuor politicis
circulus quadratur
ut a septenario
numquam moveatur
|
Matins verse 4
|
Sic septem virtutibus
claudius ornatur
sic ornatus spiritu
septeno firmatur
|
Matins respons 5
|
Latere non poterat
virtutum lucerna
que succensa fuerat
a luce superna
clamat gestus hominis
quod sub ala numinis
lateant interna
|
Matins verse 5
|
Ne cum dina corrumpantur
sichemorum macula
sensus omnes castigantur
discipline ferula
|
Matins respons 6
|
Cor claudii purpuratur
dum cruoris memoratur
christi morientis
candet byssus castitatis
rubet coccus caritatis
aaron vestimentis
|
Matins verse 6
|
Hiacynthus intexitur
tamquam verus testis
quod claudius civis sit
patrie celestis
|
Matins antiphon 7
|
Domine qui in tuo
vivunt tabernaculo
eis es in requie
eis in umbraculo
tu eos inebrias
voluptatis poculo
|
Matins antiphon 8
|
Domine in virtute
tua vir letatur
qui dum adhuc viveret
in te letabatur
cui mundi leticia
nihil videbatur
|
Matins antiphon 9
|
Domini sunt omnia
celum terra mare
qui cuncta de nihilo
potuit creare
qui dissona consonis
voluit ligare
|
Matins respons 7
|
Plebis pondus sustinet
super umerali
iuste iudex iudicat
vi racionali
talum tangit poderis
opere finali
|
Matins verse 7
|
Ornant frontem lamina
signum puritatis
sonant tintinnabula
verbum veritatis
|
Matins respons 8
|
Non est nostre paupertatis
nec humane facultatis
referre miracula
quibus virtus deitatis
testis sancti sanctitatis
illustravit secula
|
Matins verse 8
|
Mors et morbus admirantur
quod sic signa dominantur
|
Matins respons 9
|
Ad te locum graciarum
grate mentis non ignarum
iesu bone lacrimarum
revertuntur flumina
quibus tibi supplicamus
ut viventes sic vivamus
quod post vitam teneamus
tecum celi culmina
|
Matins verse 9
|
Tu claudii precibus
a tuorum mentibus
sua tergas crimina
|
| |
Lauds antiphon 1
|
Christi iugum
claudius teneris
adulescens
portavit umeris
virtutibus
se iungens superis
minorat se
tamen pre ceteris
|
Lauds antiphon 2
|
A convalle lacrimarum
ad celi fastigium
ponit gradus graciarum
implorans auxilium
huius vite ne viarum
declinet in invium
|
Lauds antiphon 3
|
Iste pastor
dignus memoria
virga cuius
fugatur bestia
vita cuius
occidit vicia
finis cuius
finit in gloria
|
Lauds antiphon 4
|
Quanti sanctus sit nominis
mortui testantur
qui utriusque hominis
morte tenebantur
nam claudii meritis
multi suscitantur
|
Lauds antiphon 5
|
Ad laudandum celi regem
cohortemur nostrum gregem
clament cordis gemitus
te bonorum creatorem
te donorum largitorem
laudet omnis spiritus
|
Lauds (gospel) special antiphon
|
Benedictus oriens
dator vere lucis
qui pro nobis moriens
cruciatu crucis
cecis lumen attulit
baculum caducis
o rex regni glorie
qui claudium hodie
ad regnum reducis
fac nos eius precibus
tam votis quam vocibus
sic tibi placere
ut datum pauperibus
regnum in celestibus
possimus habere
|
| |
2nd Vespers (gospel) special antiphon
|
Suum suscepit puerum
memor misericordie
pater post verba verberum
sicut ad patres patrie
predixerat sic hodie
transfert ad thronum glorie
suorum patrem pauperum
quem sicut venam venie
rogamus ut in posterum
simus ei memorie
|
| |
Vespers antiphon .a1
|
Gaude sion ornata tympano (-)/ |
Vespers antiphon .a2
|
Ceci vident currunt claudi
et valent paralytici
demon cedit salus redit
surgunt epilentici
salvat sanos egros sanant
summi manus medici
|
Vespers antiphon .a3
|
Qui prece qui merito
tot auxiliaris
caritatis debito
nobis tenearis
ut nos more solito
tuos tuearis
|
Vespers Q .a1
|
Chorus hymnum plaudat christo
claudii sollemnio
cuius virga profugatur
somnifera belua
vita cuius extirpantur
feda mundi scelera
cuius finis in eterna
coronatur gloria
quam sigillo presignavit
summus pater luminum
quam propriam orbi natus
et cruore proprio
agnus sibi fecit crucis
crudeli ludibrio
ergo pastor o benigne
plebi prece subveni
ut vivamus vita functi
cum beatis civibus
det felices nos futuros
christus qui gaudebimus
super pacem tuam
|
| |
Matins respons .a1
|
Sub nodis cilicii
corpus expers vicii
domat vir beatus
viget in vigiliis
pinguescit ieiuniis
iugis cruciatus
|
Matins verse .a1
|
Se sui carnificem
ante summum iudicem
offert maceratus
|
Matins respons .a2
|
Sublimatus in pastorem
urbis bisuntine
onus gerens non honorem
ut cherubim glorie
plus ignescit in saporem
gustus sapiencie
|
Matins verse .a2
|
Maior factus ex minore
minor manet in maiore
|
| |
Compline (gospel) special antiphon .a
|
O claudi presul christi
tua prece fac nos sisti
summi regis ante thronum
ex quo prodit omne bonum
|
full office name: