| |
| |
Matins I
|
Iubilantes adoremus
christum regem martyrum
collaudantes veneremur
martyrem christophorum
|
Matins antiphon 1
|
Christophorus gentilibus
oriundus parentibus
fonte lotus iusticie
ritus liquit perfidie
|
Matins antiphon 2
|
Obscuro stella micuit
spineto rosa floruit
hec verbi nitens radio
illa rubens martyrio
|
Matins antiphon 3
|
Erat martyr exaudit dominus
virga frondet flos prodit comminus
per virtutem tanti miraculi
convertuntur gentiles populi
|
Matins antiphon 4
|
Rex timore correptus concidit
martyr verbum salutis edidit
predicanti tyrannus restitit
nec accepto vir dei destitit
|
Matins antiphon 5
|
Quadringentos equites
hostis plectit gladio
sed coronat martyres
christus celi solio
mira compensacio
morti transitorie
datur retribucio
permanentis glorie
|
Matins antiphon 6
|
Hostis instat blande movens
vi dominans ac preponens
tormentorum supplicia
martyr prestat in agone
spe mercedis et corone
firma mentis constancia
|
Matins respons 1
|
Florens flos roseus
de spinis surgit acutis
egris corporibus
fundens unguenta salutis
|
Matins verse 1
|
Splenduit in tenebris
stella micans celebris
|
Matins respons 2
|
Orat christophorus dat frondes virgula florem
mundicie confert populis baptisma decorem
|
Matins verse 2
|
Dum maculas culpe
unccio delet aque
|
Matins respons 3
|
Instat rex dagnus
rex non rex immo tyrannus
perstat christophorus
martyr christi preciosus
|
Matins verse 3
|
Eque blandicias
despicit atque minas
|
Matins respons 4
|
Rex equites gladio quadringentos iugulavit
sed deus omnipotens animas super astra locavit
spiritui vitam carnis nece mucro paravit
|
Matins verse 4
|
Carnem mucro ferit
spiritus astra petit
|
Matins antiphon 7
|
A tortore comprehensus
christi martyr est extensus
tormentis crudelibus
caritate sed succensus
celo tendit mentis sensus
intentis luminibus
|
Matins antiphon 8
|
Perstans pie voto mentis
ad tormenta de tormentis
raptus tractus ceditur
penis pene dum succedunt
carnem torquent carnem ledunt
nec mens constans flectitur
|
Matins antiphon 9
|
Vincla carcere exhibentur
sed in lucem commutantur
carcerales tenebre
meretrices adhibentur
mente casta refrenantur
carnales illecebre
|
Matins antiphon 10
|
Aquilina cum niceta
corde puro fide freta
insultant demoniis
pede deos conculcando
piis christo predicando
resultant preconiis
|
Matins antiphon 11
|
Tandem post varia
martyr supplicia
telis exponitur
sed licet aspera
crebrescant vulnera
nequaquam vincitur
|
Matins antiphon 12
|
Fidelis et eximii
cursum finit martyrii
martyr confossus lancea
hic precepturus bravium
ubi cetus fidelium
vite coronat laurea
|
Matins respons 5
|
Martyr christophorus
sub diro certat agone
mente spes firmat spe
certitudo corone
|
Matins verse 5
|
Corpus torquetur
mens pia fixa manet
|
Matins respons 6
|
Diris ac variis
lacerato corpore penis
carceris
excipitur premiturque catenis
pro fidei cultu
leto fert omnia vultu
|
Matins verse 6
|
Arma gerens fidei
decertat amore tropei
|
Matins respons 7
|
Ut blandimentis
pereat constancia mentis
rex seductrices
adhibet sancto meretrices
sed stimulos carnis
vicit devocio cordis
|
Matins verse 7
|
Confligunt pariter
hinc deus inde venus
|
Matins respons 8
|
Que fax multorum
quondam fuerant viciorum
fiunt catholice
modo religionis amice
post iuguli penam
vite meruere coronam
|
Matins verse 8
|
Corda deo mactant
et viliter idola tractant
|
Matins (gospel) special antiphon
|
Christophorus dei martyr despiciens mundum et terrena triumphans (-)/ divicias celo condidit ore manu
|
Matins respons 9
|
Ponitur ad signum
configitur undique telis
afficitur corpus
intendit mens pia celis
|
Matins verse 9
|
Vulnera crebrescunt
et viscera nuda patescunt
|
Matins respons 10
|
Lancea vibratur
qua renum summa geratur
prosternit lictor
martyr petit ethera victor
|
Matins verse 10
|
Victima grata deo
memorando digna tropeo
|
Matins respons 11
|
Martyris orat opem
vexante dolore tyrannus
qui fuit ante lupus
modo fit mitissimus agnus
|
Matins verse 11
|
Mox se curatum
sentit deflendo reatum
|
Matins respons 12
|
Stella micans celis
radios spargit meritorum
ne quibus in terris
medicamen prodit egrorum
sacra deus sacer confert
medicamina stelle
ipsius et meritis
morbos pestemque repelle
|
Matins verse 12
|
Qui bene purgantes
famulos super astra coronas
et fieri notos
pia per miracula donas
|
| |
Lauds antiphon
|
Passionem gloriosi martyris christophori
plebs devota recollat devocione memori
qui pro fide christiana pugnavit viriliter
mundi reges et mundana superavit fortiter
|
Lauds (gospel) special antiphon
|
Benedictus dominus
quo reguntur omnia
quo martyr christophorus
coronatur gloria
martyr transfer famulos
ad eandam gloriam
frequentes ac sedulos
ad tui memoriam
|
| |
Prime antiphon
|
Tandem passus innumera
tormentorum genera
arce locandus supera
transfertur in ethera
|
Terce antiphon
|
Dolor regis verabat oculum
salus datur ad sancti tumulum
rex percepto tanto miraculo
baptizatur cum suo populo
|
Sext antiphon
|
Ad sepulchrum martyris
claudis gressus redditur
atque paralyticis
salus restituitur
et cecus illo veniens
domum videns remeat
loquitur regrediens
qui mutus advenerat
|
Nones antiphon
|
Eius ergo die festo
chorus noster letus esto
martyris opem precare
laudans deum venerare
|
| |
2nd Vespers (gospel) special antiphon
|
Magnificet dominum festiva phalanx populorum
qui mare tenet atque qui terras regit et coveram populorum
christophorum celis hodie qui glorificavit
quem variis signis in terris magnificavit
?Coveram [alt: ?]
|
full office name: