full office name: CHRISTINUS cum fratribus (n1)
edition: AH 25 #69
eccles:Calmald
calendar:November 12
structure summary: Vespers: A5RE
Matins: secular
Lauds: A5E
2nd Vespers: E
poetic forms: Vespers: oOoio{il}.i
Matins: l.off{ol,vo,il}ovl{il,lx,o}ioi{io,vi,o}
Lauds: nio3.v
2nd Vespers: .l [”q]
type of saint: martyr
geographical information:Poland
notes:martyr
Persons: Henricus Barnabas Salomonis Sara Mezko
Places: Polonie Bohemia Polonia Boleslavia Israelite

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Illis horis et momentis
dum polleret sacre mentis
deo gratus imperator
henricus christi zelator
quini extiterunt fratres
exemplares pii patres
Vespers antiphon 2
Nullum dolum sencientes
inter mundi diras sentes
de partibus
polonie
nobis transmittis domine
Vespers antiphon 3
Barnabas hic erat senus
qui devocione plenus
licet penas non sit passus
tamen christum semper fassus
Vespers antiphon 4
Isti sancti martyres
lucerne sunt et lampades
virginum sapiencium
in sponsa christi degencium
Vespers antiphon 5
De supernis illis cura
se libabant mente pura
christo suo munda tura
Vespers respons
Gratuletur bohemia
de pia polonia
hos viros sanctos advexit
regnum presens hos allexit
letetur tota vicinia
gaudeat boleslavia
fovens hec sacra corpora
Vespers verse
Per fratrum suffragia
consequamur regna etherea
Vespers (gospel) special antiphon
Adest dies venerabilis
cunctis et laudabilis
in filiis salomonis
qui munus benediccionis
a christo perceperunt
pro penis quas sustinuerunt
ab impiis latronibus
hos sic magnificat dominus
 
Matins I
Adest enim sollemnitas
fratrum beatorum
gaudium et exultacio
irrorent nostrum chorum
Matins antiphon 1
Cetus iste monachorum
non stetit in consilio impiorum
sed nulli cedens turbini
mansit in lege domini
Matins antiphon 2
More canum fremuerunt
fratres persequendo
sed ad celos perduxerunt
hos nesciendo
Matins antiphon 3
Isti filii hominum
gravi erant corde
dum presentes martyres
privant omni sorde
Matins respons 1
Hirta vestis non est pestis
in vere humilibus
rex celestis verax testis
exemplum dat martyribus
Matins verse 1
Veste cum abiecta
penetrabis celestia tecta
Matins respons 2
Isti muti sunt locuti
presente tantum hospite
et sic tuti sunt secuti
christum iusto tramite
Matins verse 2
Hi de multis tacuerunt
et se stultos estimaverunt
Matins respons 3
O laudabilis et rara
vita acceptabilis atque cara
dum carne domant spiritum
fulgent ergo fide clara
ut fecunda fecit sara
generando gaudium
Matins verse 3
Vitam si queris
fixam sursum mediteris
Matins antiphon 4
Clamorem tu intellige
rex regum pie domine
et vocem oracionis
ut iungamur celi thronis
Matins antiphon 5
O quanta vis dulcedinis
iure tui nominis
qui per universas terras
sedas cunctas mortis guerras
Matins antiphon 6
In tuo tabernaculo
habitabunt sedulo
anime iustorum
erepte de cede impiorum
Matins respons 4
Religio christiana
cum universa gente sana
istos fratres contempletur
ut exemplum cunctis detur
per quod christus glorificetur
Matins verse 4
Exemplo fratrum
tergat deus omnem reatum
Matins respons 5
Ad honorem et decorem
ierusalem celestis
laus sonora et decora
incitetur mestis
ut sic grati adiuvati
nostris adsint festis
Matins verse 5
Civitas ierusalem
tunc edificatur
cum in virtutibus
hic firmiter statur
Matins respons 6
Magno digni sunt honore
qui sanctorum pio more
vitam mundi contempserunt
stolas suas hi laverunt
in cruore regis magni
ut iungantur cene agni
Matins verse 6
Ecce veri israelite
iuncti christo vere vite
ubi locum tenent rite
Matins antiphon 7
Crumena nostra
non indiges domine
sed conserva
nos sperantes in te
eripiens nos
a mortis tempore
Matins antiphon 8
Hec pia generacio
iuncta celi palacio
in quo mortis privacio
cunctorum est salvacio
Matins antiphon 9
Multum verber latronum
hos transvexit ad regna polorum
eorum sanctis precibus
nos salvet sanctus dominus
Matins respons 7
Audiens hec pius dux
mezko quod fidei lux
polleret in his fratribus
piis congaudent actibus
solvi cupivit a reatibus
se iungens his sanctis patribus
Matins verse 7
Crumenam his presentabat
et se totum commendabat
Matins respons 8
Morte licet moriantur
hi devoti martyres
non a christo separantur
sed ad christi proceres
adiunguntur coronati
gaudent semper laureati
inter celicos cives
Matins verse 8
Visi sunt oculis
stultorum decedere
sed nunc ovantes rutilant
stellato sidere
Matins respons 9
Prima noctis vigilia
adfuit manus inimica
more canum seviebat
censum ducis repetebat
Matins verse 9
Quem barnabas deportabat
qui facta fratrum attrectabat
 
Lauds antiphon 1
O deus omnipotens
qui excedis omne ens
qui solus tantum es potens
per te salvetur nostra gens
Lauds antiphon 2
O sapiencie
magnum genus et prudencie
solum deum adorare
in adventum eius stare
Lauds antiphon 3
O adonai domine
qui istis sanctis hodie
victoriam contulisti
et ad celos transvexisti
Lauds antiphon 4
O benedicta gloria
in fratrum hic memoria
dum cantant benedicite
mundi regnum abicite
Lauds antiphon 5
Omnes virtutes celorum
lustrent semper nostrum chorum
ut terrenis mitigatis
paradisi iungamur pratis
Lauds (gospel) special antiphon
More canum tunc stridebant
impii carnifices
dum hos fratres repetebant
in portum crucifices
exemplum hic martyribus
dat benedictus dominus
 
2nd Vespers (gospel) special antiphon
Beatorum martyrum
celebrantes sollemnia
perduc rex celorum
ad gaudia perennia
et quos pro tua
veneramur gloria
nobis horum apud te non desit
quesumus memoria