full office name: CESARIUS (n1)
edition: AH 18 #16
calendar:August 27
structure summary: Vespers: RE
Matins: secular
Lauds: A5
2nd Vespers: E
poetic forms: Vespers: {v}.v
Matins: v.v3{v3}v3{vg,vo,vo}v3{v3}
Lauds: v5
2nd Vespers: .v [”]
type of saint: bishop
geographical information:Arles, France
notes:bishop
Persons: Cesarii Cesarium Cesarius Firmino
Places: Eonii Arelatis Lirinorum Ravennatis Arelatensem Arelatensis

By clicking on the icon you can search for offices within the corresponding category.

Here you find the raw text from the LMLO file

 
 
Vespers respons
Splendida totum per orbem
refulget sollemnitas
diei quam patris almi
transitus cesarii
decoravit quaque iunctus
est choris angelicis
Vespers verse
Huius tanti fulti patris
nunc beatis precibus
iucundemur in hac die
cum supernis civibus
Vespers (gospel) special antiphon
Gaudium anni reduxit
magnum nobis orbita
cum cesarium excepit
celorum sublimitas
quo deus unus perducat
nos beata trinitas
 
Matins I
Adoremus regem regum
christum dei filium
qui secum provexit sanctum
hodie cesarium
civium ad supernorum
splendidum consorcium
Matins antiphon 1
Post sanctissimi excessum
presulis eonii
mox cesarius sepulchri
raptus de latibulo
electusque est a cuncto
arelatis populo
Matins antiphon 2
Huius sancti viri erat
radix devotissima
moribus et fide satis
floruit prosapia
quod nobilitatis certe
est exemplar celsius
Matins antiphon 3
Cumque septimi annorum
scilicet curriculo
sanctus foret iam tegimen
suum clam cesarius
offerebat sepe nudus
manens indigentibus
Matins respons 1
Vir fuit dilectus deo
nomine cesarius
admirande sanctitatis
existens a puero
cuius ortus a personis
extitit clarissimis
Matins verse 1
Sacra namque mox in eo
ab ipsis cunabulis
christi gracia iuvante
excrevit religio
Matins respons 2
O virum vere beatum
cuius nempe animum
non visus neque auditus
quiverat avertere
a celestium bonorum
dulcissimo nectare
Matins verse 2
Cuius erat mens intenta
gaudiis perennibus
nec ab eis vel momento
sequestrata extitit
Matins respons 3
Cumque vir domini missus
foret in exilium
casus venit ut flagraret
ipsa urbs incendio
populique conclamarent
sancte nobis subveni
Matins verse 3
Atroces flammarum globi
dum sevirent improba
turba supplex invocabat
domnum mox cesarium
Matins antiphon 4
Cum discuteretur verbis
mox parentum asperis
suis quid de vestimentis
nudus manens gesserit
at ipse sibi sublata
refert a viantibus
Matins antiphon 5
Ipse sacra nitens iussa
exequi iam omnia
cuncta mundi blandimenta
respuit ac terrea
lirinorumque sanctorum
expetit consorcia
Matins antiphon 6
Spiritus nequam ingressus
quendam satis miserum
per os eius clamitabat
post beatum sic virum
o cesari nolo vadas
illuc quo tu properas
Matins respons 4
Tunc misertus presul christi
conclamantis populi
se ignivomo furori
concitus opposuit
incumbens oracioni
solo flexo poplite
Matins verse 4
Mox ut terre genuflexit
vires mirabiliter
ignium extinxit
Matins respons 5
Igitur comperta princeps
atque rex nefarius
innocencia beati
presulis cesarii
poscit supplex ut ad suam
redeat ecclesiam
Matins verse 5
Tanto redeunti patri
civibus ab omnibus
comitiva materiis
et cereis occurritur
Matins respons 6
Christi dum confessor almus
apud aulam regiam
moraretur ravennatis
misertus est vidue
filium que nuper functum
eiulabat unicum
Matins verse 6
Nam cum hec diu iaceret
eius ad vestigium
mox orando suscitavit
vivumque matri reddidit
Matins antiphon 7
Tunc sanctus miseratus
mox bibendi poculo
benedicto porrecto+que
curat a demonio
id quod eius referente
cognitum est comite
Matins antiphon 8
Sanctus mox ut necti quivit
monachorum cuneis
cepit eminere cunctis
in virtutum actibus
et qui instruendus venit
perfectus apparuit
Matins antiphon 9
Tunc directus est medendo
a patre sanctissimo
ad urbem arelatensem
viro illustrissimo
nomine firmino nempe
ac christianissimo
Matins respons 7
Cum iam sol occubuisset
declinans ad vesperum
viro dei ad altare
presentatur mulier
que cum spumo ac stridore
eiulabat iugiter
Matins verse 7
Tunc sanctus solo prostratus
in oracionibus
omnem vim demoniorum
mox ab ea depulit
Matins respons 8
Quidam puer clari viri
ac simul patricii
ab immundo vexabatur
spiritu frequencius
quem vir dei consecrato
unctum sanat oleo
Matins verse 8
Ita liberatus puer
est a nequam spiritu
ut ultra eum tentare
nequaquam presumeret
Matins respons 9
Cuiusdam arelatensis
ministri ecclesie
filia gravi languore
iacebat premortua
pro qua vir dei oravit
patri sanam reddidit
Matins verse 9
Sic illa muta manebat
iam puella triduo
ut nec ore loqui posset
cernere nec oculis
 
Lauds antiphon 1
Cumque iam exitus sui
cerneret per spiritum
diem proximum se vehi
iussit in cenobium
ipse quod patrarat dudum
ad opus virgineum
Lauds antiphon 2
Convocatis mox ancillis
christi quod audierat
consolatur ne movere
suus eas transitus
debeat quod se patronum
scirent apud dominum
Lauds antiphon 3
Cui nos o pater sancte
desolatas deseris
quibus ille non vos ait
benedicte desero
sed pro vobis rogaturus
ad christum accelero
Lauds antiphon 4
Cuncta nunc simul creata
benedicant dominum
tantum qui nobis patronum
dedit in perpetuum
cuius meritis iuvari
senciamus iugiter
Lauds antiphon 5
Laudet celum laudet terra
deum laudent omnia
conditorem in beati
transitu cesarii
quem christus nobis patronum
conferat perpetuum
 
2nd Vespers (gospel) special antiphon
Ita nos amicus dei
faciat cesarius
celebrantes interesse
festivis presentibus
gaudiis quod mereamur
perfrui perennibus