full office name: CATHARINA of Sweden (n2)
edition: AH 45 #54
calendar:March 22
structure summary: Vespers: E
Matins: secular-
Lauds: A5E
poetic forms: Vespers: .v
Matins: o.v3{vg,v,v}vvo{vp,vo,v}vvo{o,vp}
Lauds: ovovo.v [”]
died:1381
type of saint: abbess virgin
geographical information:SVadstena, Scandinavia
notes:abbot or abbess
virgin / feria 5
Persons: Catharina Catharinam Catharine Tordonis Eghardus
Places: Sueciam Tibris Romana

By clicking on the icon you can search for offices within the corresponding category.

Here you find the raw text from the LMLO file

 
 
Vespers (gospel) special antiphon
O beata sponsa christi
catharina meruisti
apud regem angelorum
suscitatrix mortuorum
fieri quam plurium
felix tui depressio
superbis fit repressio
et robur humilium
tu pro nobis virgo pia
roga regem omnium
ut donet vera gaudia
presens post exilium
 
Matins I
Regi christo iubilantes
laudum per insignia
exultemus venerantes
catharine sollemnia
Matins antiphon 1
Nata virgo catharina
regalis prosapie
rara continencie
mox refulsit gracia
Matins antiphon 2
Catharina puellula
flagellata demonibus
in amore radicata
christi stat robustius
Matins antiphon 3
Adulta virgo nubilis
duci desponsatur
quem sanctis suis monitis
castum christo lucratur
Matins respons 1
Facto voto castitatis
sponsa sponsus pariter
sub aspectu deitatis
mundum ludunt fortiter
spreta spe posteritatis
deo vivunt dulciter
Matins verse 1
Carnem sub cilicio
iugiter premebant
precibus ieiunio
semper insistebant
Matins respons 2
Dum sic ambo continenter
christum colunt sedulo
urget demon fraudulenter
cadere proposito
hinc in sanctos impudenter
fratrem movet odio
Matins verse 2
Nam dum frater observavit
horum castimoniam
quasi stultos obiurgavit
exprobrans ignaviam
Matins respons 3
Sancte matris et avorum
sequitur vestigia
romam petit ut sanctorum
veneretur limina
et ut christi passionem
recolat intimius
terre sancte regionem
visitat devocius
Matins verse 3
Sicut quondam patriarcha
dereliquit propria
sic maritum catharina
spreta liquit patria
Matins antiphon 4
Postquam virgo catharina
exul rome habitat
matrem piam comitata
sancta loca visitat
Matins antiphon 5
A maligno est tentata
coniugis memoria
quem mox deus ad beata
celi duxit gaudia
Matins antiphon 6
Maria matri reserat
quam felix eius filia
quod pauper facta spreverat
opes cum mundi gloria
Matins respons 4
Quidam comes inflammatur
veneris incendio
ab hoc sancta postulatur
iungi matrimonio
at repulsus comes nocte
abditur in vineis
ut hanc raptet facto mane
sed privatur oculis
Matins verse 4
Apertis comes oculis nihil videbat ad manus autem illum trahentes introduxerunt ad sanctam catharinam qua orante cum matre pro eo confestim cecidit caligo ab oculis et visum recepit
Matins respons 5
Virgo christi passionem
cogitabat sedulo
semper sponsi unionem
affectabat serio
ut referret talionem
ex affectu intimo
Matins verse 5
Querit iesum toto corde
eius mortem cum merore
tractat fundens omni die
lacrimas pro sanguine
Matins respons 6
Matris ossa virgo pia
dum defers in sueciam
ne errares hac in via
stellam habes previam
cuius luce deo duce
recta petis patriam
Matins verse 6
Quot perversi sunt conversi
sacris tuis monitis
quot infirmi sunt curati
precibus et meritis
Matins antiphon 7
Quanto sese deprimebat
humilis nobilitas
tanto magis elucebat
nobilis humilitas
Matins antiphon 8
Quando tibris alte suum
superabat alveum
grave rome civitati
minitans exicium
hec rogata tactu pedum
dimovet imperium
Matins antiphon 9
Sicut cenobitas fugit
suis votis non contentos
catharina sic diligit
factis votis delectatos
Matins respons 7
Tordonis manum presulis
post mortem virgo comprimit
hoc ut fidelem subditis
impendat curam innuit
quem vivens iuvit gracia
in romana curia
pro confirmanda infula
Matins verse 7
Quod viva verbis precibus
exemplo zelo monitis
post mortem fecit nutibus
sic salus facta plurimis
Matins respons 8
Post labores hic completos
vocaris ad premium
in amplexus sponsi letos
properas et gaudium
gaudet terra plaudit celum
sidus mittens lucidum
quod ad tui stetit promptum
funeris obsequium
Matins verse 8
Stella quam viderant viri timorati cum aliis luminaribus in aere antecedebat funus usque dum veniens staret supra ubi sacrum pignus conditum fuit
 
Lauds antiphon 1
Sicut ioseph et maria
eghardus et catharina
carnali sine copula
casta fuerunt lilia
Lauds antiphon 2
Devota meditacio
preces et ieiunia
iugis humi cubacio
erant horum media
quibus pellebant vicia
sequamur hec vestigia
Lauds antiphon 3
Pompam despexit vestium
non sequens morem principum
hinc oculis nobilium
ipsius vestis lacera
divinum per miraculum
putatur prestantissima
Lauds antiphon 4
Ab ancillis obiurgata
gaudens fert ludibria
a vicinis damnis lesa
reddit beneficia
Lauds antiphon 5
O catharina filia
non cedis matri mortua
miraculorum gracia
sancta mater felix nata
nobis per vestra merita
celi donentur gaudia
Lauds (gospel) special antiphon
Gestant reges et magnates
corporis exuvias
multis modis student omnes
tangere reliquias
eius sanctos imitantes
mores simus humiles
ut pro nobis fundat preces
deprecemur supplices