| |
| |
Vespers antiphon 1
|
Letare sion filia
iucunda fac tripudia
catharine sollemniis
que viduarum speculum
erat contemnens seculum
iam fruens celi gaudiis
|
Vespers antiphon 2
|
Hec a sancta propagine
processit propagata
servato eius ordine
vivebat deo grata
|
Vespers antiphon 3
|
Pia mater iam puellam
devota exercicia
docet mentemque tenellam
ad sanctorum servicia
|
Vespers antiphon 4
|
Saram natam raguelis
sancte vivens sequitur
eius christo mens in celis
placere disponitur
|
Vespers antiphon 5
|
Nate birgitte laudibus
devote persistentes
harum christe nos precibus
fac tecum congaudentes
|
Vespers respons
|
O patrona catharina
infirmorum medicina
pupillorum baculus
peccatorum a ruina
trahis sana cum doctrina
fulgens ut carbunculus
signis certis sanctitatis
que demonstrant cum beatis
esse te in gloria
|
Vespers verse
|
Confer mater pietatis
prece luce claritatis
frui post exilia
|
Vespers (gospel) special antiphon
|
O suecorum advocata
catharina sociata
christo eternaliter
clara sede collocata
celi dote coronata
sponsum videns iugiter
prava queque perpetrata
prece dele cum beata
deprecando dominum
ut donet desiderata
bona sanctis assignata
post hunc vite terminum
|
| |
Matins I
|
Celi regem adoremus
pro catharine gloria
ut eidem corregnemus
in angelorum curia
|
Matins antiphon 1
|
Miris donis hanc ornavit
dei beneficio
quando roma desudavit
pietatis studio
|
Matins antiphon 2
|
Artus suos atterebat
arta penitencia
a delictis se cavebat
vite innocencia
|
Matins antiphon 3
|
Virtus dei mirabilis
in sancta ostenditur
dum aquarum fluxibilis
meatus regreditur
|
Matins respons 1
|
Radix bona stirpes rectus
deo vivensque dilectus
profert ramum floridum
in virtute castitatis
fructu sancte caritatis
pietate roridum
|
Matins verse 1
|
Dum parentes gignunt natam
catharinam deo gratam
vas virtutum splendidum
|
Matins respons 2
|
Hec pietatis studia
cernens matris felicia
in etate tenera
his edocta sic profecit
quod in vita semper fecit
caritatis opera
|
Matins verse 2
|
Et decrevit miserorum
puro corde languidorum
relevare onera
|
Matins respons 3
|
Viro iusto copulata
virgo mansit preservata
divina clemencia
caste servans suum torum
disciplina sancta morum
operante gracia
|
Matins verse 3
|
Quorum mentis pravitatem
carnis motus pronitatem
vicit pudicicia
|
Matins antiphon 4
|
Omnem virtutis graciam
ab intus occultavit
datori reddens gloriam
se nihil estimavit
|
Matins antiphon 5
|
Hec pravorum insultibus
existens tribulata
diffusis piis precibus
ad christum est salvata
|
Matins antiphon 6
|
Portas sion ingreditur
hec digne peregrina
dum materna perfruitur
sanctorumque doctrina
|
Matins respons 4
|
Sub magistri disciplina
fervens semper ad divina
rome fuit subdita
supplicare in conclavi
depulsato somno gravi
nocte christo solita
|
Matins verse 4
|
Contemplando iam ardebat
peccatorumque deflebat
versa vice debita
|
Matins respons 5
|
Pollens vite sanctitate
deflet vultus venustate
sicut esther nobilis
caritate radicata
firma fide spe beata
fuit matri similis
|
Matins verse 5
|
Christo passo est devota
ipsum amans mente tota
verbis factis humilis
|
Matins respons 6
|
Sancta loca et sanctorum
visit rome usu morum
matrisque solacio
fert insultus vultu grata
tyrannorum sed servata
dei beneficio
|
Matins verse 6
|
In se semper confidentes
iuvat christus castas mentes
dum surgit vexacio
|
Matins antiphon 7
|
In templo vacat precibus
ut phanuelis anna
informans actus legibus
divinis ut susanna
|
Matins antiphon 8
|
Quem colebat iam regnantem
cernit in celestibus
ipsam scimus hunc laudantem
cum sanctorum cetibus
|
Matins respons 7
|
Mors mariti revelatur
matri nate demandatur
non redire patriam
iussu christi paret leta
labores et inconsueta
captat per leticiam
|
Matins verse 7
|
Christo sponso deservire
studet carnis motus ire
ferreque molestiam
|
Matins respons 8
|
Christi languens in amore
ierusalem cum sudore
transivit hec domina
iesum passum lacrimatur
ore terram osculatur
offerens precamina
|
Matins verse 8
|
Sed cum esset deo grata
cuncta ei sunt donata
clementer peccamina
|
Matins respons 9
|
Vas virtutum forma morum
catharina populorum
castitatis lilium
rosa rubens caritatis
bonum sancte paupertatis
amans dei filium
|
Matins verse 9
|
Posce mater et patrona
graciarum nobis dona
civium celestium
|
| |
Lauds antiphon 1
|
Stola prima est induta
mortis sue tempore
de secunda multum tuta
que fiet in corpore
|
Lauds antiphon 2
|
In torrente molendini
puer casu cecidit
per hanc pater et vicini
salvum ipsum recipit
|
Lauds antiphon 3
|
Cecis claudis debilibus
iuvat suis meritis
solamen confert tristibus
in merore positis
|
Lauds antiphon 4
|
Libertate destitutis
velox dat suffragium
et adepta vi salutis
benedicunt dominum
|
Lauds antiphon 5
|
Pro nobis christo supplica
patrona pietatis
ut mereamur celica
gustare cum beatis
|
Lauds (gospel) special antiphon
|
Hec est sensata femina
digne vocata domina
terrena respuendo
christo sponso deserviens
ecclesie obediens
seipsam annullando
carnem mundum suppeditans
christum deum magnificans
perversa detestando
hinc contingunt miracula
inter gentes per secula
ipsam sanctificando
|
| |
2nd Vespers (gospel) special antiphon
|
Vale robur debilium
virtutum fragrans lilium
mestorum medicina
precatu placa filium
dei ferens auxilium
o mater catharina
te collaudat fidelium
cetus sperans suffragium
culparum a ruina
ut post presens exilium
ipsum ducas ad gaudium
degustando divina
|
full office name: