| |
| |
Vespers antiphon
|
Virginem catharinam maximis
hodie veneremur laudibus
que meritis pollens amplissimis
vite fuit exemplar omnibus
unde sertis ornata plurimis
in supernis refulget sedibus
|
Vespers (gospel) special antiphon
|
Que sub divo
patre dominico
iussa celi
complevit omnia
comitante
cetu angelico
alta poli
conscendit atria
digna virgo
quam dulci cantico
rite pie
colit ecclesia
|
| |
Matins I
|
Quem catharina pio
semper dilexit amore
nos regem christum summo
veneremur honore
|
Matins antiphon 1
|
Lumen senensis patrie
hec sacra virgo domini
multum adiecit glorie
predicatorum ordini
|
Matins antiphon 2
|
Claris orta natalibus
religione predita
magnis aucta virtutibus
vita florebat inclita
|
Matins antiphon 3
|
Cum solo pane vescitur
celestis alimonie
fama per orbem spargitur
ingentis sanctimonie
|
Matins respons 1
|
Salvatoris nostri clemencia
sororum decoravit ordinem
sub arta vite penitencia
digne per catharinam virginem
cuius ampla refulget gracia
late per omnem mundi cardinem
|
Matins verse 1
|
Stella celi hec orta seculis
lumen prebet salubre populis
|
Matins respons 2
|
Virgo fortis in sexu fragili
tutum salutis iter eligit
et christum mente sequens humili
carum gracie manus attigit
cum amore fragrat mirabili
penas sponsi ferre quem diligit
|
Matins verse 2
|
Nam toti mundo salutifera
in se christi suscepit vulnera
|
Matins respons 3
|
Ad instar puri nitens speculi
orbem tetris purgat a viciis
omni carens labe piaculi
summi regis potitur nupciis
post preciosi pignus annuli
|
Matins verse 3
|
Nos suis ducat meritis
ad celi domicilium
que sertis floret inclitis
stans ante christi solium
|
| |
Lauds antiphon 1
|
Alma virgo catharina
verbo potens et opere
luce fruitur divina
semper felix in ethere
|
Lauds antiphon 2
|
Que recte christum coluit
amore semper intimo
hec exaltari meruit
honore celi maximo
|
Lauds antiphon 3
|
Plena fruentem copia
celestes alunt nupcie
quam diva pavit hostia
miro cum fructu gracie
|
Lauds antiphon 4
|
Pro flagris tunc asperrimis
et duro ferri cingulo
bonis gaudet uberrimis
nunc in perenni seculo
|
Lauds antiphon 5
|
Divino laudes nomini
dantur cum trinam lauream
accepit sponsa domini
aulam scandens etheream
|
Lauds (gospel) special antiphon
|
Hec sponsa clarissima
que signa faciens potissima
sepe morbos sanavit plurimos
et feroces demulcens animos
pacis dedit federa gentibus
nos suis salvet dignis precibus
|
| |
2nd Vespers (gospel) special antiphon
|
Sororum gemma penitencie
catharine decus etrurie
que dono christi regis omnium
diadema suscepit hodie
nos consortes reddat fruencium
caritate perennis glorie
|
| |
Lauds (gospel) special antiphon .o
|
Lux effulgens matutina
salubris cura populi
det nos frui catharina
eterna pace seculi
|
| |
2nd Vespers (gospel) special antiphon .o
|
Felix virgo catharina
mente nitens et corpore
nos preservet a ruina
extremo vite tempore
|
| |
Matins I
|
Christum regem regum
supplices adoremus
qui immortali gloria
virginem senensem
dotavit catharinam
|
full office name: