| |
| |
Vespers antiphon 1
|
Triumphanti concordando
militans ecclesia
catharine clara colat
festa cum leticia
|
Vespers antiphon 2
|
Hec producta ex grecorum
radice florigera
venustate vernat morum
etate sub tenera
|
Vespers antiphon 3
|
Quam in flore iuventutis
florem mundi spernere
flos tocius spes virtutis
suo fecit munere
|
Vespers antiphon 4
|
Huius factus est amator
forme sponsus virginum
in conflictu conservator
in triumpho premium
|
Vespers (gospel) special antiphon
|
Tange lyram sona laudes
digne namque tota gaudes
grecorum provincia
per quam coli hierarchia
nova gaudet harmonia
catharina socia
quam hac die laude plena
celi vexit ad amena
celestis milicia
|
| |
Matins I
|
Convenite iubilemus
agno sine macula
catharina cui plaudit
turba cum iuvencula
|
Matins antiphon 1
|
Flores hortus dat conclusus
diversorum generum
quas in hortum transplantandos
producit ethereum
|
Matins antiphon 2
|
In hoc horto flos excrevit
mire pulchritudinis
orbem terre qui replevit
odore dulcedinis
|
Matins antiphon 3
|
Novo florens in virore
sub novella plantula
crescit tacta celi rore
candens sine macula
|
Matins antiphon 4
|
Hec est illa catharina
costi regis filia
rosam vincens per odorem
per candorem lilia
|
Matins antiphon 5
|
Que colendo deum verum
carnis in se iacula
trucidavit exponendo
corpus ad pericula
|
Matins antiphon 6
|
Minas sprevit hec tyranni
virtute constancie
iura legis infidelis
in annis infancie
|
Matins respons 1
|
Gemma greca catharina
costi regis filia
spe consurgens in divina
hec contemptibilia
sprevit nolens in ruina
querere stabilia
|
Matins verse 1
|
Florem mundi
contemnit florida
virgo florere
gliscens in gloria
|
Matins respons 2
|
Cogit cesar christi servos
libare demonibus
sed tyranni virgo iussa
voce damnat libera
|
Matins verse 2
|
Sevit hostis innocentes
perimens atrociter
|
Matins respons 3
|
Argumenta catharine
fulta legis et doctrine
sane testimonio
deum non concludi fine
probant menti nec ferine
satisfacit racio
|
Matins verse 3
|
Non enim corpus
peccans nec anima
fit sapiencie
sedes malevola
|
Matins respons 4
|
Virgo flagellatur
crucianda fame relegatur
carcere clausa manet
lux celica fusa refulget
fragrat odor dulcis
cantant celi agmina laudes
!Fragrat [alt: ?]
|
Matins verse 4
|
Sponsus amat sponsam
salvator visitat illam
|
Matins antiphon 7
|
Penas mortis hec elegit
morte mortem superans
in se totam se collegit
soli deo militans
|
Matins antiphon 8
|
Ex regali stirpe nata
regem regum coluit
cui mente copulata
tota iungi studuit
|
Matins antiphon 9
|
Sponsi fervens in amorem
penas non extimuit
penam ferens graviorem
quod dilecto caruit
|
Matins antiphon 10
|
Predicante catharina
verbis et miraculis
cum porphyrio regina
fit in fide stabilis
|
Matins antiphon 11
|
Furit cesar et utramque
crudeli martyrio
vita privat temporali
coniuncto porphyrio
|
Matins antiphon 12
|
Martyr ut oravit
gladium subit ethera scandit
sponsus honorque datur
cum christo deliciatur
|
Matins respons 5
|
Sponsa christi gloriosa
gaudet inter verbera
nulla movent hanc promissa
nec terrent supplicia
|
Matins verse 5
|
Caritate vulnerata
tendit ad celestia
|
Matins respons 6
|
Christus sanctam tenebroso
reclusam ergastulo
miro satis atque blando
confortat eloquio
|
Matins verse 6
|
Salve virgo benedicta
quam christi presencia
|
Matins respons 7
|
Gaudet martyr in tormentis
sponsum gerens pure mentis
clausum armariolo
etsi panis huic doloris
detur tamen de amoris
potatur alveolo
|
Matins verse 7
|
Sevit lupus
trux in oviculam
in pullum milvus
grus in aviculam
|
Matins (gospel) special antiphon
|
Deo nostro sit iucunda
decoraque laus qui munda
corda replet gracia
qui divisa maris unda
viam suis per profunda
pandit ad celestia
|
Matins respons 9
|
Surge virgo et nostras
sponso preces aperi
tua vox est dulcis
in aure domini
que pausas
sub umbra dilecti
ab estu mundi
transfer nos
ad amena paradisi
|
Matins verse 9
|
Pulchre sion filia
pro mortali tunica
agni tecta vellere
et corona glorie
|
Matins respons 10
|
Ense ceso virginali
collo signo speciali
sponsam sponsus virginum
inter sponsas honoravit
lacte vulnus cum manavit
rose iungens lilium
|
Matins verse 10
|
Pape serta catharina
cum ornatu vario
cumulata portat trina
fructu centenario
|
Matins respons 11
|
O christi pietas
o virtus atque potestas
virginis ex membris
sacri fluit unda liquoris
unde fides egris
infundit dona salutis
|
Matins verse 11
|
Virginis ob meritum
manet hoc memorabile signum
|
Matins respons 12
|
O mater nostra
ter sancta quaterque beata
cum prece devota
famulantum suscipe vota
|
Matins verse 12
|
Iam christo iuncta
sponsoque tuo sociata
|
| |
Lauds antiphon
|
Regnans regnat dominus
mundo factus comminus
carnis per materiam
catharinam virginem
qui per luctam celebrem
transvexit ad patriam
|
Lauds (gospel) special antiphon
|
Benedictus dominus
omnis creature
ultra cursum filius
virginis nature
catharinam virginem
hodie secure
qui locat post prelium
triumphi dum gaudium
dat vite future
|
| |
Prime antiphon
|
Ave virgo gloriosa
clarior sideribus
cuius vultum et decorem
concupivit dominus
funde preces creatori
pro tuis supplicibus
|
Terce antiphon
|
Ave gemma claritatis
ad instar carbunculi
ave rosa paradisi
more fragrans balsami
catharina virgo felix
gloriosa meritis
assistentes tuis festis
celi iunge gaudiis
!Fragrans [alt: ?]
|
Sext antiphon
|
Expecto pro te gladium
iesu rex bone
tu meum da
paradiso spiritum
et fac misericordiam
meam agentibus memoriam
|
Nones antiphon
|
Quod sitivit contemplatur
contemplando delectatur
delectando fruitur
et fruendo saciatur
saciata non gravatur
dum sitit quo pascitur
|
| |
2nd Vespers (gospel) special antiphon
|
Virgo decus mundi
species fidei gemebundi
te petimus te pulsamus
te corde rogamus
gemma tui sexus
peccati solvito nexus
|
full office name: