| |
| |
Vespers (gospel) special antiphon
|
Inclita sancte virginis
catharine sollemnia
suscipiat alacriter
sancta mater ecclesia
ave virgo deo digna
ave dulcis et benigna
obtine nobis gaudia
que possides cum gloria
|
| |
Matins I
|
Adoretur virginum rex
in seculorum secula
virgini qui catharine
contulit celestia
|
Matins antiphon 1
|
Virgo sancta catharina
grecie gemma
urbe alexandrina
costi regis filia
|
Matins antiphon 2
|
Specie corporis decora
nimis enituit
sed fide pulchrior
sponso superno placuit
|
Matins antiphon 3
|
Traditur ergo a patre
doctoribus precipuis
imbuenda
litteralibus studiis
|
Matins respons 1
|
Nobilis et pulchra
virgo catharina puella
flagrat amore dei
sprevit vaga gaudia mundi
|
Matins verse 1
|
Cui rex carne pater
fuerat reginaque mater
|
Matins respons 2
|
Martyrium siciens
libamina cesaris horrens
exclamat christum
preter quem nil venerandum
|
Matins verse 2
|
Demoniis plena
sunt hec ait idola muta
|
Matins respons 3
|
Hec quinquagenos
oratores superatos
dirigit ad celos
aurum velut igne probatos
|
Matins verse 3
|
Efficiens testes
fidei quos pertulit hostes
|
Matins antiphon 4
|
Cum adhuc esset in annis
virgo puerilibus
caris orbata parentibus
mundi renunciavit opibus
|
Matins antiphon 5
|
Maxencius instat impius
dum idolorum cultibus
puella voce libera
hec sunt clamat demonia
et iesum te christe solum
prebet canos virgineum
|
Matins antiphon 6
|
Cesar electos convocat
rhetores et grammaticos
adversus illam disputaturos
quos vincens virgo
fidem christi docuit
et martyres deo
dignos exhibuit
|
Matins respons 4
|
O quam felices
per te sanctissima plures
quos iubet occidi
pro christo turbidus hostis
|
Matins verse 4
|
Cum duce porphyrio
fit martyr cesaris uxor
|
Matins respons 5
|
Impius hanc cesar
sisti iubet ante tribunal
hanc ut pervertat
sicut draco vel leo certat
|
Matins verse 5
|
Illa manet constans
nec blanda nec aspera curans
|
Matins respons 6
|
Virgo flagellatur
crucianda fame relegatur
carcere clausa manet
lux celica fusa refulget
fragrat odor dulcis
celi dant agmina laudes
!Fragrat [alt: ?]
|
Matins verse 6
|
Sponsus amat sponsam
salvator visitat illam
|
Matins antiphon 7
|
Gloriosam virginem
tyrannus imperat
excruciandam fame
in carcerem retrudi
cui escam per columbam
facit christus ministrari
|
Matins antiphon 8
|
Illa deo dum agit gracias
in tenebris lux emicat
fragrat odor vincens balsama
adest concio angelica
lacero corpori celestia
adhibens medicamina
!Fragrat [alt: ?]
|
Matins antiphon 9
|
Cum cetu virgineo
adveniens salvator
sponsus sponsam pie visitat
consolatur et roborat
constans esto ait filia
tecum ego sum ne paveas
|
Matins respons 7
|
Horrendo
subdenda rotarum machinamento
virgo deum clamat
de celis angelus astat
ecce repentinam
dant plebs roteque ruinam
|
Matins verse 7
|
Tamquam chaldeis
quondam fornax babylonis
|
Matins respons 8
|
Percussa gladio
dat lac pro sanguine collo
quam manus angelica
sepelivit vertice sina
|
Matins verse 8
|
Membris virgineis
olei fluit unda salubris
|
Matins respons 9
|
O mater nostra
ter sancta quaterque beata
cum prece devota
famulantum suscipe vota
|
Matins verse 9
|
Iam christo iuncta
sponsoque tuo sociata
|
| |
Lauds antiphon 1
|
Passionem gloriose
virginis catharine
plebs celebret fidelis
que sui memores deo
commendat precibus
et iuvat beneficiis
|
Lauds antiphon 2
|
Post plurima supplicia
martyr sancta
ad decollandum est ducta
ad celum manus oculos
tendens collum pro iugulo
orans dat gloriam deo
|
Lauds antiphon 3
|
Expecto pro te gladium
iesu rex bone tu meum
da paradiso spiritum
et fac misericordiam
meam agentibus memoriam
|
Lauds antiphon 4
|
Vox de celo insonuit
veni dilecta mea veni
intra thalamum sponsi tui
que postulas impetrasti
pro quibus oras salvi erunt
|
Lauds antiphon 5
|
Quia devotis laudibus
tui memoriam recolimus
virgo o beata catharina
ora pro nobis quesumus
|
Lauds (gospel) special antiphon
|
Benedictus dominus
rex celestis
qui per merita beate
catharine virginis
medelam languidis
prestat sanitatem corporis
ipsius oleo
feliciter unctis
|
| |
2nd Vespers (gospel) special antiphon
|
Prudens et vigilans virgo
qualis es cum sponso tuo
qui te elegit de mundo
quam pulchra quam mirabilis
quanta luce spectabilis
inter sion iuvenculas
et ierusalem filias
thalamo gaudens regio
coniuncta dei filio
|
| |
Vespers antiphon .a1
|
Virginis eximie
catharine martyris alme
festa celebrare
da nobis rex pie christe
|
Vespers antiphon .a2
|
Hec mundum spernens
et mundi florida ducens
pro nihilo veram
studuit cognoscere vitam
|
Vespers antiphon .a3
|
Cepit amare deum
totumque relinquere mundum
celica mente petens
et christo semper adherens
|
Vespers antiphon .a4
|
Hanc pius in propriam
sibi christus sumere sponsam
dignatus celi
provexit ad atria summi
|
Vespers antiphon .a5
|
Iam christi thalamum
scandit catharina beatum
iuncta suo sponso
pro quo tulit aspera mundi
|
Vespers antiphon .a6
|
Gratulemur in honore
catharine virginis
que divino plena rore
non curans propaginis
toto mentis in ardore
sprevit culpas criminis
|
Vespers antiphon .a7
|
Virgo prudens anhelavit
ad sedem sideream
ubi locum preparavit
linquens orbis aream
granum sibi reservavit
ventilando paleam
|
Vespers antiphon .a8
|
Disciplinis est imbuta
puella celestibus
nudum nuda est secuta
certis christum passibus
dum mundanis est exuta
vacuis honoribus
|
Vespers antiphon .a9
|
Opes mentis preelegit
quibus totam se subegit
sub carnis victoria
nexus mundi fortes fregit
nec cum mundo quidquam egit
mundi carens gloria
|
Vespers antiphon .a10
|
Virgo deo decorata
fidei signaculo
et in monte collocata
divino miraculo
nos expellas vita grata
mortis ab umbraculo
ut in summi sit purgata
regis habitaculo
|
Vespers antiphon .a11
|
Honor unitati trine
trinitati unice
in his festis catharine
voto detur supplici
|
Vespers antiphon .a12
|
Orta stirpe nobili
sponsum legit nobilem
christo sponso humili
se desponsans humilem
|
Vespers antiphon .a13
|
Felix nupta
felices nupcie
cuius est dos
flos pudicicie
torus quies
eterne glorie
sponsus rector
celestis curie
|
Vespers antiphon .a14
|
Ad clamorem
in nocte media
christo sponso
exit hec obvia
fert vas plenum
olei copia
nupciarum
intrat palacia
|
Vespers antiphon .a15
|
Tuis ergo catharina
nupta regi iam regina
poscimus sollemniis
tua festa celebrantes
interesse convivantes
fac nos tuis nupciis
|
Vespers antiphon .a16
|
Ave gemma claritatis ad instar carbunculi
ave rosa paradisi more fragrans balsami
catharina virgo felix gloriosa meritis
assistentes tuis festis celi iunge gaudiis
|
Vespers respons .a1
|
Felix regina
virgo prudens catharina
sponsi celestis
verax invictaque testis
nobis indignis
precibus succurre benignis
|
Vespers verse .a1
|
Ut pietas christi
cuius regnum meruisti
nos a peccatis
mundet iungatque beatis
|
Vespers (gospel) special antiphon .a1
|
Voce cordis et oris
in laudem summi redemptoris
consurgat omnis fidelis
cuius mediante gracia
martyr et virgo catharina
facto clamore hora matutina
exivit obviam christo sponso
qui sedet super cherubim
cuncta videns in absconso
ferens sertum rose et lilii
cum triumpho martyrii
evasit minas tortorum
o beata virgo ora
iugiter pro reatibus
supplicum tuorum
|
Vespers (gospel) special antiphon .a2
|
Ave sidus matutinum
solaris lucis vicinum
ave summi regis cella
mire claritatis stella
ave naufragantum portus
fons signatus clausus hortus
ave martyr catharina
pia nostra medicina
sume preces te precantum
assis votis supplicantum
duc regina nos ad regem
rege fove tuum gregem
ut possimus te iuvante
corregnare cum regnante
|
| |
Matins antiphon .a2
|
Hec dominum celi
contemplans mente fideli
respuens errorem
mundi blandientis amorem
|
Matins antiphon .a3
|
Membra redemptoris
fidei maxencius hostis
undique cedebat
gladius per cuncta furebat
|
Matins antiphon .a5
|
Non cedens monitis
mactatur verbere mitis
carcere damnatur
nec virgo sic superatur
|
Matins antiphon .a6
|
Cesar ut invictam
penitus vidit catharinam
ut leo crudelis
iubet hanc discerpere penis
|
Matins respons .a7
|
Christus sanctam tenebroso
reclusam ergastulo
miro satis atque magno
confortat alloquio
|
Matins verse .a7
|
Salve virgo benedicta
quam christi presencia
|
Matins respons .a8
|
Angelus interea
descendit virgo beata
ne timeas inquit
non te pia gracia linquit
|
Matins verse .a8
|
Confortans teneram
michael splendore puellam
|
Matins respons .a9
|
Corpus virgineum
christi venerabile templum
monte sina angelico
conditur obsequio
|
Matins verse .a9
|
Purus in etherea
cum sanctis spiritus aula
|
Matins antiphon .a7
|
Cum cetu virgineo adveniens salvator
sponsus sponsam pie visitat
consolatur et roborat
constans esto ait tecum ego sum nihil paveas
|
Matins antiphon .a8
|
Virginis ex oleo
quod manat corpore sancto
certa medela datur
morbi genus omne fugatur
|
Matins antiphon .a9
|
Ave virgo speciosa clarior sideribus
cuius vultum ac decorem concupivit dominus
funde preces creatori pro tuis supplicibus
|
Matins respons .a10
|
Virgo prudens et electa
dei sapiencia
oratorum argumenta
vicit et versucias
|
Matins verse .a10
|
Ab angelo confortata
plena dei gracia
|
Matins respons .a11
|
Surge virgo et nostras sponso preces aperi
tua vox est dulcis in aure domini
que pausas sub umbra dilecti
ab estu mundi
transfer nos ad amena paradisi
|
Matins verse .a11
|
Pulchre sion filia
pro mortali tunica
agni tecta vellere
et corona glorie
|
Matins respons .a12
|
O christi pietas
o virtus atque potestas
virginis ex membris
sacri fluit unda liquoris
unde fides egris
infundit dona salutis
|
Matins verse .a12
|
Virginis ob meritum
manet hoc memorabile signum
|
| |
Lauds antiphon .a1
|
Decollata martyre inclita
lac manat de cervice candida
in testimonium
virginalis innocencie
gloria tibi virginum
amator domine
|
| |
2nd Vespers (gospel) special antiphon .a1
|
Beate corpus virginis
sepultum est ab angelis
in vertice montis sina
celum conscendit anima
in sponsi tui thalamo
perenni fruens gaudio
sancta virgo catharina
pro nobis iugiter ora
|
full office name: