full office name: CATERVUS (n1)
edition: AH 45 #17
calendar:October 17
structure summary: Vespers: A5E
Matins: IA3R3.A3R3.A3R3.R3
Lauds: A5E
2nd Vespers: E
poetic forms: Vespers: vo4.l
Matins: v.vlv{o,v,v}vlf{o3}o3{v,o,o,v,v,v}
Lauds: v4o.o
2nd Vespers: .o [”]
type of saint: confessor
geographical information:Tolentino, Italy
notes:confessor
Persons: Catervus Caterve Catervi Catervo Catervum
Places: Tolentini

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Miles in christi curia
catervus militavit
ex qua magna stipendia
ad eum reportavit
Vespers antiphon 2
Armis pugnare didicit
celestibus in prelio
in quo triumphum habuit
cum claritatis bravio
Vespers antiphon 3
Vexillum defert principis
ornatum christi sanguine
per quod honorem militis
adeptus est victorie
Vespers antiphon 4
Ora pro nobis dominum
miles caterve inclite
et salva tuum populum
de tenebris miserie
Vespers antiphon 5
In conflictu bellancium
pater caterve miseriis
mundi carnis et demonum
nobis succurre miseris
Vespers (gospel) special antiphon
O nobilis protector
plebis tolentini
caterve miles inclite
per quem semper divini
auxilii iuvamen
sentimus in adversis
conserva nos in pace
consolamen da mestis
et pie duc ad patriam
christi regni celestis
 
Matins I
Laudetur christus dominus
in hac die iucunda
qua vota tibi reddimus
catervi sancti munda
Matins antiphon 1
Hic vir in lege domini
mirifice plantatus
dedit fructum dulcissimum
in via veri status
Matins antiphon 2
Preceptum dei predicans
catervus cum fervore
est in monte domini
collocatus cum sonore
Matins antiphon 3
Querens pacem persequitur
eam profuso corde
et in virtute moritur
sic absque ullo sorde
Matins respons 1
Catervus iste prelians
adversus mundi vicia
non terretur sed glorians
cum bellat de victoria
quam habuit et iubilans
tenet superna premia
Matins verse 1
Mundum carnem suppeditans
et zabulorum prelia
vexillum christi baiulans
vincit mundana crimina
Matins respons 2
Per bona temporalia
transivit sic beatus
quod non amisit premia
eterna hic fundatus
enim erat et gracia
altissimi locatus
Matins verse 2
Et ideo in gloria
cum immensa leticia
est digne coronatus
Matins respons 3
Labentis vite gaudia
despexit miles christi
hic catervus ut premia
posset habere iusti
regis et transitoria
reliquit mundo tristi
Matins verse 3
Et ideo in gloria
domine magna munera
eidem contulisti
Matins antiphon 4
Invocantem hunc dominus
virum sanctum audivit
quem in pace constituit
et plene exaudivit
Matins antiphon 5
Benedixisti domine
catervo tuo viro
quem voluntatis tue
coronasti scuto miro
Matins antiphon 6
Super opera manuum
constituisti domine
hunc famulum tuum
catervum mirifice
Matins respons 4
Plebem commissam protege
tibi caterve nobilis
que sub tuo regimine
defendatur in preliis
et ditari iuvamine
sperat de celi gaudiis
Matins verse 4
Remove cuncta mala domine
amore huius militis
Matins respons 5
Per te sumat precamina
nostra christus piissimus
et auferat nunc crimina
a nobis ipse dominus
caterve tua gracia
tuere nos divinitus
Matins verse 5
Et nobis celi gaudia
cum virtutum victoria
impetra pater celitus
Matins respons 6
Placa prece altissimum
ne puniat iustissime
nos qui multorum criminum
gravamur magno pondere
et nobis fer auxilium
in ultimo examine
Matins verse 6
Nos sub tuum presidium
confugimus ut dominum
roges pater piissimum
pro nobis miles inclite
Matins antiphon 7
Iustus et pius dominus
iustum dilexit famulum
de quo habent superius
angeli magnum gaudium
Matins antiphon 8
In tuo tabernaculo
habitavit hic beatus
deus qui est iusticiam
veraciter operatus
Matins antiphon 9
De precioso lapide
coronatus in gloria
catervus cuius hodie
recolimus sollemnia
Matins respons 7
Gaudeamus in domino
hoc festum celebrantes
omnes cum magno iubilo
christum regem laudantes
et cum ingenti gaudio
viva voce cantantes
Matins verse 7
Ut ab omni periculo
catervi patrocinio
nos defendat precantes
Matins respons 8
Pro terrenis celestia
lucratur hic sanctissimus
pro caducis et premia
meretur miles inclitus
eterna et in gloria
locatus hic divinitus
Matins verse 8
Et sic superna gaudia
per seculorum secula
adeptus est superius
Matins respons 9
Regis eterni famulus
plaudit in eius curia
catervus miles inclitus
cui donantur munera
celi et stat superius
in angelorum patria
Matins verse 9
Hic est miles egregius
quem coronavit dominus
in paradisi gaudia
Matins respons 10
Supra petram firmissimam
erat enim fundatus
ideo vitam propriam
despexit hic beatus
nunc autem est in patriam
lucis clare translatus
Matins verse 10
Possidetque leticiam
et infinitam gloriam
in celo collocatus
Matins respons 11
Dedit catervo dominus
virtutes operare
qui sanat egros sepius
et claudos ambulare
facit iste sanctissimus
et cunctos sanat clare
Matins verse 11
Et si rogatur cicius
paratus est sanctissimus
petita gratis dare
Matins respons 12
Ortus hic ex prosapia
nobili prefectorum
ornatur et milicia
civium romanorum
nunc sequitur consorcia
militum supernorum
Matins verse 12
Quem susceperunt agmina
in paradisi gloria
sanctorum angelorum
 
Lauds antiphon 1
Lucis decorem induit
altissimus catervum
quem in celo constituit
ut vivat in eternum
Lauds antiphon 2
Rutilat hic in gloria
deo cui servivit
et tenet nunc in patria
que oculus non vidit
Lauds antiphon 3
Deus deus altissime
hic ad te vigilavit
et verbo tue gracie
catervus meditavit
Lauds antiphon 4
Benedicunt te angeli
christe et de catervi
festo gaudent archangeli
et cuncti tui servi
Lauds antiphon 5
Laudem dicit altissimo
in paradisi gloria
et orat hic pro populo
suo in christi patria
Lauds (gospel) special antiphon
Respice nos et visita
pater caterve famulos
et duc ad christi patriam
tuos fideles subditos
 
2nd Vespers (gospel) special antiphon
Confugimus cottidie
ad te caterve nobilis
nostras preces nunc suscipe
conserva nos in prosperis
ac mala cuncta remove
a nobis tuis famulis