full office name: CALOYRUS (n1)
edition: AH 24 #67
calendar:June 18
structure summary: Vespers: A5RE
Matins: secular
Lauds: A5E
2nd Vespers: E
poetic forms: Vespers: o4q{vo}.v
Matins: o.ivi{iv,v,v}vvo{v,g,v}o3{vf,vo,qv}
Lauds: vioii.v
2nd Vespers: .l [”q]
type of saint: hermit
geographical information:.Sicily, Italy
notes:hermit
Persons: Caloyrus Caloyrum Caloyre Caloyro
Places: Sicilia Siciliam Siculorum Grecia Siculi Siac

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Caloyrus preelectus
a deoque iam dilectus
bene doctus litterarum
atque structus divinarum
Vespers antiphon 2
Puer bonus se ornavit
virtuteque decoravit
mundus numquam violavit
nec vicium cum fedavit
Vespers antiphon 3
Ieiuniisque deditus
oracioni traditus
bis ternis est hebdomada
pane contentus et aqua
Vespers antiphon 4
Christi semper contemplando
passionem et plorando
iesum ardet is amando
cui se vovit monachando
Vespers antiphon 5
Iustusque dominus
dilexit equitatem
caloyrus (-)/ odit iniquitatem
Vespers respons
Surrexit papa obviam
presenciens legatum
caloyrum siciliam
venturum celo datum
ut frangeret nequiciam
qua celum est stupratum
Vespers verse
Mortem querit spontaneam
ut pandat christi gloriam
valde gratam
Vespers (gospel) special antiphon
O pie pater caloyre
qui claros in superbia
eiectos iam de gloria
meruisti devincere
tolle pacis obstaculum
para nobis gaudium
ut mereamur pergere
ad vite solacium
 
Matins I
Christo regi confessorum
plebs concinat fidelium
almi senis meritorum
in te laudis preconium
Matins antiphon 1
Celi dono decoratur
caloyrus ab infancia
die ac nocte meditatur
in fidei noticia
Matins antiphon 2
Precepta dei predicans
hic missus apostolicus
miraculis coruscans
egenorum medicus
Matins antiphon 3
Voce clamans coniuravit
vir senex egregius
adversantes effugavit
ipsos ligando forcius
Matins respons 1
Summus pontifex caloyro
dat clavis potestatem
hic christi sanctus famulus
eligitur pre aliis
ut premat feritatem
Matins verse 1
Ut siculorum populis
a demonum fallaciis
capiat libertatem
Matins respons 2
Novum sidus emicuit
amore summo fervidum
speculum sanctitatis
miris diversis claruit
lumen vite splendidum
monstrans viam salutis
Matins verse 2
Languentibus hic profuit
medicamen dans validum
vir magne claritatis
Matins respons 3
Gaude tu mater grecia
lustrata tanto lumine
pudentis almi nati
dei repleti gracia
cuius potenti nomine
demones sunt fugati
Matins verse 3
Exultet nunc sicilia
in huius patris numine
siculi sunt salvati
Matins antiphon 4
In pace cum christo manens
sublimatus premio
hic vana mundi repellens
christi adhesit vestigio
Matins antiphon 5
Precare nunc caloyre
quem corde dilexisti
ut mereamur pergere
ad vitam quam petisti
Matins antiphon 6
Caloyrus iam meruit
dei montem ascendere
qui demones non metuit
signo crucis devincere
Matins respons 4
Caloyrus obsequio
parat dei se totum
corpus artat ieiunio
expellens hostis motum
renunciatque proprio
emittens caste votum
Matins verse 4
Intrat nemus cum gaudio
vescitur herbis prandio
renuens vini potum
Matins respons 5
Siac dum ingreditur
senex iste servulus
iesu cito creditur
quem his predicabat
crucis hoc signaculo
sanat dei famulus
multos in hoc seculo
demon quos gravabat
Matins verse 5
In fide perficitur
totus siac populus
menteque suscipitur
crux hic quam docebat
Matins respons 6
Infans senescit moribus
transcendens viam veri
a laqueis hostilibus
ut possit se tueri
instat et semper precibus
vitam querens mereri
Matins verse 6
Carnis dimissis patribus
qui aperit pulsantibus
exquirit inherere
Matins antiphon 7
Letentur in te sperantes
christe et memoria
caloyrum venerantes
fac participes gloria
Matins antiphon 8
Nomen christi mirabile
senis precedens ore
destruendo terribilem
inimicum cum ultore
Matins antiphon 9
Ingressus sine macula
in hoc viator seculo
nunc fulget quasi facula
in summo tabernaculo
Matins respons 7
Crucis christi signaculo
demones coniuravit
solitudinis loculo
ac ipsos relegavit
ab omni periculo
populum liberavit
Matins verse 7
In sancto habitaculo
dominique oraculo
ipsum confirmavit
Matins respons 8
Locum istum ululantes
demones dimiserunt
vocem magnam illi dantes
a monte recesserunt
populique gratulantes
dominum laudaverunt
Matins verse 8
Ad quem ipsi convertentes
basilicam construentes
ibique adoraverunt
Matins respons 9
Felix mons atque patria
hoc ornata sidere
cuius tot ob prodigia
(-)/ perlustratur
grotta tota sicilia
senex fecit conscendere
infirmis sint remedia
qui sudando sanantur
Matins verse 9
Fugavit ac demonia
ipsa cuius per opera
patria plena gracia
mons sic sanctificatur
 
Lauds antiphon 1
Caloyrus mirificus
dono dei magnificus
ex opere monstratur
dum cunctos sanat languidos
faciens corde solidos
et fides ampliatur
Lauds antiphon 2
Mox ad montem ut applicuit
celesti dono preditus
velut sol perlustravit
de celo que iam corruit
catervam satane penitus
signo crucis fugavit
Lauds antiphon 3
Te rex sitivit luminum
hic infra vite terminum
cuius obtentu petimus
quem miserantem novimus
nunc glorians in pace
ut audias nos de luce
Lauds antiphon 4
Terra et pontus ethera
sedentem in patris dextera
exaltant omni laude
forti cuius potencia
nos hic perunctus gloria
protexit satan fraude
Lauds antiphon 5
Senes cum iunioribus
laudent dominum vocibus
in excelsis
cuius senex virtutibus
fit egris medicamen
fulgens in adversis
Lauds (gospel) special antiphon
Floruit sicut lilium
almus confessor inclitus
moribus et doctrina
nam hic ante septennium
dei virtute preditus
vixit sub disciplina
postponens omne premium
corrupcionis penitus
solum querens divina
 
2nd Vespers (gospel) special antiphon
Manus egris caloyrus
imponens imperavit
demonibus iam oppressis
iactans illos curavit
ab omnibus languoribus
ipsosque liberavit
priscis+que sanitatibus
cunctos instauravit