full office name: BRINOLPHUS (n1)
edition: AH 25 #64
calendar:February 06
structure summary: Vespers: A5E
Matins: secular
Lauds: A5E
2nd Vespers: E
poetic forms: Vespers: v5.g
Matins: v.v3{vp,vh,vp}vvo{vp3}v3{vp,vp,v}
Lauds: v5.v
2nd Vespers: .g [”q]
died:1317
canonized:1492
type of saint: bishop
geographical information:SSkara, Scandinavia
notes:bishop
Persons: Brinolphi Samuel Iosie Helenam Brinolphe
Places: Westgocia Suecia Westgotorum

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon 1
Brinolphi patris merita
laudando prosequamur
de vita cuius inclita
sectanda gratulamur
Vespers antiphon 2
Ab universis populis
rex regum collaudetur
quem grex preclari presulis
devote confitetur
Vespers antiphon 3
Ortus preclaro germine
iam scholis applicatur
scripture sacre flumine
potatus incrassatur
Vespers antiphon 4
Hic puer purus animo
virtutibus perfectus
cepit servire domino
pudicus simplex rectus
Vespers antiphon 5
Gaude felix westgocia
laudando salvatorem
qui talem sua gracia
tibi dedit pastorem
Vespers (gospel) special antiphon
O presul eximie
nihil omisisti
quod ad laudem cederet
matris iesu christi
tu scripture veteris
mella collegisti
texture mirabilis
modum invenisti
prose carmen aureum
dum intexuisti
ad tribunal iudicis
nos securos sisti
fac rogamus supplices
sis dux ut fuisti
 
Matins I
Concinentes adoremus
confessorum dominum
et constanter invocemus
brinolphi suffragium
Matins antiphon 1
Legem dei vir beatus
meditando iugiter
secus rivulum plantatus
fructum fecit dulciter
Matins antiphon 2
In virtutum montem scandens
velut tuba sonuit
legem dei plebi pandens
iniquos compescuit
Matins antiphon 3
Verbo vite gregem pavit
presidens salubriter
lupos arcet tamquam david
dimicans viriliter
Matins respons 1
Gemme iubar preciose
vita vicit presulis
qui doctrine radiose
lucem dedit seculis
viam vite fructuose
demonstrans discipulis
Matins verse 1
Super montem excelsum ascende tu qui evangelizas sion et clama in fortitudine
Matins respons 2
Ut samuel pro populo
preces fudit ad dominum
devotas incessanter
sic gregi sibi credito
deum facit propicium
pastor orans instanter
Matins verse 2
Multum enim valet deprecacio iusti assidua
Matins respons 3
Ut iosie memoria
dum in exemplum trahitur
fragrat ut sucus florum
sic huius viri gloria
suaviter diffunditur
ut odor pigmentorum
Matins verse 3
Iustus germinabit sicut lilium et florebit in eternum ante dominum
Matins antiphon 4
Invocantem exaudivit
deus suum famulum
linguam eius erudivit
ad docendum populum
Matins antiphon 5
Cinctus zona castitatis
sanctam vitam predicat
transgressores honestatis
iusta pena vindicat
Matins antiphon 6
Aqua sibi ter oblata
ter in vinum vertitur
sic est eum consolata
mater christi dum colitur
Matins respons 4
Dum stomachi doloribus
lentis quidem sed iugibus
vir iustus cruciatur
in multa paciencia
virtutis exercicia
portando gratulatur
Matins verse 4
Libenter gloriabor in infirmitatibus meis ut inhabitet in me virtus christi
Matins respons 5
Dum rex ipsum persequitur
fugam capit vir dei
constanter post revertitur
occurrit stagnum ei
ventorum vi repellitur
clamat ad fontem spei
Matins verse 5
Cum invocarem exaudivit me deus iusticie mee in tribulacione dilatasti mihi
Matins respons 6
Spes sancte fortitudinis
christus ei placatur
ventus cessavit turbinis
et aura grata datur
virtute sacri flaminis
cor regis mitigatur
Matins verse 6
Nolite tangere christos meos et in prophetis meis nolite malignari
Matins antiphon 7
Seva cedit discordia
rex sanctum veneratur
pax redit et concordia
sic regnum solidatur
Matins antiphon 8
Helenam sanctam viduam
quam presul invocavit
historiam per congruam
decenter honoravit
Matins antiphon 9
Divinum per suffragium
cecum illuminavit
petentesque divorcium
sagaciter pacavit
Matins respons 7
Tanti patris presulatum
lauda felix suecia
sacrum germen a te natum
comitare gracia
fac ut illum advocatum
habeas in patria
ne post huius vite statum
celi desint gaudia
Matins verse 7
Domine dilexi decorem domus tue et locum habitacionis glorie tue
Matins respons 8
O dei miseracio
vir sanctus precum studio
defunctos suscitavit
hos confitentes scelera
compunctos solvit dextera
quos deo commendavit
Matins verse 8
Qui educit vinctos in fortitudine similiter eos qui exasperant qui habitant in sepulchris
Matins respons 9
Fortis gigas in acie
loricam fers iusticie
brinolphe pastor pie
corroborans ad prelium
pias mentes fidelium
elide robur hostium
post cursum huius vie
Matins verse 9
Posce nobis sancte pater
graciarum munera
tua prece iesu mater
nos ducat ad ethera
 
Lauds antiphon 1
Servus prudens et fidelis
mole carnis posita
supra multa fit in celis
constitutus abdita
Lauds antiphon 2
Nos ad fontem graciarum
suis ducat meritis
ubi salus animarum
gustatur ex intimis
Lauds antiphon 3
Vigilavit diligenter
ad deum diluculo
vita verbo sapienter
lucem dedit seculo
Lauds antiphon 4
Magnificemus dominum
in suo confessore
nobis illum propicium
reddat pro suo more
Lauds antiphon 5
Sub nube stella tegitur
et tenebris velatur
sed populo lux oritur
dum mente serenatur
Lauds (gospel) special antiphon
Matutina stella luxit
dum errantem hic instruxit
et per viam vite duxit
sanctus presul populum
pastor pie roga regem
cuius tu zelasti legem
ut nos pascat suum gregem
donans vite poculum
 
2nd Vespers (gospel) special antiphon
Vale tu presidium
et spes westgotorum
tolle tuis precibus
quod est indecorum
dentes tunde baculo
rapaces luporum
ne grex ipse pereat
defectu pastorum
ante summum iudicem
causas correorum
constanter defendito
iure meritorum
si desperes vincere
non declina forum
immo nobis advoca
reginam celorum