| |
| |
Vespers antiphon
|
Festa pie brigide
devote prevenientes
christum laudemus
sollemni voce canentes
|
Vespers respons
|
Fulget dies hodierna
quam venustat lux hiberna
cuius lampas et lucerna
sede micat in superna
|
Vespers verse
|
In brigide festo
pia concio pervigil esto
|
Vespers (gospel) special antiphon
|
Iucundetur prole leta
virgo sion filia
quam cum rosis rubicundis
mire vernant lilia
quibus iuncta iam centenos
fructus metit brigida
que fallaces mundi nexus
mente sprevit rigida
|
| |
Matins I
|
Votum multimodas
et puri pectoris odas
auctori vite
fratres iubilare venite
|
Matins antiphon 1
|
Celi iure modulantur
brigide magnalia
cuius artus puerili
dum reguntur fascia
quod sit princeps regionis
diva prodit gracia
|
Matins antiphon 2
|
Vir a sponso commonetur
ut ancilla venumdetur
eius prole nam veretur
heres suus ut gravetur
|
Matins antiphon 3
|
Dum vomit ista cibos
magici signatur ei bos
qua sustentatur
vomica nec abinde gravatur
|
Matins respons 1
|
Celebremus concinentes
brigide magnalia
que illustri hibernorum
exorta prosapia
christo sue iuventutis
dicavit primordia
|
Matins verse 1
|
Prudentum metas
puerilis transvolat etas
|
Matins respons 2
|
Hanc ut regi pater vendat
curru vehit proprio
que miserta paupertatis
patrem privat gladio
quem offensum rex admirans
ense pacat alio
|
Matins verse 2
|
Sic ne mercetur
manus eius larga meretur
|
Matins respons 3
|
Fracto scypho septiformi
vir necandus rapitur
pro quo regem presul orat
et repulsam patitur
sed collectis hinc fragmentis
brigida consulitur
qua signante reformatur
vas et miser solvitur
|
Matins verse 3
|
Sic dum compescit
regem famosa nitescit
|
Matins antiphon 4
|
Pia virgo brith recepta
brigida hospicio
eius pedes aqua lavit
pietatis studio
quo egrotans virgo sana
redditur obsequio
|
Matins antiphon 5
|
Dum cibatur hec spectatur
super mensam satanas
contestatur hic et fatur
virginis insidias
que sanatur et sacratur
deo reddens gracias
|
Matins antiphon 6
|
Dumque fovet hec misellas
balnei obsequio
egrotantes hoc bis bini
sanantur officio
ceca videt lepra cedit
obsessa demonio
liberatur hec curatur
morbo paralytico
|
Matins respons 4
|
Consecrata virgo parit
et bron pater dicitur
negat insons mater instat
brigida consulitur
consignatur ore rea
tumens nec convincitur
sed parentem puer iussus
pandit et cognoscitur
|
Matins verse 4
|
Presul lactentis
datur insons ore loquentis
|
Matins respons 5
|
Hec impensas quas pararat
christi natalicio
has egenis erogavit
ex affectu solito
sed plebeus reparavit
queque sumptu regio
quod rex stupens hec dicavit
virginis obsequio
|
Matins verse 5
|
Liber signatur
plebeus dum famulatur
|
Matins respons 6
|
Huius equis captis fures
plena petunt horrea
quos laborant onustare
multa frugum copia
et dum sperant repedare
brigide tuguria
intrant atque subscructantur
et fatentur singula
|
Matins verse 6
|
Hi dum solvuntur
fruges brigide tribuuntur
|
Matins antiphon 7
|
Dumque turbe verbum vite
sereret patricius
tetro die nubes clara
lapsa patet celitus
cuius causam iussa pandit
brigida quantocius
dicens bustum hoc signari
presulis divinitus
|
Matins antiphon 8
|
Aqua plenum vas signatum
lapsum non conteritur
res stupenda sed nec aque
stillula dilabitur
at servata sacramentis
divinis infunditur
et perfusus quisque eger
hac saluti redditur
|
Matins antiphon 9
|
Vir insanus dum devote
occursaret virgini
iussis parens mox prorumpit
in hec verba domini
ama deum et amabunt
te reges et populi
et te christum venerantem
contremiscent singuli
|
Matins respons 7
|
Hec vix virgo vigilando
moram noctis impetrat
quem deluso sub lictore
pernox prece liberat
nam dum lictor ferit vinctus
brigidam vociferat
et mox liber et illesus
eam versus properat
|
Matins verse 7
|
Solvitur ecce reus
compungitur et basileus
|
Matins respons 8
|
Rex hanc multis ditans donis
benedici meruit
quem configens hostis ense
fugam clam arripuit
flent ministri quos confortans
rex sanus apparuit
sicque dextra consignantis
rege salvo claruit
|
Matins verse 8
|
Hec velut hortatur
rex hosti pacificatur
|
Matins respons 9
|
Presul hercus et hec virgo
herce montem adeunt
atque lassati ministri
arent et esuriunt
quos ut virgo docet quidam
cibi mox reficiunt
et effossa terra fontis
aquas iussi hauriunt
?Herce [alt: ?]
|
Matins verse 9
|
Ut iubet hec undas
dat tellus iussa profundas
|
| |
Lauds antiphon 1
|
Laudum vota plebs devota
brigide coniubila
et sonoris odis oris
vox transcendat nubila
|
Lauds antiphon 2
|
Hec leprosis ulcerosis
ut se lavent imperat
et hec unda carne munda
obsequentes liberat
et sanatum hec elatum
lepra recta ulcerat
|
Lauds antiphon 3
|
Hospites deliciari
coquam virgo precipit
que nihil quo obsonentur
in coquina reperit
sed hanc iussa scopis mundat
et orare incipit
in qua cibos hora sexta
dei dono suscipit
|
Lauds antiphon 4
|
Ad se turbe properanti
nocte silvis et erranti
huius prece lampas luxit
et ad edes hanc perduxit
et ut ipsa prophetavit
horum pedes aqua lavit
|
Lauds antiphon 5
|
Hec affectu pietatis
patrem suum visitat
huius edes comburendas
prima nocte predicat
et vix suis hinc eductis
furens hostis advolat
tecta cremat at sic virgo
se suosque liberat
|
Lauds (gospel) special antiphon
|
Redemptori israelis
benedicat plebs fidelis
cui soli virgo nupsit
cuius nobis dies luxit
que soluta carnis mole
iam virtutum in decore
sponsum suum contemplatur
et contemplans iucundatur
|
| |
2nd Vespers (gospel) special antiphon
|
Plebs in festo brigide
dominum magnificet
et exultans spiritu
modulos amplificet
qui effectos humiles
nos sibi gratificet
ac istius precibus
in celis glorificet
|
full office name: