full office name: BONITUS (n1)
edition: AH 13 #28
eccles:mon
calendar:January 12
January 15
structure summary: Vespers: AE
Matins: monastic.Q
Lauds: A5E
2nd Vespers: E
poetic forms: Vespers: i.i
Matins: l.v6{v,v,v,oi}v6{v4}.p{v,vl,v,v}`i'
Lauds: v5.v
2nd Vespers: .i [”q]
type of saint: bishop
geographical information:Clermont-F, France
notes:bishop
Persons: Bonite Boniti Bonitus Ieremias Marthe Marianam Bonito

By clicking on the icon you can search for offices within the corresponding category.

Here you find the raw text from the LMLO file

 
 
Vespers antiphon
Confessor domini bonite
astantem plebem corrobora
sancta intercessione
ut qui nostrorum
pondere premimur
tue beatitudinis
meritis sublevemur
et te duce eterna
premia consequamur
Vespers (gospel) special antiphon
In transitu incliti
patris boniti
celi nobilitantur gaudiis
et nos prosequamur laudibus
ave presul inclite
ave dei amice
concilia nobis regem nostrum
qui te nobis providit patrem pium
 
Matins I
Surgite demus ei laudes
quem laus decet omnis
per quem bonitus
bonitate fuit redimitus
Matins antiphon 1
Sanctus iste legi dei
insistendo floruit
vite fructus instar ligni
salutaris protulit
Matins antiphon 2
Sanctitatis in timore
servivit altissimo
cuius monte cum sanctorum
nunc gaudet collegio
Matins antiphon 3
Vana sprevit corde puro
ambiens celestia
templum dei salutare
factus atque hostia
Matins antiphon 4
Gloriose coronatur
tuus christe vernula
quia tibi voluntate
adhesit mundissima
Matins antiphon 5
Ore mente benedixit
christe tuo nomini
qui ubique populorum
haberis mirabilis
Matins antiphon 6
Equitatem amplectando
sectator iusticie
ad celorum tendens regna
migravit feliciter
Matins respons 1
Vir electus sanctitate
bonitus et nomine
genus altum quo processit
extulit egregie
Matins verse 1
Summi patris factus heres
adoptivus gracie
Matins respons 2
Matris alvo clausus infans
deo notus pontifex
ut sacerdos salutatur
a quodam pontifice
Matins verse 2
Velut alter ieremias
sacratus ab utero
Matins respons 3
Votis cunctorum favente
divina clemencia
ex prefecto insignitur
presulatus infula
Matins verse 3
Reddens deo que sunt dei
cesari que cesaris
Matins respons 4
Bonite christi confessor
audi rogantes servulos
et impetratam celitus
tu defer indulgenciam
Matins verse 4
O sancte bonite
sidus aureum
domini gracia
servorum gemitus
solita suscipe clemencia
Matins antiphon 7
Dolo caret sancti vita
veritate lucida
unde sion montis nactus
est nunc tabernacula
Matins antiphon 8
Cordis eius voluntatem
tribuisti domine
coronando eum digne
corona leticie
Matins antiphon 9
Innocentum iter sequens
animi mundicia
iacob scala ierusalem
nove scandit menia
Matins antiphon 10
Sequestratus a malignis
dignis vite moribus
eidem corregnat celo
cuius hesit laudibus
Matins antiphon 11
Supernorum iucundatur
concentu hymnidico
quem in terris promerendo
suspirabat animo
Matins antiphon 12
Arbor cedrus ut odora
fragrabat virtutibus
nocte die insistendo
divinis operibus
!Fragrabat [alt: ?]
Matins respons 5
Quidam claudus tactu sancti
presulis erigitur
et ex aqua lote manus
multis salus redditur
Matins verse 5
Erat enim pes lapsorum
infirmorum baculus
Matins respons 6
Hoste captos in eundo
signo crucis expiat
et credenti mulieri
absens lumen reparat
Matins verse 6
Fides enim faciebat
eum deo proximum
Matins respons 7
Matrona quedam manibus
pedibusque debilis
et privata luce solis
patentibus oculis
virum dei licet absens
fide plena peciit
et o mira christi virtus
subito convaluit
Matins verse 7
Lux refulsit valens membris
non nigrata extitit
sed patronum mox adiit
grates egit rediit
Matins respons 8
Miles christi gloriose
bonite sanctissime
tuo pio interventu
culpas nostras ablue
Matins verse 8
Ut celestis regni sedem
valeamus scandere
Matins (gospel) special antiphon
In sapiencia dei semper moratus est sacer presul bonitus ideo bona illius stabilita sunt in christo et eleemosynas illius enarrabit omnis ecclesia sanctorum
Matins respons 9
Romam tendit dum beatus
vir orandi gracia
eius prece rex fidelis
usus est victoria
Matins verse 9
Per hunc et nos triumphemus
cum christo in gloria
Matins respons 10
Theorie volens sanctus
vacare liberius
successore surrogato
est effectus monachus
Matins verse 10
Sanccior ut sanctus
melior fieretque beatus
Matins respons 11
Orans nocte vir beatus
celi vidit agmina
quibus summi sacerdotis
exhibet officia
Matins verse 11
Adest simul et maria
cum sua familia
Matins respons 12
De virtute in virtutem
gloriose pontifex
studuisti mundo vivens
feliciter scandere
nunc in sion deum cernis
revelata facie
Matins verse 12
Marthe ministerio
diligenter expleto
elegisti marianam
partem labe nesciam
Matins Q
Revelata domini gloria
cum iustus iudex
eque iudicabit cuncta
o pater sancte presulum gemma
flos monachorum
nos te venerantes salva
assurge pro nobis
et prece gratissima
nos deo commendans
pie reconcilia
ut in eius clarissima
gloriari mereamur
facie
 
Lauds antiphon 1
Sanctus presul in superno
bonitus palacio
regem christum in decore
semper gaudet cernere
Lauds antiphon 2
Pura deo quia mente
servivit fideliter
portas eius introire
meruit feliciter
Lauds antiphon 3
Sub tuarum rex eterne
alarum velamine
hic exultat celo tua
quem suscepit dextera
Lauds antiphon 4
Inter christi sacerdotes
refulgens ut lucifer
creatorem dei servus
benedicit bonitus
Lauds antiphon 5
Omnis etas omnis sexus
omnis atque spiritus
laudet deum cum beato
confessore bonito
Lauds (gospel) special antiphon
Decurso vite presentis
feliciter stadio
ut esset probato auro
ter quaterque purior
bonitus podagre gravi
correptus incommodo
supernorum est receptus
civium collegio
quo placato representet
vota nostra domino
 
2nd Vespers (gospel) special antiphon
Suscipe nostra
pater bonite precamina
et ea christo representa
ut et tuis precibus
nostris liberemur a criminibus