| |
| |
Vespers antiphon
|
Sion sancta gratulare
plebs fidelis colletare
sancto bonifacio
psalmos deo personare
debet illis et vacare
mentis exultacio
luctus cordis refugetur
et decenter augmentetur
laudis enarracio
vox ad cantus animetur
ut condigne celebretur
eius ordinacio
|
Vespers (gospel) special antiphon
|
O celestis cetus gaude
mundi decus et applaude
presuli magnifico
rome qui dum ordinatur
in amore solidatur
domini vivifico
bonis factis insignitus
unde nomen est sortitus
iure bonifacius
quod aptatur digne factis
ut ex eius sacris actis
claret efficacius
sancte pater et patrone
nos degentes in agone
huius vite misere
tua prece cum beatis
alme vultum deitatis
fac in evum visere
|
| |
Matins I
|
Adoremus mente tota
regem regum et devota
nostra sit laudacio
qui coronam sempiterne
vite dedit suo verne
sancto bonifacio
|
Matins antiphon 1
|
Vir beatus aspernatur
impium consilium
legem dei meditatur
sequens eius filium
|
Matins antiphon 2
|
Hic adhesit in timore
domini serviciis
parvi pensis cum livore
seculi deliciis
|
Matins antiphon 3
|
Quem de suo sancto monte
deus exaudiverat
perfruentem eve fonte
vite quam cupierat
|
Matins respons 1
|
Ex anglorum stirpe natus
hic preclara vir beatus
et wintfridus nomen nactus
mox in fide solidatur
et doctrinis mancipatur
verus cultor dei factus
|
Matins verse 1
|
Mundum despexit
cor ad celestia vexit
|
Matins respons 2
|
Hunc allexit ad amorem
mundi pater successorem
quem bonorum affectabat
felix puer sed mundanis
rebus spretis tamquam vanis
sempiternis inhiabat
|
Matins verse 2
|
Sic christum querens
et verbis eius adherens
|
Matins respons 3
|
Agens annos iuventutis
ob eterne spem salutis
statu gaudet regulari
temptamentis carnis cedit
docet orat et obedit
vita fultus salutari
|
Matins verse 3
|
Hinc dilatatur
sua laus sic undique gratus
quod sublimatur
ad honorem presbyteratus
|
Matins antiphon 4
|
Christus sanctum suum rite
hunc mirificavit
cuius preces sunt audite
ad se dum clamavit
|
Matins antiphon 5
|
Introibat in timore
hic vir sanctus domum dei
corde puro nec non ore
sacras preces fundens ei
|
Matins antiphon 6
|
Hunc honore coronavit
deus et cum gloria
inter iustos quem beavit
perpeti memoria
|
Matins respons 4
|
Multis locis hinc lustratis
et in fide confortatis
pape chartis evocatus
romam petit quam ingressus
sacris locis fit accessus
que frequentat hic beatus
|
Matins verse 4
|
Urbs rex papa pio
tali gaudent peregrino
|
Matins respons 5
|
Cuius fidem atque vitam
sacris factis sic politam
papa plene dum probavit
archipresul maguntinus
ordinatur hec divinus
velut nutus inspiravit
|
Matins verse 5
|
Nomen mutatur
bonifacius inde vocatur
|
Matins respons 6
|
Presul ergo consecratus
bonis multis est ditatus
ad gentiles destinatur
quibus christum predicare
et in fide roborare
ne tepescat incitatur
|
Matins verse 6
|
Qui sibi mandatis
iniunctis pronus obedit
nam diis ablatis
per eum gens plurima credit
|
Matins antiphon 7
|
Servus prudens et beatus
sancta dei tabernacula
iusta semper operatus
est ingressus sine macula
|
Matins antiphon 8
|
Super dei salutare
vehementer exultavit
quem decrevit coronare
nec spe cordis defraudavit
|
Matins antiphon 9
|
Deum querens sine sorde
iusta generacio
colletetur mundo corde
sancto bonifacio
|
Matins respons 7
|
Extirpavit deos vanos
sanctus presul dum germanos
christi fidem induebat
ab errore resilire
atque viam comperire
vite iugis his suadebat
|
Matins verse 7
|
Talibus ad christum
monitis populum trahit istum
|
Matins respons 8
|
Demum gestis cunctis rite
hic coronam eve vite
firmiter cupivit
hanc ut ferret ad priorem
statum lapsam in errorem
frisiam adivit
|
Matins verse 8
|
Quo male tractatur
et cum sociis trucidatur
|
Matins respons 9
|
O lux pontificum
venerande pater bonifati
sidus clarificum
congaudens nunc deitati
criminis a fecibus
tu nos ut purificati
posce tuis precibus
simus sanctis sociati
|
Matins verse 9
|
Tu via iusticie
virtutum gemma pudoris
cellula mundicie
vas divi lumen amoris
|
| |
Lauds antiphon 1
|
Deus regnans qui decoris
se precinxit fortitudine
sedem dedit huic honoris
in celesti claritudine
|
Lauds antiphon 2
|
Iste deo cum leticia
iubilando deservierat
aspernatus cuncta vicia
regnum eius introierat
|
Lauds antiphon 3
|
Hic ad deum vigilavit
in se cuius anima sitivit
ad quem manus elevavit
et ex totis viribus quesivit
|
Lauds antiphon 4
|
Universum opus domini
hymnis cum decentibus
benedicat eius nomini
festis in presentibus
|
Lauds antiphon 5
|
Famuli fidelis
propter huius facta pura
dominum de celis
laudet omnis creatura
|
Lauds (gospel) special antiphon
|
Benedictus sit celestis
rex qui suos visitavit
in preclaris huius gestis
servi boni quem amavit
per doctrinam eius piam
qui fideles illustravit
ad eterne pacis viam
et errantes revocavit
|
| |
2nd Vespers respons
|
Laudibus immensis
exulta plebs hamelensis
hunc tibi patronum
celestem namque colonum
christus donavit
qui templum nempe sacravit
hoc dotans rite
nanciscens premia vite
|
2nd Vespers verse
|
Ablue peccati
maculam sacer o bonifati
atque tue laudi
nos instantes pater audi
|
2nd Vespers (gospel) special antiphon
|
Pastor bone summi regis
bonifati tui gregis
luporum ab insultibus
qui catervam tuebaris
quina lucri salutaris
dans talenta cultibus
ob quod factus beatorum
es coheres gaudiorum
supernorum civium
te devoti deprecamur
ut te duce transferamur
horum ad convivium
|
| |
Q antiphon 1.a.o
|
Archipresul o beate
bonifati deo grate
tua iungat nos oracio
digne quibus est laudanda
et letanter celebranda
tua ordinacio
|
full office name: