| |
| |
Vespers antiphon
|
O lucerna
sincere fidei
cui sanctorum
congaudent cunei
tuo presens
adsis sollemnio
et perenni
nos dita gaudio
|
Vespers respons
|
O virtutum luminare
presigne miraculis
lumen blasi singulare
salus in periculis
firmamentum salutare
tuis esto servulis
|
Vespers verse
|
Respice in servos tuos et dirige opera eorum
|
Vespers (gospel) special antiphon
|
Salve martyr
vera salvacio
blasi nostra
spes et proteccio
nos a mundi
salva naufragio
et mundatos
ab omni vicio
tuo dignos
redde consorcio
|
| |
Matins I
|
Ad regem vite
digna cum laude venite
qui celo blasium
sustulit eximium
|
Matins antiphon 1
|
Urbe sebastea
tua vernant christe tropea
pro gustu calicis
qui magna rependis amicis
|
Matins antiphon 2
|
Dei preceptum predicans
hic blasius enituit
quem rex vere magnificans
in monte sancto statuit
|
Matins antiphon 3
|
Mirificasti domine
sanctum tuum in secula
quem pro gregis regimine
pontificali infula
induisti
|
Matins respons 1
|
Quam felici
christe commercio
tuos ditas
quantoque gaudio
in insigni
declaras blasio
qui presentem
diem martyrio
consecravit
|
Matins verse 1
|
Gloria et honore
coronasti eum domine
|
Matins respons 2
|
Sanctitatis
prefulgens lumine
ut fulgeret
lux in caligine
presulatus
vir sanctus culmine
sublimatur
|
Matins verse 2
|
Ut luceret omnibus in domo domini
|
Matins respons 3
|
Requisitus
sanctus a iudice
christi fidem
fatetur publice
multo ergo
ceditur verbere
sed verberi
non novit cedere
mens immota
|
Matins verse 3
|
In loco affliccionis sue confitetur nomen dei sui
|
Matins antiphon 4
|
Monte martyr
argei conditus
nil ferarum
concursu territus
harum morbos
ad tactum penitus
emundabat
|
Matins antiphon 5
|
In monte civitas
tegi non potuit
nam rumor presidi
de sancto patuit
qui sibi protinus
adductum voluit
presentari
|
Matins antiphon 6
|
Tribunali
iussus assistere
christi servum
se prodit libere
cesus ergo
iubetur carcere
conservari
|
Matins respons 4
|
Trina sancto visione
per noctem apparuit
deque sua passione
dominus innotuit
dum sub tali iussione
carnis sue voluit
holocaustum
|
Matins verse 4
|
Surge blasi et offer mihi hostias ut soles
|
Matins respons 5
|
A squalore carceris
vir sanctus educitur
rursumque conspectui
presidis exponitur
sed nec diis immolat
nec terrore flectitur
tormentorum
|
Matins verse 5
|
In domino sperans non timuit quid faceret sibi homo
|
Matins respons 6
|
Ad iussum presidis
missus in flumine
se munit blasius
crucis munimine
mox unda primitus
fluens et liquida
sub sancti gressibus
stetit in arida
|
Matins verse 6
|
In mari vie eius et semite eius in aquis multis
|
Matins antiphon 7
|
Incessanter insistebat
saluti fidelium
martyr atque retrahebat
ab errore gencium
dum ad fidem convertebat
parvulos gentilium
|
Matins antiphon 8
|
Signa verbo sociata
erant in eo pariter
tabe mentis emundata
egra caro similiter
mundabatur
|
Matins antiphon 9
|
Iam martyrum
consertus agmini
palma florens
in domo domini
tuos blasi
fideles erige
mores actus
vitamque corrige
|
Matins respons 7
|
Sanctus mirabili
perfusus lumine
sicco vestigio
exit de flumine
promisso celitus
certus ex munere
gaudens et alacer
accendit propere
ad coronam
|
Matins verse 7
|
Cupiebat enim dissolvi et esse cum christo
|
Matins respons 8
|
Certanti sonuit
nuncius e celis
amice domini
gaudeas fidelis
veni et suscipe
bravium corone
pro quo viriliter
sudans in agone
decertasti
|
Matins verse 8
|
Calicem salutaris accipiens intra in gaudium domini tui
|
Matins respons 9
|
O celestis
senator curie
fons dulcoris
blasi et venie
ad devote
vota familie
condescendens
consortem glorie
fac perennis
|
Matins verse 9
|
Memor esto congregacionis tue nec obliviscaris eius in finem
|
| |
Lauds antiphon 1
|
Mirabilis
in altis domine
qui decorem
cum fortitudine
sancto tuo
dedisti blasio
corregnanti
tecum in gaudio
|
Lauds antiphon 2
|
O fortis athleta
ad conspectum christi
qui cum leticia
victor introisti
nos eius populum
et oves pascue
in eius atriis
tecum constitue
|
Lauds antiphon 3
|
Quam felix anima
que deum sitivit
ecce nunc possidet
quod diu cupivit
translatam hodie
hanc super ethera
dei magnifice
suscepit dextera
|
Lauds antiphon 4
|
O beati
iustorum spiritus
quibus martyr
adiunctus inclitus
deum voce
collaudans sedula
benedicit
ei in secula
|
Lauds antiphon 5
|
In sanctorum
exultans gloria
mira blasi
gaudens leticia
novum deo
decantans canticum
laudes audi
tuorum supplicum
|
Lauds (gospel) special antiphon
|
O iubar eternum
blasi iubarque supernum
regis celestis
o fortis et inclite testis
respice servorum
clemens advocate tuorum
et prece nos solita
labenti dirige vita
|
| |
2nd Vespers respons
|
Iam cursus felicis
expleto stadio
athleta cervicem
supponit gladio
talentum cum lucro
reportans creditum
gaudentem in astris
intulit spiritum
|
2nd Vespers verse
|
A christo centuplum accipiens pro terrenis celestia comparavit
|
2nd Vespers (gospel) special antiphon
|
Magnificum salvatorem
laudet omnis spiritus
ut blasius det amorem
sancti nobis spiritus
qui celesti palacio
fulgeat humanitus
illo nos ducat gaudio
in quo regnat celitus
|
| |
Vespers (gospel) special antiphon .a1
|
Admiranda virtus in blasio
qua letatur mater in filio
letificans auspicis pocio
fuit causa
|
| |
Matins antiphon .a1
|
Ad salutis fidum refugium
concurrebat turba fidelium
prece sanctus dolores omnium
expellebat
|
Matins respons .a1
|
Deo placens atque gratissima
tua martyr extitit victima
dum post bella peracta plurima
sacra celos triumphans anima
penetravit
|
Matins verse .a1
|
Vestimento glorie induit te dominus
|
full office name: