| |
| |
Vespers (gospel) special antiphon
mode: 1d |
Ave presul honestatis
magne pater sanctitatis
sancte blasi vir laudande
orbe toto predicande
qui das lapsis relevamen
et infirmis medicamen
tu pro nobis intercede
ut celesti nos mercede
ditet deus cum beatis
regno sue claritatis
Martyr magne [alt: v magne pater]
|
| |
Matins I
mode: 3e |
Adoremus unum deum
atque trinum pariter
In quo vivit felix martyr
blasius perenniter
|
Matins antiphon 1
mode: 1d |
Celebremus exultantes
sancti festa blasii
ut in celo mereamur
eius esse socii
|
Matins antiphon 2
mode: 2d |
Cuius prece nobis deus
celi donet gaudia
ut cum ipso perfruamur
paradisi gloria
|
Matins antiphon 3
mode: 3e |
Hunc genuit virum dei
dives cappadocia
fitque dono dei presul
in urbe sebastia
|
Matins respons 1
mode: 1d |
Deo dignus et benignus
vir fuit egregius
Almus infans vir perfectus
martyr potens blasius
|
Matins verse 1
mode: 1e |
Qui iuvenis factus
magnos excrevit in actus
|
Matins respons 2
mode: 2d |
Videns ad se venientes
pontifex sanctissimus
Deum celi laudans inde
factus est letissimus
|
Matins verse 2
mode: 2v |
Christum prope iam sciebat
ideoque congaudebat
|
Matins respons 3
mode: 3e |
Felix martyr preciose
miles christi gloriose
Confer nobis relevamen
dans egrotis medicamen
|
Matins verse 3
mode: 3v |
Ablue nostrorum
precibus sordes viciorum
|
Matins antiphon 4
mode: 4e |
Quanta deus eius prece
fecit mirabilia
sepe vidit atque sentit
fidelis ecclesia
|
Matins antiphon 5
mode: 5f |
Nam infirmis eius prece
restauratur sanitas
languor fugit atque venit
optata iucunditas
|
Matins antiphon 6
mode: 6f |
Sancte blasi tu pro nobis
preces funde domino
ut possimus exultare
tecum sine termino
|
Matins respons 4
mode: 4e |
Deo multos convertebat
ab errore quos videbat
egris manus imponebat
atque sanos faciebat
Universi qui videbant
signa eius obstupebant
Stupebant [alt: v Ms]
Oberrore [alt: v ab errore]
|
Matins verse 4
mode: 4v |
Expectantes eius signa
loquebantur deo digna
Aspectantes [alt: v]
|
Matins respons 5
mode: 5f |
Sanabat homines
sanabat bestias
depellens ab ipsis
omnes molestias
Omnibus profuit
eius oracio
nostra sit per eum
in celis porcio
|
Matins verse 5
mode: 5v |
Orat fervens caritate
magna plenus pietate
|
Matins respons 6
mode: 6f |
Martyr gaudet in dolore
christi fervet in amore
In dolore confortatur
in amore roboratur
|
Matins verse 6
mode: 6v |
Eius nobis suffragium
celi donet palacium
|
Matins antiphon 7
mode: 7g |
Eius prece mulieri
damnum restituitur
pristineque sanitati
sanus homo redditur
|
Matins antiphon 8
mode: 8g |
Lesus spina gratulatur
ipsius suffragio
pulso eius cruciatu
ac dolore nimio
|
Matins antiphon 9
mode: 1d |
Stat securus super undam
felix martyr blasius
deum laudans et exultans
iam corone conscius
|
Matins respons 7
mode: 7g |
Ferreis dirupta
caro pectinibus
magnum dabat planctum
illis fidelibus
Agebat blasius
immensum gaudium
sed nimis lugebat
cetus fidelium
|
Matins verse 7
mode: 7v |
Cruore manabat corpus pontificis
quem fundebat atrox manus carnificis
|
Matins respons 8
mode: 8g |
Decoratus presul sacer
blasius martyrio
Et in christi regnat felix
beato consorcio
|
Matins verse 8
mode: 8g |
Contulit eterne
deus illi gaudia vite
|
Matins respons 9
mode: 1d |
O vir magne sanctitatis
et immense pietatis
omnes tibi famulantes
et te pie venerantes
ab inferni tempestate
tua magna potestate
Libera nos martyr sancte
ut possimus deo dante
paradisum possidere
et cum deo permanere
|
Matins verse 9
mode: 1d |
Nos tua deprecacio
christi iungat collegio
|
| |
Lauds antiphon 1
mode: 1d |
Regnat deus et cum eo
sanctus regnat blasius
presul sacer et confessor
et martyr egregius
Consors [alt: v Ms confessor]
|
Lauds antiphon 2
mode: 2d |
Iubilando sanctum laudat
omnis terra blasium
quem hodie traxit ad se
deus per martyrium
|
Lauds antiphon 3
mode: 3e |
Vigilemus et psallamus
deo summis laudibus
qui blasium sanctum vite
ditavit honoribus
Totis iure [alt: v Ms sanctum vite]
|
Lauds antiphon 4
mode: 4e |
Benedicant creature
plasmatorem omnium
per quem nobis sit eterna
salus et remedium
|
Lauds antiphon 5
mode: 5f |
Laudat dignum laudet deum
resonet in secula
detque nobis cum blasio
vite tabernacula
|
Lauds antiphon 5.a
mode: 5f |
Laude digna laudent deum
res omnes in secula
ut det nobis cum blasio
vite tabernacula
|
Lauds (gospel) special antiphon
mode: 6f |
Benedictus rex in eternum
qui creavit omnia
qui blasium hac in die
coronavit gloria
ex hac vita ducens illum
ad celi fastigia
qui dat nobis regnum vite
per eius suffragia
|
Lauds (gospel) special antiphon .a
mode: 6f |
Benedictus rex eternus
qui creavit omnia
qui blasium hac in die
coronavit gloria
ex hac vita ducens illum
ad celi fastigia
qui nobis regnum vite det
per eius suffragia
|
| |
Prime antiphon
|
Vultu nitens angelico
coruscans miraculis
ore pio predicabat
iesum christum populis
|
Terce antiphon
|
Ut gestorum verax eius
enarrat historia
eius fide septem fere
baptizantur milia
|
Sext antiphon
|
O vir dei martyr potens
tuis sanctis precibus
universis nos emunda
viciorum sordibus
|
Nones antiphon
|
In istius sacro festo
proferamus cantica
prece cuius nobis pius
det deus celestia
|
| |
2nd Vespers (gospel) special antiphon
mode: 7g |
Magnificet totus mundus
christum dei filium
qui hodie sublimavit
pontificem blasium
hunc exaltans et collocans
celo per martyrium
cuius prece nos illustret
paradisi gaudium
|
| |
Matins respons .a1
|
Dignam dei potestatem
laudemus et blasium
cuius miram sanctitatem
facturis naufragium
lacus nobis manifestat
dum se sancto sedem prestat
|
Matins verse .a1
|
Hoc eventu stupuit
et natura sua iura
perdidisse timuit
|
Matins respons .a2
|
Cum orasset vir beatus
ad coronam iam vocatus
vox de celis est audita
ad eundem dicens ita
|
Matins verse .a2
|
Quidquid petis o vir sancte
consequeris me donante
|
Matins respons .a3
|
Dum furibunda manus
pulchros extensa per actus
ictibus instaret
vir blasius talia supplex
orabat miserere mei
iam christe rogantis
|
Matins verse .a3
|
Auditur vox digna sibi
satis acta saluti
ne metuas quia sum
dulci solamine tecum
|
Matins Q .a1
|
Miles christi gloriose
martyr blasi sanctissime
tuo pio interventu
culpas nostras ablue
salve nostri tutor egregie
salva tue gaudentes glorie
ut celestis regni sedem
valeamus scandere
|
| |
2nd Vespers (gospel) special antiphon .a1
|
Salve martyr vera salvacio
blasi spes nostra et proteccio
nos a mundi salva naufragio
et mundatos ab omni vicio
tuo nos dignos redde obsequio
|
| |
Matins respons 8
|
Preses nequam fervens ira
provolvendo secum dira
magna plenus rabiei
cogitabat virum dei
cruciare per tormenta
et per carnis detrimenta
sed rex celi conservabat
illum atque roborabat
|
Matins verse 8
|
Tentabat impius
iudex egregium
per tormenta
perdere blasium
|
full office name: