| |
| |
Vespers respons
|
Laudemus nunc in vesperis
omnes beatum blasium
cum sit dignus honore
regnat quidem in superis
laudans factorem omnium
paradisi decore
|
Vespers verse
|
In sede sedens etheris
supernorum civium
delectatur amore
|
Vespers (gospel) special antiphon
|
O blasi gemma presulum
ecclesieque speculum
tu decus medicorum
tu piscina languencium
es ad te confluencium
tu spes tribulatorum
ut prestes tuis precibus
nos celi iungi civibus
devote supplicamus
unde per laudis tympanum
et pie vocis organum
nos te magnificamus
|
| |
Matins I
|
Sanctorum regem martyrum
adoret plebs fidelis
qui suum servum blasium
locavit iam in celis
|
Matins antiphon 1
|
Christus in evangelio
manifeste proponit
quod aliquis sub modio
lucernam non reponit
|
Matins antiphon 2
|
Premissis verbis blasius
intendit mente tota
in montem pergit ocius
sua complevit vota
|
Matins antiphon 3
|
Multis fulsit virtutibus
ibidem gloriosus
dignis oracionibus
existens copiosus
|
Matins respons 1
|
In blasii memoria
nos hodie letemur
danda laudum obsequia
eique famulemur
ut eius per suffragia
in celo coronemur
|
Matins verse 1
|
Abicientes vicia
perquirentes celestia
sic eum veneremur
Abiicientes [alt: v AH]
|
Matins respons 2
|
Dum montis in cacumine
vir sanctus residebat
in iesu christi nomine
miraculis fulgebat
tam a fera quam homine
demones expellebat
|
Matins verse 2
|
Quia suo precamine
egrorum medicamini
devotus intendebat
|
Matins respons 3
|
Agrestes feras iusserat
tunc preses congregari
cuius turba prodierat
in monte mox venari
sic bestias conspexerat
vicissim consternari
|
Matins verse 3
|
Ad speluncam ut venerant
sanctum intraque viderant
inceperunt mirari
|
Matins antiphon 4
|
Stetit dei servicio
hic innocens et purus
unde celesti precio
perfruitur securus
|
Matins antiphon 5
|
In terra cappadocie
beatus iste degit
se ipsum gens sebastie
in presulem elegit
|
Matins antiphon 6
|
Et se ad montem transferens
qui dicitur argei
se deo totum offerens
cantavit laudes ei
|
Matins respons 4
|
Confestim turba rediit
agricolano retulit
quod viderat in monte
preses vero hec audiit
qui pluris ei contulit
ut irent pro insonte
|
Matins verse 4
|
Cum pluribus hic abiit
et presuli hunc attulit
serenum leta fronte
|
Matins respons 5
|
Preses blandis sermonibus
ad se deductum blasium
suadere incohavit
quem cedi iussit fustibus
ipsius cor eximium
quia non immutavit
|
Matins verse 5
|
Et ferreis pectinibus
hunc carminari nimium
ministris imperavit
|
Matins respons 6
|
Hic post flagella fustium
et cruciatus pectinum
est tandem decollatus
ritum spernens gentilium
sic transiit ad dominum
hic capite truncatus
|
Matins verse 6
|
Pro rege regum omnium
conclusit vite terminum
cum quo regnat beatus
|
Matins antiphon 7
|
Ad ipsum si contigerit
egras feras venire
cum sanas eas reddidit
nolebant retroire
|
Matins antiphon 8
|
De blasii miraculis
timens agricolanus
ut teneretur vinculis
suas transmisit manus
|
Matins antiphon 9
|
Inflecti numquam potuit
vir iste blandimentis
magis pro christo voluit
corpus dari tormentis
|
Matins respons 7
|
Nudus hic veste carnea
trita iam in equuleo
granum ut nudum palea
celi confertur horreo
de palma gaudens rosea
cum sacerdotum cuneo
|
Matins verse 7
|
Huius mundi
sumptus ex area
celo fulget
duplici laurea
|
Matins respons 8
|
Oppressos malis blasius
sua prece alleviat
in fidei constancia
ut ipsos fortes faciat
et in virtute deica
sanos eos custodiat
|
Matins verse 8
|
Quos in eterna patria
regi qui regit omnia
commissos sibi sociat
perfruituros gloria
|
Matins respons 9
|
O blasi nostros gemitus
devote quos emittimus
audire nunc digneris
succurre nobis celitus
en tibi nos committimus
et ideo teneris
|
Matins verse 9
|
Te deprecamur penitus
salutis opem petimus
conferre ne moreris
|
| |
Lauds antiphon 1
|
Indutus pulchritudinem
indutus fortitudinem
qui dominus regnavit
precinxit se et blasium
hodie per martyrium
in celo collocavit
|
Lauds antiphon 2
|
Omnis terra nunc domino
servite sine termino
et ei iubilate
si cupitis cum blasio
celorum frui bravio
in sempiternitate
|
Lauds antiphon 3
|
Ad te de luce vigilo
deus meus de nihilo
tu es qui me fecisti
qui carnem mundum spernere
diabolum evincere
iam mihi prestitisti
|
Lauds antiphon 4
|
Benedicamus pariter
deum patrem similiter
et filium eternum
una cum sancto spiritu
cum lete vocis sonitu
et festum hodiernum
|
Lauds antiphon 5
|
In sanctis eius dominum
laudate qui est criminum
nostrorum expiator
qui propter preces blasii
felicis et eximii
sit nostri miserator
|
Lauds (gospel) special antiphon
|
O blasi tu diceris
david alter inclitus
cum goliam viceris
armis sumptis celitus
tu medicus cum fueris
sauciatis vulneribus
medere salutiferis
celi medicaminibus
|
| |
2nd Vespers (gospel) special antiphon
|
O palma victorie
palmes vere vitis
iter innocencie
velut agnus mitis
blasi sacer hodie
fac nobis contritis
munus dari venie
culpis delinitis
|
| |
Matins antiphon .a1
|
Iesus spina gratulatur
ipsius suffragio
pulso eius cruciatu
ac dolore nimio
|
| |
Lauds (gospel) special antiphon .a1
|
Erexit cornu salutis
hominibus atque brutis
pius dei filius
horum alter cum vexatur
remedium ei datur
si vocetur blasius
|
| |
2nd Vespers (gospel) special antiphon .a1
|
Magnificate dominum
per omnes sexus hominum
et ei iubilate
qui per beatum blasium
hostem devicit impium
mortis strenuitate
|
| |
Matins I .a1
|
Vigilemus et psallamus
deo summis laudibus
qui blasium tantis vite
ditavit honoribus
|
full office name: