| |
| |
Matins antiphon 1=d
|
O amabilis virgo a deo super montem sanctum suum syon regina constituta vac nos filio tuo servire in timore et exultare ei cum tremore
|
Matins antiphon 2=d
|
O susceptor et gloria marie semper virginis exurge contra adversarios nostros et veniat super populum tuum benedicio tua
|
Matins antiphon 3=d
|
Interveniente te o dei genetrix dignos deus nos faciat sibi offerre iusticie sacrificium super quos signatum est lumen vultus sui
|
| |
Lauds antiphon =d
|
Domum tuam domine mariam virginem in qua decorem induisti et te virtute precinxisti decet sanctitudo in longitudinem dierum
|
Lauds (gospel) special antiphon =d
|
Benedictus dominus deus israel pater et filius et spiritus sanctus deus noster quia sicut locutus est ore prophetarum visitavit nos per virginem quam ab eterno preordinavit fieri intemeratam matrem fecitque per eam redempcionem plebis sue
|
| |
Hours (little hours) antiphon 1=d
|
O speciose forma pre filiis hominum fili immaculate virginis fac nos sine macula in legis tue semita iugiter ambulare
|
Hours (little hours) antiphon 2=d
|
Averte oculos nostros honestissima mater ne videant vanitatem disciplina filii tui nos instrue eius enim manus plasmaverunt nos
|
Hours (little hours) antiphon 3=d
|
Omnia mandata tua veritas deus altissime sit igitur te donante tuum verbum lucerna pedibus nostris pro tue dignissime matris gloriosis intercessionibus
|
Hours (little hours) antiphon 4=d
|
Reconcilia nos virgo mater tuo iustissimo filio ne sicut oves que perierunt oberremus eius namque misericordie multe sunt
|
| |
2nd Vespers antiphon =d
|
Beati metuentes dominum et filii virginis a dextris patris residentis mandata observantes illis enim est venite benedicti patris mei percipite regnum vobis paratum ab origine mundi
|
2nd Vespers (gospel) special antiphon =d
|
Patrem cum filio et spiritum cum utroque unum verum deum anime nostre exultantes iugiter magnificent qui nostram fragilitatem eternaliter prenoscens ab inicio nobis adiutricem mariam virginem preordinavit cuius anima in deo exultans ipsum summe magnificavit
|
| |
Compline antiphon =d
|
Iocundum est eis in unum habitare qui ex cordis intimo deum ac suam matrem assidue venerantur
|
Compline (gospel) special antiphon =d
|
O regis pacifici illibata genetrix in tui filii salutari pace servos tuos et ancillas benigniter constitue
|
| |
Matins antiphon 1=m
|
Benedictus dominus quem pro sue matris dignissimis precibus exaudire speramus vocem deprecacionis nostre
|
Matins antiphon 2=m
|
Filii hominum afferte filio virginis gloriam et honorem ut filii dei efficiamini
|
Matins antiphon 3=m
|
Converte domina mater gaudii luctum nostrum in gaudium et circumda nos leticia ut letantes annunciemus dei veritatem
|
| |
Lauds antiphon =m
|
Angeli archangeli virtutes potestates principatus dominaciones throni cherubin et seraphin regem celorum pro virgine quam sibi in reginam preelegit collaudate nos quoque ad ipsorum laudem dignos efficite
|
Lauds (gospel) special antiphon =m
|
Sis tu eterne deus eternaliter benedictus pro tue matris eterna gloria quam ineffabili laude glorificant cetus angelici quam tremiscunt inferorum cunei cuius ope salvari speramus nos peccatores miseri hinc laus honor et gloria tibi benigne conditor resonet in secula
|
| |
Hours (little hours) antiphon 1=m
|
Non obliviscatur nos tua benedicta proles o virgo virginum ut exaltetur inimicus noster super nos
|
Hours (little hours) antiphon 2=m
|
O victrix robustissima in cuius conspectu ad nihilum deductus est malignus humani generis inimicus per te nobis restituta est hereditas nostra
|
Hours (little hours) antiphon 3=m
|
Preveni nos domina in benediccionibus dulcedinis ne meminetur tuus filius delicta est ignorancias nostras sed suarum miseracionum reminiscatur
|
Hours (little hours) antiphon 4=m
|
Adiuva nos sponsa regis altissimi ne perdantur anime nostre cum impiis quas redemit verbigena deus veritatis
|
| |
2nd Vespers antiphon =m
|
Deus noster es tu bone iesu fili virginis illibate recta igitur fide corda nostra illumina ardenti caritate inflamma et spe firma corobora succurre nobis o mater gracie tu es enim porta domini per quam iusti intrabunt in regnum glorie
|
2nd Vespers (gospel) special antiphon =m
|
Magnificetur rex celestis milicie qui ancille sue humilitatem sespiciens super omnia que creavit ipsam magnificavit laudetur incessanter eius benigna caritas qui ipsam nobis matrem constituit caritatis |
| |
Compline antiphon =m
|
Exultant sancti de maria sanctificacionis arca que ex gracie quam apud deum invenit plenitudine omnium ad se fugiencium depellit inopiam |
Compline (gospel) special antiphon =m
|
Angelorum imperatrix nos ipsorum assigna custodie ne circuiens ferox leo inveniat quem devoret in tua plebicula
|
| |
Matins antiphon 1=t
|
Ab omnibus iniquitatibus nostris erue nos domina nostra reconciliando nos filio tuo piissimo qui ex iusticia delinquentem corripuit hominem
|
Matins antiphon 2=t
|
Emitte nobis fili dei lucem et veritatem tuam ut perducamur in sinum misericordie gloriose matris tue
|
Matins antiphon 3=t
|
Salva nos salutis et vite mater de affiligentibus nos ne cooperiat nos umbra mortis quoniam expandimus manus nostras ad tuum filium deum verum
|
| |
Lauds antiphon =t
|
Scitote populi quoniam filius virginis ipse est deus qui fecit nos quem patriarche desideraverunt quem prophete predicaverunt cuius misericordia manet in eternum
|
Lauds (gospel) special antiphon =t
|
Benedictus sis tu dignissime sator qui optimi frumenti granum optime terre sancti spiritus rore irrigate inseruisti quod mirabiliter multiplicatum est mortuum quo reficiuntur angeli quo reviviscunt mortui quo sanantur egroti quo vivunt omnia quo restaurantur universa
|
| |
Hours (little hours) antiphon 1=t
|
Multe tribulaciones iustorum et de omnibus eis liberabit eos tuus natus o virgo mestorum consolacio
|
Hours (little hours) antiphon 2=t
|
Pretende benigne deus tuam misericordiam scientibus te qui tue voluptatis torrente mariam potasti super omnia sicientem te
|
Hours (little hours) antiphon 3=t
|
Benedicta sis tu maria aula pulchritudinis templum regis glorie cuius misericordiam suscepimus e medio tui sacratissimi uteri
|
Hours (little hours) antiphon 4=t
|
Noli domina nos relinquere in tremendo tui filii iudicio cui pater omne iudicium contulit cuius iusticiam celi annunciabunt cuius aspectum omnis potestas formidabit dum venerit discernere populum suum
|
| |
2nd Vespers antiphon =t
|
Omnem potestatem omnem virtutem tuo excelso filio o puellarum humilima ascribimus qui reges constituit et destituit qui omnia fecit quecumque voluit in celo et in terra et in mari et in abyssis universis
|
2nd Vespers (gospel) special antiphon =t
|
Sancta maria succure miseris iuva pusillanimes refove flebiles ora pro populo interveni pro clero intercede pro devoto femineo sexu senciant omnes tuum iuvamen quicumque celebrant tuam commemoracionem
|
| |
Compline antiphon =t
|
Memor dominus mansuetudinis sponse sue cum iocunditate introivit in tabernaculum eius
|
Compline (gospel) special antiphon =t
|
Lumen verum quod nobis protulisti o stella clarissima nos ubique circumfulgeat eliminando tenebras mortis a nostris sensibus
|
| |
Matins antiphon 1=w
|
Corrige virgo prudentissima nostra corda insipiencia ut respiciens de celo tuus filius videat nos intelligentes et requirentes se
|
Matins antiphon 2=w
|
Repelle a tavernaculis nostris omnem nequiciam maria spes omnium super te enim iactamus curam nostram
|
Matins antiphon 3=w
|
Gloriose dei matris gracia eripiat animas nostras de morte et pedes nostros a lapsu ut placeamus coram deo in lumine vivencium
|
| |
Lauds antiphon =w
|
Nativitas gloriose virginis marie ex semine abrahe orta de tribu iuda clara ex stirpe david
|
Lauds (gospel) special antiphon =w
|
Nativitas tua dei genetrix virgo gaudium annunciavit universo mundo ex te enim ortus est sol iusticie christus deus noster qui solvens malediccionem dedit benediccionem et confundens mortem donavit nobis vitam sempiternam
|
| |
Hours (little hours) antiphon 1=w
|
Nativitatem recolamus sancte marie virginis cuius vita inclita cunctas illustrat ecclesias
|
Hours (little hours) antiphon 2=w
|
Regali ex progenie maria exorta refulget cuius precibus nos adiuvari mente et spiritu devotissime poscimus
|
Hours (little hours) antiphon 3=w
|
Corde et animo christo canamus gloriam in memoria nativitatis precelse genetricis dei marie
|
Hours (little hours) antiphon 4=w
|
Deus et angeli de nativitate marie virginis sunt letati nos igitur eam recolamus cum iocunditate
|
| |
2nd Vespers antiphon =w
|
Gloriose virginis marie ortum dignissimum recolamus que et genetricis dignitatem obtinuit et virginalem pudiciciam non amisit
|
2nd Vespers (gospel) special antiphon =w
|
Quando nata es virgo sacratissima tunc illuminatus est mundus stirps beata radix sancta et benedictus fructus ventris tui
|
| |
Compline antiphon =w
|
Castitatem vovit altissimo tenera puellula inter homines vitam ducens angelicam cuius virginitatem deus honorifice fecundavit
|
Compline (gospel) special antiphon =w
|
O mulierum felicissima succurre nobis infelicibus peccatoribus et quos gravat sarcina peccaminum tu eos pie releva quam gravidam fecit virtus altissimi
|
| |
Matins antiphon 1=x
|
Clamavimus ad deum altissimum et misit nobis per mariam sponsam sibi preelectam veritatem suam et qui nobis foveam foderunt inciderunt in eam
|
Matins antiphon 2=x
|
Congratulamini filio dei filii hominum qui ovantibus angelis factus est filius virginis hic enim confregit molas leonum nos atrociter corrodencium
|
Matins antiphon 3=x
|
Flectatur tibi benedicte iesu omne genu qui virginem matrem et te hominem fieri voluisti ut hereditatem dares timentibus nomen tuum
|
| |
Lauds antiphon =x
|
O admirabile commercium creator generis humani animatum corpus sumens de virgine nasci dignatus est et procedens homo sine semine largitus est nobis suam deitatem
|
Lauds (gospel) special antiphon =x
|
Latuit in blando serpentis sibilo hostis pestiferi dolositas ut homo caperetur latuit humiliter in vagientis pueri exili corpore deitatis immensitas ut homo revinceretur latuit in desponsata matre virginalis honestas ut hostis confunderetur sic denique arte ars delusa est et fraus in suum factorem reversa est laus igitur et gloria sit filio cum matre et matri cum filio cui canebant angeli laudes in excelsis
|
| |
Hours (little hours) antiphon 1=x
|
Quando natus es ineffabiliter ex virgine tunc implete sunt scripture sicut pluvia in vellus descendisti ut salvum faceres genus humanum te laudamus deus noster
|
Hours (little hours) antiphon 2=x
|
Rubum quem viderat moyses incombustum conservatam agnovimus tuam laudabilem virginitatem dei genetrix intercede pro nobis
|
Hours (little hours) antiphon 3=x
|
Germinavit radix iesse orta est stella ex iacob virgo peperit salvatorem te laudamus deus noster
|
Hours (little hours) antiphon 4=x
|
Ecce maria genuit nobis salvatorem quem ioannes videns exclamavit dicens ecce agnus dei ecce qui tollit peccata mundi
|
| |
2nd Vespers antiphon =x
|
Beatus populus cuius est iesus quem virgo lactabat deus eius ve confidentibus in principibus filiis hominum in quibus non est salus
|
2nd Vespers (gospel) special antiphon =x
|
Gaude eternaliter intacta mater que omnibus omnia facta es trinitati summa gloria angelis leticia captivis liberatrix egrotantibus curatrix desolatis consolatrix iustis promotrix reis adiutrix filio dei genetrix benedicta sis tu perenniter et benedictus fructus ventris tui
|
| |
Compline antiphon =x
|
Quoniam mandavit dominus perpetuam benediccionem suam matrem colentibus ipsam obsequio devoto et humili iugiter veneremur
|
Compline (gospel) special antiphon =x
|
Glorificamus te dei genetrix quia ex te natus est christus salva omnes qui te glorificant
|
| |
Matins antiphon 1=y
|
Propter preces tue sanctissime matris christe liberator fortissime eripe nos a luto peccati ne absorbeamur in profundum barratri qui pro nobis factus homo opprobria sustinuisti
|
Matins antiphon 2=y
|
Ne elongeris a nobis nostra unica advocata sed intercedente te nos inebriet sua caritate iesus tuus filius pro nostris reatibus felle potatus
|
Matins antiphon 3=y
|
Benedictum sit nomen maiestatis marie virginis filii qui nobis vitam sua morte mercatus est repleatur omnis terra laude eius et dicat omnis lingua fiat fiat
|
| |
Lauds antiphon =y
|
Misereatur nostri deus altissimus o mater vite interveniente te qui nobis humiliter sociatus est obediente te et pro nobis morte turpissima damnatus vidente te
|
Lauds (gospel) special antiphon =y
|
O virgo post deum miserorum singulare refugium sicut te non ambigimus splendorem lucis eterne huic tenebroso mundo invexisse qui sedentes in umbra mortis illuminavit dignare nunc domina lumen quod genuisti obscuratis cordibus inferre ut omni vanitate contempta veritatem valeant agnoscere et dignissimum precium pro se ex caritate donum non amittere
|
| |
Hours (little hours) antiphon 1=y
|
Christe patris excelsi et humilime virginis unigenite in cruce pro nobis exaltate humilia misericorditer nostra tumencia corda ut cum tuis angelis te valeamus humiliter adorare
|
Hours (little hours) antiphon 2=y
|
Iesu benigne redemptor sicut pro patris obediencia longe a nobis fecisti nostras iniquitates tua passione ita et nunc oculorum et carnis concupiscenciam viteque superbiam a nobis procul dimoveas tue matris intercessione
|
Hours (little hours) antiphon 3=y
|
Tremor terre petrarum scis sure solique obscuracio ipsum quem genuit virgo puerpera omnium factorem testificantur ipso igitur largiente scindatur duricia nostrorum cordium vera compunccione ut eum benedicant anime nostre pro sua redempcione
|
Hours (little hours) antiphon 4=y
|
Confiteantur regi celorum eius magne misericordie qui non dedignatus est inter latrones deputari ut devicto iniquissimo predone nos suis angelis sociaret cuius piissimis manibus sua reverendissima mater nostras animas representet
|
| |
2nd Vespers antiphon =y
|
Annuncietur in universa terra quam magnifice fecit quem nobis peperit sponsa regis eterni in pulvere clausus est ut de pulvere plasmatos in regno claritatis collocaret a morte captus est ut mortis actorem captivaret fregit mortis clausuras viteque ianuam patefecit
|
2nd Vespers (gospel) special antiphon =y
|
Exulta feliciter mater invictissimi triumphatoris qui mortem mortificavit superbos disperdidit humiles exaltavit captivos redemit fetidos purgavit famelicos saturavit et te sibi matrem ac sponsam amantissimam sua gloriosa resurreccione letificavit benedicat eum et veneretur omnis creatura et ad eius gloriam te eternaliter beatam proclament omnes generaciones
|
| |
Compline antiphon =y
|
Sancte spei mater diffidencie expers caliginis non dubitabat suum sepultum resurgere filium super quem efflorebat sanctificacio patris superni
|
Compline (gospel) special antiphon =y
|
O mitissime salvator qui pro tuis crucifixoribus patrem precatus es precante tua pia matre nostra nobis ignosce facinora nostrisque cordibus veram largire mititatem
|
| |
Matins antiphon 1=z
|
Exaltata es sancta dei genetrix super choros angelorum ad celestia regna
|
Matins antiphon 2=z
|
Paradisi porte per te nobis aperte sunt quas virgo gloriosa cum angelis triumphas
|
Matins antiphon 3=z
|
Speciosa facta es et suavis in delicis tuis sancta dei genetrix
|
| |
Lauds antiphon =z
|
Assumpta est maria in celum gaudent angeli laudantes benedicunt dominum
|
Lauds (gospel) special antiphon =z
|
Que est ista que ascendit sicut aurora consurgens pulchra ut luna electa ut sol terribilis ut castrorum acies ordinata
|
| |
Hours (little hours) antiphon 1=z
|
Maria virgo assumpta est ad ethereum thalamum in quo rex regum stellato sedet solio
|
Hours (little hours) antiphon 2=z
|
In odore ungentorum tuorum currimus adolescentule dilexerunt te nimis
|
Hours (little hours) antiphon 3=z
|
Benedicta filia tua domino quia per te fructum vite communicavimus
|
Hours (little hours) antiphon 4=z
|
Pulchra es et decora filia ierusalem terribilis ut castrorum acies ordinata
|
| |
2nd Vespers antiphon =z
|
Iam letaris domina nostra in hiis que dicta tibi sunt ingressa es domum domini gestans coronam honoris eterni cum angelis igitur letantibus deo iubilet omnis terra
|
2nd Vespers (gospel) special antiphon =z
|
Maria maria tocius sanctitatis tu principalis gemma nos tibi humiliter da servire et ab hostis antiqui mille millenis fraudibus conserva maria
|
| |
Compline antiphon =z
|
Cum iocunditate assumpcionem beate marie celebremus ut ipsa pro nobis intercedat ad dominum iesum christum
|
Compline (gospel) special antiphon =z
|
O iocundissimam iocunditatem deus pater sponsam amplectitur filius matrem spiritus sanctus suum sacrarium celestis tota milicia suam dignissimam dominam mariam virginem laude ineffabili confitetur
|
full office name: